Descarga en formato PDF (3,8 MB) - Centro Ramón Piñeiro para a ...

Tecnoloxías da linguaxe
de primeiras e segundas linguas. Con este obxectivo, lévase a cabo unha aproximación ao concepto
de Learner Corpus, acompañada dunha listaxe de recursos deste tipo actualmente existentes para o
inglés e dunha breve relación de corpus non especificamente deseñados para o ensino do galego e do
castelán, pero que poden resultar útiles nese ámbito. Distínguense os distintos tipos de córpora “with
special reference to the so called learner corpora” (p. 168) e sinálanse as distintas aplicacións desde o
punto de vista do ensino de primeiras e segundas linguas. Entre os corpus cos que traballan os autores
encóntrase o CORGA: Corpus de Referencia do Galego Actual (2001-, entrada 724), de cuxo funcionamento
e posibilidades de aplicación se fai unha breve descrición. O traballo complétase cun apartado
dedicado a demostrar mediante exemplos prácticos a aplicabilidade dos Learner Corpora e dos Native
Corpora no ensino de linguas [P.M.F.].
Vid. tamén as entradas 566, 736.
94 Recuperación de información: Recursos, informes e estudos
Vid. a entrada 736.
96 Tecnoloxías da fala
961 Síntese da fala: Recursos, informes e estudos
741. González González, Manuel: “A síntese de voz en lingua galega: o proxecto Cotovía”,
RGEn, 44, 2004:199-215, il.
1. investigación | 2. ámb. galego | 3. sincrónico | 4. c | 5. lingua oral/escrita
Traballo que describe a arquitectura do sintetizador de voz Cotovía, primeira ferramenta deste tipo en
lingua galega que comezou a desenvolverse no ano 1995, ao abeiro do Centro Ramón Piñeiro para a
Investigación en Humanidades, por un grupo de traballo de carácter interdisciplinar constituído por
lingüistas da Universidade de Santiago de Compostela e enxeñeiros de telecomunicación da Universidade
de Vigo. Un sintetizador de voz é unha ferramenta que permite a conversión dun texto escrito
nunha cadea oral, de xeito que a transferencia texto-voz poida ser levada a cabo cunha calidade aceptable
sen a intervención directa do falante. Con este instrumento acádase un dos principais obxectivos
para a integración do mundo tecnolóxico na sociedade: dotar ás máquinas da capacidade para
emitiren mensaxes orais. Cotovía é un conversor texto-voz baseado na técnica de concatenación de
unidades, a máis utilizado hoxe en día porque é a que permite unha maior aproximación á calidade da
voz humana [Adaptación do resumo que aparece na publicación].
962 Conversión de texto a fala: Recursos, informes e estudos
742. Fernández Salgado, Xavier: Análise e síntese prosódica do galego para conversión textofala,
Tese de Doutoramento, Universidade de Vigo, Escola Técnica Superior de Enxeñeiros de
348 Bibliografía analítica da lingua galega (2004)