Descarga en formato PDF (3,8 MB) - Centro Ramón Piñeiro para a ...

Traballos xerais e obras de consulta
salientando entre as súas obras o Diccionario gallego-castellano (1884, vid. BILEGA 1048) e os Elementos
de gramática gallega [1892] (1970, vid. BILEGA 932).
67. Fernández Salgado, Xosé Antonio: “O Diccionario Gallego-Castellano (1884) de Marcial
Valladares”, Verba, 31, 2004:361-397.
1. investigación | 2. ámb. galego | 3. sincrónico | 4. c
Despois de revisar as circunstancias que rodearon a elaboración e publicación do Diccionario gallegocastellano
(1884, vid. BILEGA 1048) de Marcial Valladares Núñez (1821-1903), examínanse os aspectos
en que esta obra supera as dos predecesores (concretamente, o Diccionario gallego-castellano [1863,
vid. BILEGA 1046] de Francisco Javier Rodríguez e o Diccionario gallego [1876, vid. BILEGA 1036] de Juan
Cuveiro Piñol). A análise céntrase no número e selección das entradas, así como na ortografía empregada
polo autor. Sinálase que o léxico recollido corresponde ao galego popular das zonas do Ulla, Santiago
de Compostela e Pontevedra, completado con algunhas voces máis procedentes doutras zonas,
que lle proporcionaron ao autor Gumersindo Laverde Ruíz, Manuel Leiras Pulpeiro, Amador Montenegro
Saavedra e Manuel Pardo Becerra.
68. Kremer, Dieter: “D. Carolina Michaëlis de Vasconcellos como lexicógrafa”, en Ulrike
Mühlschlegel (ed.), Dona Carolina Michaëlis e os estudos de Filologia Portuguesa, Frankfurt
am Main, Teo Ferrer de Mesquita, 2004:83-108 (= Biblioteca Luso-Brasileira; 22).
1. investigación | 2. ámb. portugués
Relatorio presentado no Colóquio Dona Carolina Michaëlis e os estudos filológicos em Portugal no começo
do século XX, desenvolvido o 18 de outubro de 2002 no Instituto Iberoamericano de Berlín, en colaboración
coa Facultade de Letras da Universidade de Coímbra. O autor recoñece que “[é] tarefa difícil
resumir os vastos campos de interesse e investigação concreta de Carolina Michaëlis de Vasconcellos”
(p. 86) que, xunto con outras relevantes figuras da época (Adolfo Coelho, Aniceto dos Reis Gonçalves
Viana, José Leite de Vasconcellos), “constitui o fundamento da Linguística Portuguesa moderna e encontra-se,
mais ainda do que [Leite de Vasconcellos], na linha directa da tradição romanística alemã
dominante naquela altura” (p. 85). Preténdese ofrecer aquí unha avaliación -a través da análise dalgúns
exemplos tirados de traballos publicados entre 1882-1925- da investigación da filóloga alemá-portuguesa
nos campos da etimoloxía e da historia da palabras, en que “recorre sempre a uma técnica de trabalho
filológica e romanística -ou seja, baseando-se em textos (é espantoso constatar de quão vastos
conhecimentos dispunha não apenas no campo literário como também no da literatura digamos administrativa),
tem conhecimentos linguísticos sólidos e conhece a fundo a discussão linguística (que,
na altura, era ciência viva)” (p. 88). O autor xulga que “[o] conhecimento da tradição histórica e da crítica
literária e o domínio, hoje muito raro, do instrumentário romanístico, transformam precisamente os
seus estudos lexicais em exemplos clássicos da arte da etimologia românica” (p. 86); eles representan
tamén un importantísimo chanzo no campo da lexicografía histórica portuguesa e románica.
69. Mariño Paz, Ramón: “A lexicografía galega desde o Rexurdimento ata a época de Xulián
Magariños”, en Xornadas sobre Xulián Magariños: Actas do Congreso realizado pola Dirección
Xeral de Promoción Cultural en Negreira, 16 e 17 de setembro de 2004, Santiago de Compostela,
Xunta de Galicia, Consellería de Cultura, Comunicación Social e Turismo, 2004:51-63 (=
Colección de difusión cultural; 42).
62 Bibliografía analítica da lingua galega (2004)