Descarga en formato PDF (3,8 MB) - Centro Ramón Piñeiro para a ...

Dialectoloxía e sociolingüística
20 de setembro de 1996), III, Santiago de Compostela, Consello da Cultura Galega / Instituto
da Lingua Galega, [2004]:363-370. | [Ed. facs. en liña n.v.]: Santiago de Compostela, Consello
da Cultura Galega, [2006], , [Formato: PDF], [Consulta: 09/06/2006].
1. investigación | 2. ámb. castelán | 4. m | 5. lingua escrita: inf. diafásica (rexistro xurídico-administrativo)
A partir dos documentos editados por Pilar Ostos Salcedo e Mª Luisa Pardo Rodríguez en Documentos
y notarios de Sevilla en el siglo XIII (Madrid, Fundación Matritense del Notariado, 1989), o autor analiza
os galeguismos, ultracorreccións e alteracións vocálicas que aparecen en moitos destes textos, debido
á presenza de notarios galegos en Sevilla.
422. Rojo, Guillermo: “El español de Galicia”, en Rafael Cano (coord.), Historia de la lengua
española, Barcelona, Ariel, 2004:1087-1101 (= Ariel Lingüística).
1. investigación | 2. ámb. castelán | 3. sincrónico | 4. c | 5. lingua oral
Tras unha breve descrición da situación social da lingua galega, o autor céntrase nas características
fonéticas, gramaticais e léxicas do castelán de Galicia por mor da influencia do galego, se ben sinala
que “no son realmente interferencias, sino casos de integración de fenómenos propios del gallego que
se han incrustado en el español que habla una buena parte de la población gallega y que forma parte
de lo que han aprendido como primera lengua” (p. 1090). Na fonética destaca, entre outras peculiaridades,
a entoación, o mantemento de vogais medias abertas e pechadas e a redución de grupos cultos.
En canto á morfoloxía, cita o emprego do sufixo -iño, a ausencia de tempos verbais compostos, o uso
de cantara con valor de indicativo, a perífrase ir + infinitivo sen preposición, a utilización da perífrase
dar + participio, o dativo ético, etc. No que se refire ao léxico, hai casos en que unha palabra existente
en galego e castelán se emprega neste último co significado que posúe en galego (queso, tiesto, mismo)
e outras que pasan do galego directamente ao castelán (pocho, cheirar, escachar, larpeiro, esmagar,
parvada, carallada).
423. Suárez López, Carmen: “Interferencias lingüísticas do galego e o inglés no español do
alumnado do colexio español Vicente Cañada Blanch de Londres”, RGEn, 1, 1993:121-134. |
[Ed. facs. dix.]: en Revista Galega do Ensino: Décimo aniversario (1993-2003), [Santiago de
Compostela], Xunta de Galicia, Consellería de Educación e Ordenación Universitaria, Dirección
Xeral de Política Lingüística, [2004], 1 CD-ROM. | [Ed. facs. en liña n.v.]: [2004], , [Formato: PDF], [Consulta:
30/06/2006].
1. investigación | 2. ámb. castelán | 3. sincrónico | 4. c | 5. lingua oral
Aplicando a metodoloxía proposta por Carmen Silva Corvalán en Sociolingüística: Teoría y análisis
(Madrid, Alhambra, 1989) para a realización dun estudo sociolingüístico global (interferencias nos
niveis fónico, gramatical, nexos de relación e léxico-semántico), a autora caracteriza as interferencias
do galego e do inglés no castelán de tres grupos de alumnos: 1) alumnos de párvulos (3-5 anos);
2) alumnos de 6º de EXB (11-12 anos); 3) alumnos de 2º de BUP (15-16 anos). Segundo a autora, as
interferencias do galego son maioritarias no grupo 1, mentres que no 3 son as do inglés, actuando o 2
como grupo de transición. O estudo baséase en gravacións de 30-45 minutos realizadas aos suxeitos
da mostra.
Bibliografía analítica da lingua galega (2004) 211