Descarga en formato PDF (3,8 MB) - Centro Ramón Piñeiro para a ...

Traballos xerais e obras de consulta
«moderna»” (p. 174-223) analiza a produción lexicográfica a partir de 1980, marcada pola “necesidade
de seleccionar, depurar e actualizar” (p. 175) o léxico do estándar galego. Fronte á etapa anterior, agora
son lexicógrafos profesionais que, en xeral, traballan en equipo e que se preocupan pola actualización
e modernización do léxico, centrándose basicamente nos dicionarios monolingües, e mais naqueles
destinados ao ensino. Analiza os distintos tipos de dicionarios: 1) monolingües, dentro dos cales
distingue os xerais (obras de gran formato que pretenden recoller o léxico completo), os manuais
(con formato reducido e coa función de seren unha referencia básica), os elementais (que inclúen só
léxico básico), os escolares (destinados aos estudantes dos primeiros niveis de ensino); 2) bilingües,
que sofren unha transformación moi grande en comparación cos da época anterior (dicionarios
bidireccionais e dicionarios multilingües); 3) onomasiolóxicos, pouco habituais; 4) paradigmáticos,
pouco representados na tradición galega; 5) de dúbidas.
76-2. Lemos Montanet, José Leonardo: «Obra viva» de Ángel Amor Ruibal, Santiago de Compostela,
Xunta de Galicia, Consejo Superior de Investigaciones Científicas, Instituto de Estudios
Gallegos «Padre Sarmiento», 2004, 457 p. (= Cuadernos de Estudios Gallegos. Anexo; XXXII).
1. investigación | 2. ámb. galego
Constitúe a biografía máis completa e actualizada deste polígrafo galego, coengo da catedral de Santiago
de Compostela e profesor no Seminario Conciliar. Inclúe tamén a reed. de tres breves traballos e
unha entrevista que Amor Ruibal lle dedicou ao galego e cuxas referencias completas poden acharse
como entradas independentes neste caderno: “Las peregrinaciones á Santiago. Los nombres de Libredón
y Compostela” [entrada 231]; “Examen glotológico de las antiguas denominaciones de la Rua del
Villar” [entrada 230]; “La lengua gallega y su léxico etimológico” [entrada 521]; “Galicia y sus hombres
de estudio: Una entrevista con el sabio políglota Dr. Amor Ruibal” [entrada 523].
77. Liñares Giraut, X. Amancio: Xulián Magariños Negreira, Santiago de Compostela, Xunta
de Galicia, Consellería de Cultura, Comunicación Social e Turismo, Dirección Xeral de Promoción
Cultural, 2004, 181 p., il. (= A nosa memoria; 39).
1. divulgación/opinión | 2. ámb. galego | 4. c
Estudo biobibliográfico de carácter divulgativo deste membro e fundador do Seminario de Estudos
Galegos. O capítulo “O co-autor dun dicionario galego” (p. 77-85) está dedicado ao traballo de Magariños
no Vocabulario popular galego-castelán (A-TREVO) (1926, vid. BILEGA 1040).
78. Maia, Clarinda de Azevedo: “Carolina Michaëlis de Vasconcelos e o ensino da Filologia
Portuguesa na Universidade de Coimbra”, en Ulrike Mühlschlegel (ed.), Dona Carolina
Michaëlis e os estudos de Filologia Portuguesa, Frankfurt am Main, Teo Ferrer de Mesquita,
2004:21-44 (= Biblioteca Luso-Brasileira; 22).
1. investigación | 2. ámb. portugués
Relatorio presentado no Colóquio Dona Carolina Michaëlis e os estudos filológicos em Portugal no começo
do século XX, desenvolvido o 18 de outubro de 2002 no Instituto Iberoamericano de Berlín, en
colaboración coa Facultade de Letras da Universidade de Coímbra. A partir de fontes documentais
conservadas no Arquivo da Universidade de Coímbra e non exploradas ata agora, a autora trata de “pôr
em relevo alguns dos aspectos mais relevantes da presença de Carolina Michaëlis de Vasconcelos na
Faculdade de Letras da Universidade de Coimbra e do magistério que desenvolveu entre os anos lec-
66 Bibliografía analítica da lingua galega (2004)