Descarga en formato PDF (3,8 MB) - Centro Ramón Piñeiro para a ...

Morfoloxía
1. divulgación/opinión | 2. ámb. galego | 3. sincrónico | 4. c | 5. lingua oral/escrita
Descrición da flexión de xénero nos nomes de profesións do galego moderno. A primeira parte do traballo
está dedicada ao xénero desde o punto de vista gramatical e social e contén os seguintes apdos.:
“O xénero en galego” (p. 21-32), en que se presenta a “categoría gramatical de xénero, con especial
incidencia na morfoloxía do xénero dos substantivos e nos resultados en galego, tocando tanto os valores
semánticos dos morfemas de xénero como as súas solucións formais posibles” (p. 18); “Aspectos
sociolóxicos, sociolingüísticos e pragmáticos do xénero” (p. 33-64), en que se analizan as vertentes
sociais do xénero en diversos países con distintos idiomas, as distintas concepcións do sexismo lingüístico
e as limitacións (e recomendacións) para o uso igualitario da lingua, tomando como referencia a
linguaxe administrativa. A segunda parte céntrase no tratamento do xénero e achega unha proposta
de formación do feminino. No apdo. “O xénero dos nomes e de profesións en galego” (p. 65-93) analízanse
as principais dificultades semánticas que se presentan na creación das formas femininas ou masculinas
de determinados substantivos, a partir dos datos tirados das seguintes obras: Diccionario da
lingua galega (1986, vid. BILEGA 1028), Diccionario normativo galego-castelán (1988, vid. BILEGA 1044),
Vocabulario ortográfico da lingua galega: (Versión provisional) (1989, vid. BILEGA 288) e Gran diccionario
Xerais da lingua (2000, vid. BILEGA 10042). No apdo. “Vocabulario das profesións” (p. 103-114) o autor
ofrece a súa proposta a través dunha listaxe de 525 termos ordenados alfabeticamente.
Vid. tamén as entradas 96, 102-1, 553-1, 553-2.
3122 Adxectivo
Vid. as entradas 99, 116, 553-1.
3124 Pronomes
31241 Pronome persoal
100. Almeida, Miguél Eugenio: “O emprego dos clíticos em A Demanda do Santo Graal”, [Ed.
en liña n.v.]: Cadernos do CNLF, VIII/10 [= VIII Congresso Nacional de Lingüística e Filologia:
Em homenagem a Mário Barreto / I Congresso Internacional de Estudos Filológicos e Lingüísticos],
2004, , [Formato: HT-
ML], [Consulta: 12/08/2006].
1. investigación | 2. ámb. galego | 3. sincrónico | 4. m | 5. lingua escrita: lingua literaria
Breve descrición da distribución das formas clíticas na Demanda do Santo Graal a partir dos datos tirados
dun fragmento aleatorio de 523 oracións que ocupan 69 páxinas (p. 259-328) da edición crítica de
Augusto Magne (1944, vid. BILEGA 2564) e 44 páxinas (p. 169-213) da ed. crítica de Heitor Megale (1988,
vid. BILEGA 10609). Dende o punto de vista teórico, a descrición baséase na investigación sobre estas
formas desenvolvida por Rosa Virgínia Mattos e Silva en O português arcaico: Morfologia e sintaxe (1994,
vid. BILEGA 6171). Os datos amosan un abundante emprego dos clíticos na fase histórica da lingua aquí
considerada, tanto na posición de próclise, como de énclise e de mesóclise. Segundo o autor, “[o] uso
76 Bibliografía analítica da lingua galega (2004)