Descarga en formato PDF (3,8 MB) - Centro Ramón Piñeiro para a ...

Traballos xerais e obras de consulta
Utilísima compilación dividida en dúas partes. Na primeira recóllense unhas 500 referencias bibliográficas
que corresponden a unha gran parte dos textos non literarios galegos da época medieval editados
ata o momento (2003), co obxectivo de facilitar o estudo da lingua dese período. Para cada referencia
ofrécese a seguinte información (malia que neste aspecto non existe total homoxeneidade ao longo
do repertorio): 1) número de documentos transcritos; 2) ámbito cronolóxico; 3) referencia xeográfica;
4) lingua(s) en que están redactados os textos; 5) arquivo onde se conserva a documentación 6) referencias
internas (remisión para outros autores que tratan a mesma colección documental, recensións
que conteñen valoracións críticas da obra); 7) existencia de índice antroponímico e/ou toponímico.
Canto á tipoloxía e á lingua dos textos recollidos, os autores precisan que “o interese específico pola
lingua galega levounos, en principio, a darlles preferencia ós documentos redactados nesta lingua. Pero
é evidente que, por un lado, as principais coleccións documentais comezan a existir contra o século
IX ou X, e non tiña sentido couta-la súa integridade, ou dar conta unicamente dos documentos en galego.
Por outra parte, é tamén necesario o estudo do latín medieval para a evolución histórica da nosa
lingua, pois atopamos moitos testemuños romances nos documentos latinos [...]. De maneira que, en
definitiva, damos preferencia ós documentos privados, pois son os máis interesantes desde o punto
de vista lingüístico, do séc, VIII ó XV. Con todo, recollemos tamén as máis importantes compilacións
de documentos reais, pero no[n] pretendemos tal exhaustividade para os traballos que reproduzan
algún documento solto deste tipo, e o mesmo criterio se tivo en conta para os documentos eclesiásticos
como as bulas ou os textos pontificios. Por outro lado, non se inclúen apéndices documentais
que unicamente reproduzan documentos xa publicados, sen ningún tipo de modificación (como nova
lectura, corrección de erros, etc.)” (p. 713). Sinalan tamén que a súa vontade “é poder poñer nun futuro
próximo ó dispor dos interesados este repertorio, actualizado periodicamente, na páxina web do Instituto
da Lingua Galega” (p. 714). Na segunda parte inclúese unha relación non exhaustiva das fontes
literarias medievais, concretada nos manuscritos e nas edicións de conxunto, xunto coas referencias
internas sobre editores que traballaron sobre o mesmo texto.
113 Notas biobibliográficas
7. “Cunha, Celso”, en Gran Enciclopedia Galega - Silverio Cañada, XIII (CRUZ-DIAR), Lugo,
El Progreso / Diario de Pontevedra, [2004]:47-48.
1. divulgación/opinión | 2. ámb. galego
Ofrece os principais datos biobibliográficos do filólogo brasileiro Celso Ferreira da Cunha (1917-1989),
entre os que se achan varias contribucións moi relevantes á filoloxía galego-portuguesa medieval.
8. “Don Juan Domínguez Fontela”, BCPMHAOr, XV/1, 1945:4-7. | [Ed. facs. dix.]: [Ourense],
Grupo Marcelo Macías de colaboradores do Museo e Arquivo Provincial de Ourense / Xunta
de Galicia, Consellería de Cultura, Promoción Social e Turismo, Dirección Xeral de Promoción
Cultural, [2004], 1 DVD-ROM (= Patrimonio bibliográfico de Galicia. Serie facsimilar; 1).
1. divulgación/opinión | 2. ámb. galego
Nota necrolóxica en que se subliñan, entre outras, as contribucións de Juan Domínguez Fontela á diplomática
galega, dentro da súa ampla e variada investigación histórica.
Bibliografía analítica da lingua galega (2004) 39