Descarga en formato PDF (3,8 MB) - Centro Ramón Piñeiro para a ...

Lexicoloxía, lexicografía e onomástica
4131 Locucións, modismos e frases feitas
142. Gómez Clemente, Xosé María: “Os rexistros e os niveis de lingua na fraseoloxía: unha
aproximación descritiva das locucións nun corpus textual galego”, CFG, 6, 2004:81-112. | [Ed.
facs. en liña n.v.]: Santiago de Compostela, Centro Ramón Piñeiro para a Investigación en
Humanidades, [2005], , [Formato: PDF], [Consulta:
13/12/2005].
1. investigación | 2. ámb. galego | 3. sincrónico | 4. c | 5. lingua escrita: inf. diafásica
O uso das unidades fraseolóxicas nunha lingua é mostra dun alto nivel de competencia lingüística. Para
acadaren ese nivel, os usuarios teñen que coñecer perfectamente non só os valores semánticos das
unidades fraseolóxicas, senón tamén os seus valores pragmáticos, entre os que está a connotación de
nivel de lingua. Neste traballo inténtase desenvolver unha análise das unidades fraseolóxicas do galego
moderno tal e como aparecen nos textos co obxectivo de “contribuír mínimamente a definir a connotación
dos niveis de lingua a través da análise dos rexistros dos textos e a súa variación estilística” (p. 82). O
establecemento dos rexistros dos textos onde aparecen as unidades é fundamental para poder chegar a
unha descrición dos usos da fraseoloxía. O autor trata de establecer os rudimentos dunha metodoloxía
de análise baseada na tipoloxía dos textos e os seus temas, que nos afaste da intuición que se descobre
nas enquisas verbo da consideración das unidades fraseolóxicas; concretamente, analízanse “algúns
exemplos de uso de determinadas unidades fraseolóxicas, exclusivamente do nivel das locucións, para
comprobar en que tipos de textos se utilizan, a que temas se asocian, cales son integrantes das situacións
de comunicación, na medida en que se poidan establecer, e cales son os niveis de lingua que se
poden describir a partir destes datos” (ibid.) [Adaptación do resumo que aparece na publicación].
143. Rivas López, Francisco: Fraseoloxía do mar na Mariña luguesa [= Cadernos de Fraseoloxía
Galega, 1], Santiago de Compostela, Centro Ramón Piñeiro para a Investigación en Humanidades,
2000, 91 p., 1 mapa (= Biblioteca fraseolóxica do Centro Ramón Piñeiro para a
Investigación en Humanidades; 5). | [Ed. facs. en liña n.v.]: [2004], , [Formato: PDF], [Consulta: 02/06/2004].
1. investigación | 2. ámb. galego | 3. sincrónico | 4. c | 5. lingua oral: inf. diatópica (galego central, galego
oriental)
O traballo vai precedido dun resumo (p. 14-17) dos trazos lingüísticos característicos da fala da Mariña
luguesa (concellos de O Vicedo, Ourol, Xove, Viveiro, Cervo, Burela, Foz, O Valadouro, Alfoz, Mondoñedo,
Lourenzá, Barreiros, Ribadeo, Trabada). A compilación consta de 640 fraseoloxismos de moi diversos
tipos (modismos, locucións, frases feitas, colocacións, refráns) dos que non se indica a localización
xeográfica precisa, aínda que unha boa parte deles foron recollidos en Foz; está organizada conceptualmente
e, dentro de cada concepto, por orde alfabética da primeira palabra dos fraseoloxismos. A
monografía inclúe tamén un vocabulario monolingüe co léxico que aparece na antedita compilación
(p. 71-81) e un índice dos fraseoloxismos recollidos (p. 83-90). Esta investigación coñeceu posteriormente
dúas novas edicións ampliadas [2002 e 2005, vid. BILEGA 12681].
144. Vilaboi Freire, Pilar: “A fraseoloxía galega: aproximacións á descrición do carácter
psíquico das persoas”, en Rosario Álvarez Blanco, Francisco Fernández Rei e Antón Santamarina
(eds.), A Lingua Galega: historia e actualidade: Actas do I Congreso Internacional (Santiago de
96 Bibliografía analítica da lingua galega (2004)