Descarga en formato PDF (3,8 MB) - Centro Ramón Piñeiro para a ...

Dialectoloxía e sociolingüística
Publicacións, 2004:1579-1592 [CD-ROM]. | [Ed. facs. en liña n.v.]: Vigo, Universidade de Vigo,
Seminario de Sociolingüística e Bilingüismo, [2005], , [Formato: PDF], [Consulta: 01/03/2006].
1. investigación | 2. ámb. galego | 3. sincrónico | 4. c | 5. lingua oral
A autora trata de amosar como a alternancia lingüística galego/castelán (con ou sen conmutación de
códigos) constitúe un proceso discursivo de construción simbólica da identidade dunha nova clase
social na Galicia rururbana. Os datos do traballo “proceden de conversas informais das redes sociais
enclavadas entre a zona periurbana da Coruña e a comarca de Bergantiños (Arteixo e arredores). Trátase
dunha zona tradicionalmente rural que experimentou un importante proceso de urbanización e
transformación social, económica e lingüística, representativo do que se experimentou en Galicia nas
últimas décadas” (p. 1579-1580). Os individuos desta zona protagonizan un cambio que consiste nun
tipo de mobilidade social, xeracional e horizontal. Como resultado deste proceso, emerxe un novo tecido
social: “Ruralidade e urbanidade entrecruzan os seus límites que se esvaecen e se desconfiguran”; a
isto é ao que a autora chama espazo rururbano. Porén, os actores deste cambio social reconstrúeno discursivamente
coma un movemento vertical ascendente. A análise cualitativa dos datos amosa como
os suxeitos da investigación se distancian das redes rurais a través do discurso de diferentes maneiras:
a) evitando os trazos dialectais, propios destas redes e tradicionalmente estigmatizados no mundo
urbano; b) estilizando a través de alternancias lingüísticas os trazos dialectais cunha finalidade irónica
(a estilización consiste na intensificación dunha maneira particular de falar para conseguir un efecto
retórico e metafórico); c) accedendo a novas variedades lingüísticas e a novos recursos discursivos: “O
repertorio comunicativo deste novo grupo social amplíase con usos lingüísticos próximos á variedade
estándar do galego ou do español. Ademais, no intercambio cotián do grupo, cobrará[n] especial relevancia
as alternancias lingüísticas galego/español” (p. 1580).
Vid. tamén as entradas 515, 658-1.
521412 Interferencias galego/castelán
5214121 Interferencias do castelán no galego
415. Fernández Salgado, Xosé Antonio: “A interferencia do castelán no léxico galego: o
castelanismo como recurso eufemístico”, en Rosario Álvarez Blanco, Francisco Fernández
Rei e Antón Santamarina (eds.), A Lingua Galega: historia e actualidade: Actas do I
Congreso Internacional (Santiago de Compostela, 16-20 de setembro de 1996), I, Santiago de
Compostela, Consello da Cultura Galega / Instituto da Lingua Galega, [2004]:501-507. | [Ed.
facs. en liña n.v.]: Santiago de Compostela, Consello da Cultura Galega, [2004], , [Formato: PDF], [Consulta:
13/01/2005].
1. investigación | 2. ámb. galego | 3. sincrónico | 4. c
Análise do uso do castelanismo léxico como recurso eufemístico que conduce a unha clasificación dos
elementos léxicos con esa función en tres tipos: 1) os que se empregan para evitar formas galegas
cun determinado significado: cast. arrojar ou devolver por gal. vomitar (referido ás persoas) ou golsar
Bibliografía analítica da lingua galega (2004) 207