Descarga en formato PDF (3,8 MB) - Centro Ramón Piñeiro para a ...

Dialectoloxía e sociolingüística
Análise das reflexións sobre a lingua galega incluídas na revista Rexurdimento (Betanzos, 1922-1923).
Trátase fundamentalmente de escritos reivindicactivos a prol da normalización do galego en distintos
ámbitos (ensino, xustiza, igrexa).
438. García López, José Ángel: Ideas sobre a lingua galega na obra de Manuel Murguía, [Santiago
de Compostela], Xunta de Galicia, Consellería de Educación e Ordenación Universitaria,
Dirección Xeral de Política Lingüística, Centro Ramón Piñeiro para a Investigación en
Humanidades, [2004], 92 p. (= Cadernos Ramón Piñeiro; IV).
1. investigación | 2. ámb. galego
Análise das ideas de Manuel Murguía (1833-1923) sobre a lingua galega. O autor ofrece unha panórámica
do Rexurdimento para logo, no apdo. 3, centrarse na Teoría da lingua galega na obra de Manuel
Murguía que organiza en catro sub-apartados: 1) A lingua como elemento de cohesión no discurso rexionalista
de Murguía; 2) A cuestión do substrato celta; 3) Consideracións xerais sobre as linguas galega e
portuguesa nos textos de Murguía; 4) O modelo de lingua proposto por Murguía. O autor conclúe que
“o discurso de Murguía sobre a lingua incide [...] na importancia das dimensións expresivas, estética e
identificadora fronte á utilitaria” (p. 77) e que loita pola recuperación social do galego para o cal cre imprescindible
a súa presenza no ensino e na administración pública. Así mesmo, a creación da Academia
Galega tería como obxectivo dignificar a lingua e unificala.
439. Ínsua López, Emilio Xosé: Antón e Ramón Villar Ponte: Unha irmandade alén do sangue,
[Santiago de Compostela], Xunta de Galicia, Consellería de Educación e Ordenación Universitaria,
Dirección Xeral de Política Lingüística, Centro Ramón Piñeiro para a Investigación en
Humanidades, [2004], 163 p. (= Cadernos Ramón Piñeiro; VII).
1. investigación | 2. ámb. galego | 4. c
Análise comparativa das biografías de Antón Vilar Ponte (1881-1936) e Ramón Vilar Ponte (1890-1953),
salientando os momentos máis significativos das súas traxectorias e valorando as súas respectivas contribucións
ao coñecemento da historia e a cultura galegas. Analízase así mesmo o seu labor a prol da
lingua galega e a súa contribución á fundación das Irmandades de Fala. Destacan os apdos. “Os irmáns
Villar Ponte e a xestación das Irmandades da Fala” (p. 45-50) e “Despregamento dun constante labor
proselitista e afrontamento das primeiras escisións nas Irmandades” (p. 51-60).
440. Monteagudo Romero, Henrique: “O ideario lingüístico de Manuel Curros Enríquez”, en
Xesús Alonso Montero, Henrique Monteagudo e Begoña Tajes Marcote (eds.), Actas do I Congreso
Internacional «Curros Enríquez e o seu tempo» (Celanova, 13-15 de setembro do 2001), I,
Santiago de Compostela, Consello da Cultura Galega, [2004]:311-342 (= Colección Base). | [Ed.
facs. en liña n.v.]: Santiago de Compostela, Consello da Cultura Galega, [2004], , [Formato: PDF], [Consulta:
10/12/2004].
1. investigación | 2. ámb. galego | 3. sincrónico | 4. c
Estudo das ideas de Curros verbo da lingua galega a partir de artigos, cartas e obra literaria. Despois de
repasar a situación lingüística do galego na época e as posicións existentes con respecto a el, analízanse
as distintas posturas que Curros mantivo verbo da orixe do galego.
216 Bibliografía analítica da lingua galega (2004)