MANJINE I MEDIJI NA ZAPADNOM BALKANU - RRPP

Медиумите на немнозинските заедници во Македонија
ОСКУДНИ РЕСУРСИ, НИСКИ ПРОФЕСИОНАЛНИ СТАНДАРДИ И ЕТНО-
ПОЛИТИЧКИ КЛИЕНТЕЛИЗАМ
Автори: Игор Мицевски 154 , Снежана Трпевска 155 и Жанета Трајкоска 156
Апстракт
Предмет на ова истражување 157 е обемот и начинот на известувањето на медиумите
на етничките заедници во Македонија за сопствената и за другите етнички заедници
во земјата. Тоа особено се фокусира на мерата во која јавниот сервис ја исполнува
својата законска обврска да ги задоволува информативните, едукативните и
културните потреби на различните заедници и да дејствува како фактор на кохезија
во општеството. Истражувањето се потпира на анализа на содржина и на
длабински интервјуа со новинари, уредници, експерти и претставници на јавни
институции. Главниот заклучок е дека програмите на јавната телевизија дејствуваат
во насока на дезинтеграција, наместо во насока на кохезија на општеството.
Етничката хиерархизација и нерамномерната распределба на ресурсите меѓу
редакциите се главната карактеристика на Вториот сервис на МТВ. Во поголем дел
од известувањето доминира етноцентричен приод, а општите професионални
стандарди се на ниско ниво. Етничко-политичкиот клиентелизам придонесува за
широко распространета култура на автоцензура. Овие карактеристики се
однесуваат и на некои од комерцијалните медиуми, но нивното известување има многу
специфики – најзабележително кај нив е почестото користење извори кои не
припаѓаат на политичката елита. Меѓутоа, во најголем број случаи, ваквите извори
придонесуваат за етноцентрична наместо за граѓанска слика за општеството.
154 Игор Мицевски MSc е предавач на Високата школа за новинарство и односи со јавност (SJPR) во
Скопје. Магистрирал на Лондонската школа за економија и политички науки (LSE) на отсекот
Компаративна политика - Национализам и Етницитет. Мицевски има повеќегодишно новинарско
искуство, како новинар и продуцент на Светскиот Сервис на БиБиСи (BBC World Service) и како
политички уредник во неделниот весник Форум Плус.
155 Снежана Трпевска е доктор по социолошки науки во областа на приодот на мешаните методи и
неговата примена во истражувањето на медиумите и публиката. Таа предава Медиумско право и Методи
на истражување на медиумите и публиката на Високата школа за новинарство и за односи со јавноста од
Скопје. Од јуни 2011 година, таа ги води активностите на Катедрата на УНЕСКО за медиуми, дијалог и
заемно разбирање формирана при Високата школа.
156 Жанета Трајкоска студирала новинарство и има завршено магистерски студии по Комуникации и
културна политика на Универзитетот LUMSA, Италија. Таа е директор на Високата школа за
новинарство и за односи со јавноста и виш предавач од 2008 година. Пред основањето на Високата
школа, седум години беше директорка на Македонскиот институт за медиуми. Меѓу 1993 и 2001 година
работеше како новинар во повеќе медиуми во Македонија.
157 Истражувањето го реализираше следниот истражувачки тим: д-р Снежана Трпевска, м-р Игор
Мицевски, м-р Марина Тунева, м-р Дејан Андонов, Славчо Миленковски, Џелал Незири, Едљира
Палоши, Хусамедин Гина, Есма Демировска и Елена Михаилова.
256