MANJINE I MEDIJI NA ZAPADNOM BALKANU - RRPP

потпишуваат текстовите тогаш сите текстови треба да се потпишат. Ова поради фактот
што често може да се сфати дека зад непотпишаниот текст стои информација која не се
базира на вистина.
Анализата на поводот за објавување на содржините во Коха покажа дека за
35,5% од текстовите поводот е актуелен настан, 23% се псевдо-настани, 9% повод за
текстовите е дадена изјава, а во 13% поводот е изјава иницирана од самиот медиум.
Може да се тврди дека, со оглед на тоа што во една третина (32%) од текстовите повод
е псевдо-настан или пак изјава иницирана од изворот, медиумот не е ставен во активна
улога, туку е повеќе реципиент на дневната агенда.
Повод за текстот Број на прилози %
Актуелен настан 162 35.53
Актуелен настан како реакција 41 8.99
Друго 49 10.75
Изјава 40 8.77
Медиумски иницирана изјава 58 12.72
Псеудо настан 106 23.25
Вкупно 456 100.00
Показателите за бројот, типот и позицијата на консултираните извори кај Коха,
како и кај другите анализирани медиуми, укажуваат на еден генерален проблем во
новинарското известување во Македонија – тенденција на непочитување на основното
професионално правило за консултирање најмалку два извора и еднострано
известување во кое недостасува ставот на другата или на повеќе засегнати страни. Прв
индикатор за оваа појава е бројот на користените извори. Кај Коха видливо доминираат
текстовите во кои е консултиран само еден извор (57%).
Број на извори Број на текстови %
Два 91 19.96
Еден 260 57.02
Повеќе од три извори 44 9.65
Три 48 10.53
Без извор (коментари) 13 2.85
Вкупно 456 100.00
Ако на ова се додадат показателите за ставот што го застапуваат
консултирани извори, ќе се види јасно димензијата во која се изразува негрижата на
медиумот за основниот новинарски принцип на сеопфатно известување. Дури во 87%
од анализираните текстови недостасува другата страна, што значи и тогаш кога се
користеле два или повеќе извори тие застапувале исто гледиште, нагласувале исти
аспекти на приказната.
Позиција на изворите Број на текстови %
Единствени (застапуваат речиси
исти ставови) 397 87.06
Спротивставени (застапуваат
различни гледишта) 46 10.09
Без извор (коментари) 13 2.85
Вкупно 456 100.00
303