MANJINE I MEDIJI NA ZAPADNOM BALKANU - RRPP

Советот во декември 2007 година. Основните стратегиски цели се всушност директно
преземени од Законот за радиодифузната дејност и потоа подетално разработени во
различни сегменти на овој документ. Во генералната стратегиска рамка се наведени три
клучни цели во поглед на заштитата на плурализмот и разновидноста: (1) збогатување
на изборот, разновидноста, иновативноста и подигнување на квалитетот на
програмските сервиси како на национално, така и на регионално и на локално ниво; (2)
заштита на интересите на корисниците (гледачите и слушателите), а посебно заштита
на малолетниците; (3) заштита и негување на културниот идентитет и на културната и
јазичната разновидност во програмите. Овие три цели се детално разработени во делот
од Стратегијата кој се однесува на плурализмот и разновидноста на програмите. 168
Посебно се нагласува важноста на почитувањето на обврските за емитување програма
изворно создадена на македонски јазик или на јазиците на немнозинските заедници или
за вокално-инструментална музика на македонски јазик или на јазиците на етничките
заедници. Во поглед на задоволувањето на информативните потреби на публиката, се
потенцира дека е потребно „...зголемување на протокот на локални информации и
содржини во програмите на радиодифузерите, а еден од начините да се мотивираат
радиодифузерите да емитуваат локални информации е при идното доделување дозволи
во процесот на евалуација на пријавите, критериумот застапеност на информациите за
локални настани да носи повеќе бодови...“. При развивањето на новиот - непрофитен
сегмент од радиодифузијата, се нагласува дека тој „...треба да биде пополнет со помали
радиостаници кои нема да работат на комерцијална основа, а ќе задоволуваат потреби
на специфични општествени групи, како што се, на пример, помалубројните етнички
заедници или студентите“ и да се внимава „субјектите да бидат вистински радија на
заедницата за која постојат, и нивната програма да одговара на нејзините потреби...
особено потрeбите од радија на помалубројните етнички заедници во Македонија.“ 169
2.3 Систем на доделување дозволи во радиодифузијата
Доделувањето дозволи начин преку кој регулаторното тело може да влијае врз
збогатувањето на медиумскиот плурализам, особено на неговата културна димензија.
За таа цел, во националната регулатива на многу земји на регулаторните тела им се
определува експлицитна обврска да се грижат за слободата на изразувањето,
независноста на медиумите, медиумскиот плурализам, разновидноста на програмите,
јавниот интерес и другите клучни вредности кон кои треба да се стреми регулацијата во
радиодифузијата. Принципите и постапките на доделувањето дозволи во
радиодифузијата треба да ги рефлектираат овие клучни цели на регулацијата, па дури и
да ги стимулираат медиумите и создавањето програмски содржини наменети за
етничките заедници.
Во Законот за радиодифузната дејност од 2005 година, мисијата и овластувањата
на регулаторното тело се јасно определени во насока на зачувување на медиумскиот
плурализам и разновидноста на содржините. Имено, во членот 21 се утврдува дека
Советот за радиодифузија „...при остварувањето на своите надлежности, утврдени со
овој закон, се грижи за обезбедување на слободата и плурализмот на изразувањето, за
постоење на разновидни, независни и самостојни медиуми, економски и технолошки
развој на дејноста и за заштита на интересите на граѓаните во радиодифузната
дејност.“ Во надлежностите на Советот (член 32 и 37), стои дека Советот ја изготвува и
168
Стр.7 и 81 од Стратегијата за развој на радиодифузната дејност во Република Македонија за периодот 2007-2012.
Достапно на:
http://www.srd.org.mk/images/stories/publikacii/strategija_za_razvoj_na_radiodifuznata_dejnost_2007_2012.pdf
169
Ibidem, стр. 81.
262