MANJINE I MEDIJI NA ZAPADNOM BALKANU - RRPP

Алсат М
Алсат М е првата телевизиска станица на државно ниво на која и е доделена дозвола
за емитување програма на албански јазик. За оваа телевизија е карактеристично тоа што
вестите и актуелно-информативните, покрај на албански ги емитува и на македонски
јазик. Таа е еден од ретките приватни медиуми кои својот бизнис концепт го градат врз
идејата за надминување на јазичните разлики и досегнување до целата публика.
Телевизијата секојдневно произведува голем обем вести, во информативната
редакцијата работат 23 уредници и новинари кои ги обработуваат и уредуваат
собраните информации во вестите на албански и на македонски јазик. Вестите на
албански се емитуваат во 16:00 и во 19:00 часот, а вестите на македонски во 23:00часот.
Анализирани се централните вести на албански јазик што се емитуваат во 19:00 часот.
Тема / Област Број на прилози %
Активности на органите на власта 12 3.81
Граѓанско општество (НВО, здруженија, јавно
мислење) 11 3.49
Друго 3 0.95
Економија 13 4.13
Јавна употреба на мајчиниот јазик 5 1.59
Квалитет на секојдневен живот 5 1.59
Криминал и корупција 2 0.63
Култура 1 0.32
Настани од регионот 29 9.21
Настани од светот (со меѓународен спорт) 134 42.54
Образование 3 0.95
Политика – внатрешна 53 16.83
Политика – надворешна 7 2.22
Религија 2 0.63
Социјална прашања 1 0.32
Спорт 34 10.79
Вкупно 315 100
Темата на објавите, како и кај другите медиуми, беше анализирана според две
категории - „Областа“ и „На што се однесуваа темата“. Во вкупниот број прилози во
вестите, 48,25% се прилози за домашни настани, 51,75% се прилози за настани од
светот (заедно со настаните од меѓународниот спорт), а 9,21% се прилози за настани од
регионот. Ова значи дека меѓу првите пет категории се наоѓаат три кои не се
однесуваат директно на Македонија - 51% од објавите се поврзани со настани кои не се
случуваат ниту пак директно се однесуваат на македонската политика или општество
(Настани од светот, Настани од регионот и Меѓународен спорт). Во рамките на
регионалните настани кај редакцијата има единствено интерес за теми кои се поврзани
со локациите каде што живеат Албанци – од вкупно 29 регионални настани, 23 (79%) се
однесуваат пред се на Косово и тензиите со Србија, како и на настани од Албанија.
Од целосниот број објавени новинарски производи кај Аласт М, вкупно 152 се за
теми кои директно се однесуваат на Македонија. Во покривањето на настаните од
Македонија, доминираат „внатрешната политика“ (16,83%) и „спортот“ (10,79%).
Показателите за другите теми сугерираат дека програмата на Алсат М има целосна
покриеност и разновидност на темите, иако некои од нив не се застапени во онаа мерка
во која тоа би одговарало на македонскиот контекст. На пример, во областите
„Социјални прашања“ и „Култура“има по само една објава во селектираниот период, а
во областите „Криминал и корупција“ и „Религија“ има само две.
292