MANJINE I MEDIJI NA ZAPADNOM BALKANU - RRPP

права“, „Религија“ и „Граѓанско општество“ интересот на медиумот бил значително
помал.
Темата се однесува на Број на прилози %
Друга етничка заедница 2 0.44
Друго 25 5.48
И на сопствената и на мнозинската
заедница 26 5.70
Мнозинската заедница 1 0.22
Сопствената заедница 122 26.75
Тема од општ интерес 280 61.40
Вкупно 456 100.00
Анализата на категоријата „На што се однесува темата“ открива во која мера во
прилозите за домашните настани весникот Коха известувал за меѓуетничките односи во
државата, но исто така и колку во вестите обработувал „Теми од општ интерес“ што се
релевантни за сите граѓани на државата, независно од нивната етничка припадност. Кај
редакцијата на Коха најголем дел од текстовите се однесуваат на „Теми од општ
интерес“ (61,40%), на „Сопствената етничка заедница“ 26,75%, и на сопствената и на
мнозинската 5,7%, само еден текст се однесува на мнозинската, а само два на друга
етничка заедница.
Овој наод треба да се разбере во светло на неколку важни моменти: прво,
високиот процент на текстови за теми од општ интерес се должи на интересот на
весникот најмногу за настаните од внатрешната политика (46 текстови), за
активностите на органите на власта (45 текстови), за економијата (35 текстови), за
настаните во спортот (29 текстови), за квалитетот на секојдневниот живот (28 текстови)
и за криминалот и корупцијата (27 текстови). Но, анализата на најавите на темите од
општ интерес покажува дека кај голем број од овие текстови, аголот на редакцијата е
сепак повторно ставен на сопствената етничка заедница - и тоа е направено или преку
фокусирање на региони кои се претежно населени со Албанци или пак преку
фокусирање на активности на политичари Албанци.. Како показател за ова беа
издвоени и анализирани текстовите за „активностите на органите на власта“. Од 45
текстови во оваа категорија, 32 се однесуваат на активности на владејачки политичари
на локално и национално ниво кои се Албанци. Ваков тренд може да се забележи и во
текстовите од областа на спортот каде што е видливо дека редакцијата се интересирала
во голема мерка за натпреварите во кои учествува некој спортист Албанец или
спортски клуб со спортисти Албанци. Ова покажува дека дури и во темите кои се
однесуваат на општиот граѓански интерес фокусот се става пред се на сопствената
етничка група.
Второ, воочливо е дека нешто повеќе од една четвртина од текстовите се
однесуваат на сопствената етничка група, сама по себе. Ова го засилува етноцентристичката
ориентација што ја има весникот. Мора да се напомене дека една од функциите
на медиумите на немнозинските јазици треба да е општествениот развој на таа заедница
- но, етноцентристичката ориентација во известувањето не создава мостови преку
етничките граници и го фрагментира општеството по етничка линија.
Трето, како контраст на првите две позиции, од сите објавени теми, 0.22% се
однесуваат на мнозинската а 0.44% на друга етничка група – ова сугерира
исклучително мал интерес за тоа што се случува со припадниците на другите заедници.
Жанр на текстот Број на прилози за
настани од Македонија %
301