MANJINE I MEDIJI NA ZAPADNOM BALKANU - RRPP

присутна повеќе или помалку во сите редакции на заедниците на јавната телевизија -
избегнување на аналитичко и продлабочено навлегување во причините и последиците
за општествените и политичките феномени. Ова одржување на новинарското
известување на површината сугерира за постоење на т.н. реактивно (трансферирачко)
новинарство и кај овој медиум, во кое доминираат информации од политичкиот живот
и активностите на власта.
Жанр на прилогот Број на прилози %
Анализа 1 1.01
Вест/проширена вест 28 28.28
Извештај 69 69.70
Изјава 1 1.01
Вкупно 99 100.00
Анализата на поводот за објавување на содржините во вестите на БТР покажува
тенденција кон објавување информации за актуелни настани (80,81%) и за реакции на
тие актуелни настани (17,17%). Отсуствуваат псевдо-настаните, што значи дека
редакцијата не пренесувала прес-конференции кои не се поврзани со некои реални
случувања.
Повод за прилогот Број на прилози %
Актуелен настан 80 80.81
Актуелен настан како реакција 17 17.17
Друго 2 2.02
Вкупно 99 100.00
И во случајот на БТР, истражувањето ги следеше консултираните извори,
според нивниот број, тип и позиција. Во дури 94% од објавите на БТР има кршење на
новинарскиот стандард на консултирање на два независни извора. Бројот на прилози во
кои се консултирани два или повеќе извора е незначителен. Дополнително, во 97 од
прилозите изворите бранат единствен став, а само во два прилога е претставена и
другата страна во приказната. Ова сугерира дека во анализираниот период редакцијата
на БТР имало еднострано и пристрасно известување.
Број на извори Број на прилози %
Два 2 2.02
Еден 93 93.94
Три 4 4.04
Вкупно 99 100.00
Дополнително интересен за анализа е и типот на изворите. Доминантен е бројот
на објавите (79,79%) во кои консултирани извори од политиката (деперсонализирани и
персонализирани). Овие податоци откриваат два битни момента: прво, на изворите од
политиката и власта им е даден „директен“ пристап во наметнувањето на јавната
агенда; второ, на граѓанинот му е даден многу мал простор да учествува во јавната
дебата (само 11% се извори кои не се од политиката).
Тип на извори Број на прилози %
Деперсонализирани извори (институции) кои се од
политиката 46 46.46
298