MANJINE I MEDIJI NA ZAPADNOM BALKANU - RRPP

Кај БТР се забележува поинаков распоред на темите во споредба со другите
анализирани медиуми: „Настаните од светот“ (26,32%) и „Настаните од
регионот“ (8,55%) заедно зафаќаат малку повеќе од третина од вестите (34,87%), додека
темите од Македонија речиси две третини (65,13%). Ова сугерира дека редакцијата
доминантно се фокусира на домашни теми при што најмногу за: „Криминал и
корупција (20,39%), потоа за „Внатрешна политика“ (10,53%), „Надворешна
политика“ (7,89%) и „Активности на органите на власта“ (7,24%). Релативно големиот
интерес за областа „Криминал и корупција“ би можел делумно да се објасни со фактот
што неколку изданија на вестите на БТР се поклопија со убиствата кај Смилковското
езеро. Во најфреквентно објавуваните теми спаѓаат и оние поврзани со активности кои
ги прават Владата, министерствата и градот Скопје. Прашањата што ги засегнуваат
Ромите во Македонија се главно опфатени во темата „Човекови и малцински права“ и
„Социјални прашања“, но во вкупниот обем на вестите се малку застапени.
Тема / Област Број на прилози %
Активности на органите на власта 11 7.24
Економија 4 2.63
Квалитет на секојдневен живот 6 3.95
Криминал и корупција 31 20.39
Култура 2 1.32
Настани од регионот 13 8.55
Настани од светот 40 26.32
Образование 4 2.63
Политика – внатрешна 16 10.53
Политика – надворешна 12 7.89
Религија 2 1.32
Социјална прашања 5 3.29
Спорт 1 0.66
Човекови и малцински права 5 3.29
Вкупно 152 100.00
Во натамошниот дел анализата се фокусира само на домашните настани, бидејќи
истражувањето имаше за цел да го утврди обемот и квалитетот на известувањето за
сопствената или другите етнички заедници во Македонија. Во структурата на
прилозите за домашни настани најголем дел (86%) се теми од општ интерес, што се
должи на преголемиот фокус на БТР на информациите за политиката (внатрешна и
надворешна) и за активностите на органите на власта. Прашањата кои се посебно важни
за животот и положбата на граѓаните Роми во скопскиот регион се третираат во 7
прилози или во 7% од вестите за домашни настани.
Темата се однесува на Број на прилози %
Друга етничка заедница 3 3.03
Друго 2 2.02
И на сопствената и на мнозинската
заедница 1 1.01
Мнозинската заедница 1 1.01
Сопствената заедница 7 7.07
Тема од општ интерес 85 85.86
Вкупно 99 100.00
БТР во селектираниот период воопшто немал аналитички жанрови, со исклучок
на една објавена анализа. Од вкупно 99 објави за домашни настани, 69 се извештаи
(69,7%) и 28 се вести (28,28%). Ова сугерира дека кај БТР ја има истата тенденција
297