MANJINE I MEDIJI NA ZAPADNOM BALKANU - RRPP

работеле тема за хомосексуализам, ниту пак сме нашле простор за какви било осетливи
теми. Ние сме избегнувале и многу повидливи теми... За жените во оваа заедница е исто
така проблем. На пример кога правев тема брак за пари немаше отворена реакција, на
пример, да ти го забранам ова, но во суштина им беше непријатно дека се продаваат
жени за пари.“ 192
Во натамошниот дел анализата се фокусираше само на темите кои се однесуваат
на настаните поврзани со Македонија бидејќи главната цел на истражувањето беше да
се утврди како медиумите известуваат за сопствената или другите етнички заедници.
Од вкупно 172 објави во селектираниот период, на домашните настани отпаѓаат 93
теми.
Темата се однесува на Број на прилози %
Друга етничка заедница 1 1.08
И на сопствената и на мнозинската заедница 2 2.15
Мнозинската заедница 3 3.22
Сопствената заедница 15 16.13
Тема од општ интерес 72 77.42
Вкупно 93 100
Категоријата „На што се однесува темата“ открива дека турската редакција во
покривањето на домашните настани најмногу прилози произвела за „Темите од општ
интерес“ (77.42%). Интересен за анализа е бројот на објави посветени на етничките
заедници: 16.13% од објавите се посветени на „Сопствената етничка заедница“, а само
две објави се за теми кои се однесуваат и на сопствената и на мнозинската заедница 193 .
Забележливо е дека, како и кај албанската редакција и кај турската има многу мал
интерес за темите кои ги засегаат другите етнички заедници. Во општа смисла, еден од
интервјуираните новинари од оваа редакција тврди дека сите редакции се етноцентрични,
а и турската го пресликува овој став: „На лично ниво се е во ред - но кога ќе
седнеш да ги пишуваш и да ги видиш катастрофално лошите прилози кои
произлегуваат од етничката база, гледаш дека тоа е навистина лошо – ако погледнеш
како го работи тоа првиот програмски сервис, како го работи вториот, а како го
работиме ние, од етничка перспектива сме катастрофално себични. И начинот на
неподнесување, на отсуство на соработка со другиот, е чуден - како да има некое
потценување – јас сум голем сервис, па овој е втор програмски сервис“. 194
Жанр на прилогот Број на прилози %
Вест/проширена вест 41 44.09
Извештај 44 47.31
Изјава 4 4.30
Интервју 1 1.08
Соопштение 3 3.23
Вкупно 93 100.00
Жанровската анализа на вестите на турски јазик покажува дека аналитичките
жанрови воопшто не се застапени во вестите. 44% од објавите се кратки вести, а 47% се
извештаи. Преостанатите бројки влегуваат во категоријата изјави (4%) и соопштенија
(3%). Во истиот период е регистрирано само едно интервју, жанр кој може да воведе
192 Интервју со новинар во турската редакција, реализирано на 22 јуни 2012 година.
193 Во категоријата „и на сопствената и на мнозинската заедница“ беа вбројувани прилозите во кои медиумот
експлицитно третира прашања за актуелните односи меѓу сопствената и мнозинската заедница, било во позитивна
смисла на зборот.
194 Интервју со новинар во турската редакција, реализирано на 22 јуни 2012 година
276