MANJINE I MEDIJI NA ZAPADNOM BALKANU - RRPP

Тема / Област Број на прилози %
Активности на органите на власта 12 5.02
Граѓанско општество (НВО, здруженија,
јавно мислење) 2 0.84
Друго 1 0.42
Економија 22 9.21
Квалитет на секојдневен живот 8 3.35
Криминал и корупција 6 2.51
Култура 6 2.51
Настани од регионот 43 17.99
Настани од светот 56 23.43
Образование 8 3.35
Политика – внатрешна 35 14.64
Политика – надворешна 7 2.93
Религија 4 1.67
Социјална прашања 6 2.51
Спорт 13 5.44
Човекови и малцински права 11 4.18
Вкупно 239 100.00
Интересни информации можат да се добијат ако квантитативните податоци за
категоријата „Човекови и малцински права“ се разгледаат во светло на дел од исказите
од длабинските интервјуа. Во селектираниот период во оваа категорија има 11 објави
што е околу 4% од вкупниот број (или 7.8% од прилозите кои се однесуваат директно
на Македонија), што не значи дека темите за човековите права не се отвораат во
доволна мерка - овој показател треба да се контекстуализира, со оглед на тоа што
темата за „етничките права“ кај редакцијата на албански е испреплетена во објавите за
областите како внатрешна политика, економија, образование и сл. Длабинските
интервјуа укажуваат на тоа дека темата „човекови права“ во контекст на медиумите на
заедниците се разбира единствено како тема која се однесува на правата на сопствената
етничка заедница во хомогена смисла на тој збор, а не како индивидуални права на
припадници на таа заедница. Повеќето од интервјуираните соговорници укажуваат на
тоа дека во редакцијата на албански јазик, како и во другите редакции или медиуми на
заедниците не се отвораат темите за индивидуалните права на жената, на децата, на
сексуалните малцинства во таа заедница и сл. На пример, во врска со овој проблем,
еден од интервјуираните медиумски експерти го нагласува следното: „Има многу
прашања внатре во заедниците коишто не се отвораат, и нема да се отворат, ние се
догматизираме внатре во етничките заедници. Но, ќе речам, ... ако тие теми не се
отвораат во ромските или во албанските медиуми, треба да се отворат во македонските
медиуми каде што притисокот на тие кои сакаат да етикетираат и стигматизираат (а
понекогаш и да тепаат луѓе) нема да биде толку голем, ... дебатата внатре во тие
помали етнички заедници... е речиси згушена и затоа треба македонските медиуми да
ги извлечат прашањата и да ги постават во мејнстрим дискурсот, оти на крајот на
краиштата штетата на таа затвореност нема да ја трпат само Албанците, тоа ќе се
прелее во општеството...“ 180
Со оглед на тоа што главната цел на истражувањето е да се утврди во кој обем и
на кој начин медиумите на заедниците известуваат за сопствената и за другите етнички
заедници, натамошната анализа се фокусираше исклучиво на прилозите поврзани со
настани од Македонија. Така, категоријата „На што се однесува темата“ открива во која
180 Интервју со Петрит Сарачини, програмски координатор во Македонскиот институт за медиуми, реализирано на 6
ноември 2012 година.
268