MANJINE I MEDIJI NA ZAPADNOM BALKANU - RRPP

Анализа 45 9.87
Вест/проширена вест 153 33.55
Друго 17 3.73
Извештај 188 41.23
Изјава 11 2.41
Интервју 4 0.88
Коментар 13 2.85
Репортажа 6 1.32
Сондажа/анкета 10 2.19
Соопштение 9 1.97
Вкупно 456 100.00
Во селектираниот период кај весникот Коха може да се забележи жанровска
разноликост, иако и кај овој медиум доминираат кратките и неаналитички жанрови –
веста и извештајот. Анализата покажа дека 41% од текстовите за домашните настани се
извештаи и 33,5% се вести. Ова значи дека 75% од текстовите (вкупно 341) отпаѓаат на
кратки и неаналитички жанрови. Кај весниците реактивното новинарство е само една
страна од проблемот. Имајќи предвид дека најголемиот дел од содржините ги
објавуваат откако сите други типови (ТВ, радио и онлајн) на медиуми веќе ги објавиле
претходниот ден, задржувањето на праксата да се негуваат овие два типа на жанрови е
погубна од конкурентска гледна точка. Весникот денес мора да нуди многу повеќе
аналитичка и репортажна содржина ако сака да остане конкурентен со другите типови
медиуми. Кај Коха тоа останува како проблем. Сепак, иако се во помал број, важно е да
се забележи дека 10% од содржината отпаѓа на анализи, 3% коментари, 1,3% на
репортажи и 1% на интервјуа. Тоа значи дека весникот сепак во 15% од текстовите
произвел содржина која е аналитичка и каде општествените проблеми може да ги
третира на подлабоко ниво.
Потпишувањето на авторот на новинарскиот производ е битно во професијата,
поради тоа што името и презимето на авторот можат да го зајакнат кредибилитетот на
она што е кажано. Кај весниците пракса е сите текстови или да се потпишуваат со
целото име и презиме на авторот или пак со негови иницијали. Секако, постојат светски
реномирани изданија кои не ги потпишуваат своите новинари и аналитичари, но во
медиумски контекст каков што е македонскиот, во кој често се шират дезинформации,
праксата на потпишување би ги смалила можностите за манипулација со
информациите.
Авторство Број на прилози %
Непотпишано 131 28.73
Новинар 225 49.34
Новинска агенција 35 7.68
Останато 35 7.68
Преземено од други медиуми 27 5.92
Соопштение 3 0.66
Вкупно 456 100.00
Кај весникот Коха анализата покажа дека 131 текст (28,73% од вкупната
продукција на текстови) бил објавен без да биде потпишан новинарот, во 49,34% од
случаите авторот е потпишан, а во 12,6% се работи за содржини преземени од новински
агенции или од други медиуми. Потпишувањето на текстовите во печатените медиуми
не може да се смета за професионален стандард - но секој медиум треба да си го
воспостави стандардот и да биде конзистентен со него. Ако е востановена пракса да се
302