MANJINE I MEDIJI NA ZAPADNOM BALKANU - RRPP

мера во прилозите за домашните настани медиумот ги третира односите меѓу
„сопствената и мнозинската заедница“, прашањата што ја засегнуваат неговата
„сопствена“ заедница, или некоја „друга“ етничка заедница во државата, и колку во
вестите обработувал „Теми од општ интерес“ 181 што се всушност релевантни за сите
граѓани на државата, независно од нивната етничка припадност.
Кај редакцијата на албански јазик 29.79% (18% од вкупниот примерок) од
објавите се посветени само на „Сопствената етничка заедница“. Квалитативната
анализа на содржината на овие прилози, која е направена во делот за контекстот на
известувањето („вредноста на објавените содржини“) покажува дека во нив редакцијата
има улога на апологет на интересите на сопствената етничка заедница. Забележливо е
дека редакцијата обработила и голем обем теми од општ интерес (67.38%) што е
позитивен тренд. Сепак, спроведените длабински интервјуа укажуваат на тоа дека дури
и кога темите се од општ интерес, фокусот е повторно на сопствената етничка
заедница: „Албанската програма им се посветува на албанските гледачи и нас ни се
интересни исклучително настаните што се случуваат околу албанската етничка
заедница“ 182 .
Темата се однесува на Број на прилози %
И на сопствената и на мнозинската заедница 1 0.71
Мнозинската заедница 3 2.12
Сопствената заедница 42 29.79
Тема од општ интерес 95 67.38
Вкупно 141 100
Ова може да се поткрепи и ако се анализираат податоците за темите кои се
однесуваат на други етнички заедници. За мнозинската заедница има само три објави
во анализираниот период што во однос на вкупно 239-те објави е нешто повеќе од еден
отсто, а во однос на домашните теми е три отсто. За другите етнички заедници има
само една објавена содржина. Последниов податок укажува на тоа дека кај редакцијата
на албански јазик на МТВ има многу мал интерес за случувањата и културната
посебност на другите етнички заедници. Причината за ова може да се бара во начинот
на кој редакцијата гледа на својата улога во рамките на јавниот сервис, како и во
непостоењето единствена и јасно дефинирана уредувачка политика во јавниот сервис
која води кон интеракција на заедниците и кон социјална кохезија: „Вториот и Првиот
програмски сервис си имаат една посебна уредувачка политика што оди во склоп на
Македонската телевизија, тие си имаат свои различности [...] ние практично постоиме
како две посебни телевизии. Во иста куќа сме, но имаме посебни програми и секој се
грижи со што ќе го наполни денот во тие две посебни програми“ 183 .
Жанровската категоризација на новинарските прилози покажува дека
подолгите и поаналитички жанрови добиваат многу мал простор во вестите на албански
јазик на МТВ2. Од вкупната продукција на 239 прилози, 45.6% се вести, а 39.75% се
извештаи. Во анализата на 141-на објава за теми од Македонија, 53.9% се извештаи и
24.82% се вести. Во селектираниот период, од жанровите кои имаат аналитички
181 Во оваа категорија беа сместени сите прилози што не се однесуваа на ниту една посебна заедница, туку третираат
прашања од општ интерес за сите граѓани во државата. На пример, посета на Претседателот на Собранието на
странска држава, рокови за промена на пасошите, одржана седница на Собранието која се однесува на работнички
права или на Буџетот и сл. Доколку некој од овие прилози конкретно се однесува на важно за прашање за етничка
заедница (на пример, собраниска заедница на која се зборува за употреба на албанскиот јазик, иницијатива на
Министерството за труд и социјална политика за интеграција на ромската заедница во општеството), тогаш ваквите
прилози се категоризираат во една од категориите кои се однесуваат на етничките заедници).
182 Интервју со Мигена Горенца уредничка на Вториот програмски сервис, реализирано на 21 јуни 2012 година
183 Ibidem.
269