MANJINE I MEDIJI NA ZAPADNOM BALKANU - RRPP

професионални и етички стандарди, ќе им дадат насоки за продукција на
информативната и друга програма низ призма на јавен сервис, ќе ги прецизираат
уредувачките правила и процедури, ќе ги претстават принципите на
инклузивното новинарство и известувањето за индивидуалните човекови права и
ќе ја дефинираат улогата на новинарите во јавниот радиодифузен сервис во
однос на граѓаните, цивилното општество и јавниот интерес. Ова е еден од
првите чекори со кои би се изградил систем на политики во рамките на Јавниот
сервис насочени кон оневозможување на влијанието на политичките елити врз
редакциите и надминување на сегашната ситуација на етно-политичка цензура
во која секоја од редакциите трпи влијание од „своите“ политички структури.
Неопходна е стратегија за континуирана обука на новинарите и сите медиумски
професионалци во МРТ, со која ќе бидат опфатени сите аспекти и трендови во
работењето на медиумите. Континуираните обуки треба да обезбедат и начин
новинарите од сите сервиси и редакции повторно да ја воспостават изгубената
доверба и меѓусебната комуникација.
Потребни се одредени измени на законската регулатива која јасно ќе ги
дефинира продукциско-организациските целини во МРТ, уредувачката
структура, како и надлежностите и одговорноста на органите на МРТ. Со овие
измени треба да се обезбеди ефикасно и координирано функционирање на
различните програмски сервиси и редакции и кохерентност на програмската и
уредувачката политика на јавниот сервис.
Советот за радиодифузија, кој е законски обврзан да ги следи програмите и на
јавниот сервис и на комерцијалните радиодифузери треба да спроведува редовен
мониторинг врз исполнувањето на програмските функции на јавниот сервис и за
резултатите од мониторингот да го известува Програмскиот совет на МРТ. Исто
така, за резултатите за исполнувањето на програмските функции на јавниот
сервис во целина треба повремено да се водат расправи и во Собранието со цел
да се обезбеди широка дебата за тоа во која мера програмите на МРТ го
изразуваат интересот на јавноста во целина.
Неопходно е да се зајакнат вкупните административни капацитети на
регулаторот и тој да се профилира како експертско и тело кое е независно како
од власта, така и од политиката, медиумската индустрија и други центри на моќ.
Во него мора на транспарентен начин да се избираат експерти докажани во
сферата, да се зајакнат максимално етичките и професионални пронципи на
неговото независно работење и да се отвори јавна дебата за целите и ефектите од
регулаторната политика.
VI. Библиографија
Buckley, S., Duer, M. K., Mendel, T., & O’Siochru, S. (2008) Broadcasting, Voice, and
Accountability: A Public Interest Approach to Policy, Law, and Regulation, Washington:
University of Michigan Press.
Council of Europe (2004), Filling the frame: Five years of monitoring the Framework Convention for
the Protection of National Minorities, Strasbourg: Council of Europe Publishing, pp. 144-159.
323