viginti capita prioba. - Archive ouverte UNIGE
viginti capita prioba. - Archive ouverte UNIGE
viginti capita prioba. - Archive ouverte UNIGE
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
177 IN EZECHIELIS PROPH. CAP. VIII. 178<br />
CAPUT VIII.<br />
1. Et fuit anno sexto, mense sexto, die quinto<br />
mensis, ego sedebam (ad verbum sedens) dotni meae,<br />
et seniores Iehudah sedentes coram facie mea. Et<br />
cecidit super me illic manus dominatoris Iehovae.<br />
Non dubium est quin hic narretur prophetica<br />
Visio. Neque enim propheta Hierosolyinam devectus<br />
est, neo locum mutavit: neque etiam fuerunt apud<br />
ipsum seniores Iehudah: sed visus est sibi abripi a<br />
Dei spiritu, ut cerneret pollutiones quibus templum<br />
Iudaei profanaverant. Dicit autem se domi fuisse<br />
quum oblata haec fuit visio: et tarnen fieri potest<br />
ut in agro ambulaverit. Non igitur iam narrât<br />
rem gestam, sed simpliciter docet quomodo apparuerit<br />
Deus, et adiungit circumstantias. Per seniores<br />
enim Iehudah non intelligo captivos, sed qui habitabant<br />
tunc Hierosolymae, nempe ut testes essent<br />
huius prophetiae: atque ita erepta illis fuit omnis<br />
excusatio, et erroris praetextus. Tempus etiam exprimit,<br />
quo haec visio fuit oblata, nempe annum<br />
sextum, quem numerat ab exsilio Iechoniae, sicuti<br />
visum fuit capite primo. Interfuit ergo annus unus<br />
et duo menses inter primam visionem quae tunc<br />
exposita fuit, et banc quae nunc tractanda est.<br />
Quüm ergo elapsi essent quatuordecim menses,<br />
rursus apparuit Deus prophetae suo. Haec temporis<br />
circumstantia minime supervacua est. Nam<br />
nine apparet quanta fuerit populi obstinatio. Propheta<br />
quemadmodum dixi, annos numerat ab exsilio<br />
regis. Solebant autem a iubilaeo annos numerare:<br />
nunc autem rénovât luctum cladis illius, quum rex<br />
ignominiose tractus fuit tanquam vile mancipium,<br />
et serviliter fuit vexatus apud hostes. Quum ergo<br />
propheta hao annorum supputatione humiliet Iudaeos,<br />
hinc apparet quam indomabilis fuerit eorum<br />
pervicacia, quod non resipuerint tarn duriter castigati.<br />
Sed videbimus fuisse correptos prodigioso<br />
furore, ut abiecto Dei cultu coacervarent undique<br />
novas idololatrias, et templum inficerent suis abominationibus.<br />
Vidimus apud Ieremiam in urbe<br />
ipsa Ieru8alem et in templo fuisse eversum Dei<br />
cultum. Nam libabant opificio coeli, ubi alii vertunt<br />
reginam: sed exposuimus locos illos debere<br />
intelligi de omnibus stellis. Quum ergo suffitum<br />
facerent opificio coeli, deinde hinc inde accerserent<br />
sibi idola, et polluèrent se omnium gentium superstitionibus:<br />
ostendit propheta noster adeo non fuisse<br />
tactos ullo sensu poenarum, ut in deterius prolapsi<br />
sint ex quo Deus coepit manum suam contra ipsos<br />
ex8erere. Perinde enim erat ac si e coelo vindicem<br />
se ostenderet illarum superstitionum. Habemus ergo<br />
causam cur propheta annos hic designet, et menses,<br />
Calvmi opera. Vol. XL<br />
et diem ipsum quintum mensis, nempe ut Iudaei<br />
magis convicti teneantur suae pertinaciae, quod<br />
nullis poenis revocati fuerint in viam, sed luctati<br />
fuerint diabolica sua obstinatione contra Deum.<br />
Dicit manum Dei cecidisse. Per manum non simpliciter<br />
intelligo prophetiam, ut alii, sed virtutem.<br />
Videtur enim nimis -restrictus esse sensus ille, quod<br />
ceciderit prophetia: deinde loquutio ipsa friget.<br />
Atqui de potentia Dei hoc convenienter dicitur.<br />
Perinde igitur est ac si profiteretur se non afferre<br />
quidquam suum, quia exuerit quodammodo hominem<br />
dum potentia Dei in ipso regnavit. Opponitur<br />
itaque haec virtus Dei omnibus humanis facultatibus.<br />
Sequitur,<br />
2. Et adspexi, et ecce similitudo (vel imago)<br />
tanquam adspectus ignis: ab adspeäu lumborum infra,<br />
ignis: et a lumbis eius sur sum tanquam adspectus<br />
splendoris, tanquam figura Chasmal (vel electri).<br />
Alii vertunt angelum, sed perperam meo iudicio.<br />
Nam j'y proprie significat colorem : et ego<br />
refutavi iam errorem ilium primo capite: qualis<br />
fuerit color Chasmal mihi non constat, ideo sequor<br />
receptam sententiam, nempe fuisse aliquid simile<br />
electro. Iam dicit propheta se vidisse similitudinem,<br />
vel imaginem compositam ex duabus partibns. Nam<br />
a lumbis infra erat quasi ignis: supra autem erat<br />
splendor. Per vocem mon non dubito quin significet<br />
hominis imaginem. Apparuit igitur Deus servo<br />
suo sub aliqua imagine: nee displicet fuisse figuram<br />
hominis, quia si alia fuisset figura, haud dubie propheta<br />
non tacuisset. Iam autem vidimus Deum<br />
induisse hominis formam: et ita se repraesentavit<br />
in persona unigeniti filii sui, ut dictum fuit, et<br />
videbimus rursum capite decimo. Haec igitur similitudo<br />
est de qua propheta loquitur: sed utitur hac<br />
voce consulto, ut sciamus non fuisse verum et solidum,<br />
vel substantiale quod vocant corpus. Quod<br />
ergo propheta adspexit figuram vel similitudinem,<br />
hoc factum fuit duntaxat nuda visione, non quod<br />
Deus tunc corpus induerit: et de hac re etiam<br />
fusius disserui cap. 1: et paulo post aliquid rursus<br />
perstringam. Iam quod dicit partem alteram figurae<br />
fuisse igneam, in altera autem fuisse adspectum<br />
splendoris videtur hie exprimere quid sperare debeant<br />
Iudaei, ubi tandem cognoverint Deum propinquum<br />
a quo putabant se longissiine abesse, nempe<br />
quum tarn audacter legem eius, et omnes prophetias<br />
contemnerent. Quantum ad splendorem spectat, significatur<br />
Dei maiestas, et incomprehensibilis gloria.<br />
Nam si splendor solis oculos nostros perstringit,<br />
quid fiet si conemur penetrare usque ad immensum<br />
illud lumen, cuius sol vix exigua est scintilla?<br />
Quum ergo dicit Ezechiel in similitudine fuisse<br />
splendorem supra lumbos, haud dubie ostendit quam<br />
12
Change language