viginti capita prioba. - Archive ouverte UNIGE

531 PRAELECTIONES 532
ventu Alexandri magni? de eius successoribus?
Longo tempore antequam nasceretur Alexander,
praedixit Daniel quid sit facturus. Deinde ostendit
regnum eius non fore diuturnum, quia statim
dividitur in quatuor cornua. Alia etiam quae commémorât
certo demonstrant, loquutum fuisse dictante
spiritu sancto. Sed huius quoque rei certior fides
potest concipi ex aliis narrationibus, quum scilicet
admonet quam varus miseriis obnoxia futura sit
ecclesia inter duos crudelissimos hostes, nempe regem
Syriae et regem Aegypti. Illic récitât eorum
foedera, deinde récitât hostiles ultro citroque incursus:
postea tot conversiones: quasi res ipsâs digito
monstraret, sic totum progressum exsequitur,
ut appareat Deum per os eius loqui. Hoc igitur
iam magnum est, et non poenitendi fructus, ubi
certo cognoscimus Danielem fuisse duntaxat Organum
Spiritus 8ancti, neque proprio instinctu quidquam
in medium protulisse. Iam quod illi parta
fuit autoritas, quo certior esset fides doctrinae eius
àpud Iudaeos, hoc etiam ad nos extenditur. Quam
enim pudenda est ac turpis ingratitudo, si non amplectimur
prophetam Dei; cui honorem déferre
coacti sunt Chaldaei, quos scimus et superstitiosos
fuisse et plenos fastu ao superbia ? Duae illae
gentes, nempe Aegyptii et Chaldaei prae aliis sibi
plaçuerunt. Nam putabant Chaldaei apud se esse
unicum domicilium totius sapientiae. Non fuissent
igitur admodum propensi ad recipiendum Danielem,
nisi res ipsa coegisset, ac extorta illis fuisset haec
•confessio, verum esse Dei prophetam. Iam quum
ita stabilita sit Danielis autoritas, de rebus etiam
ijpsis, quas tractat, aliquid dicendum est. Quantum
ad interpretationes somniorum spectat, prim urn
somnium Nebuchadnezer complectitur, quemadmodum
videbimus, rem omnium maximam, nempe
quidquid . est splendoris et potentiae in mundo,
evanescere: manere autem stabile unum Christi
regnum, nee aliam esse perpetuitatem. Quantum
ad secundum somnitim Nebuchadnezer pertinet, illic
certe 1 ädmiräbilis refulget constantia Danielis. Erat
enim res valde odiosa, summum totius orbis monarcham
ita deiicere, quemadmodum fecit : Tu eximis
te numéro hominum, et iam coleris instar Dei,
tù eris bestia posthac. Nemo est hodie qui audeat
tale aliquid profari apud monarchas, imq qui audeat
vel blande eos monere, si quid peccaverint.
Quum ergo Daniel intropide praedixerit regi Nebuchadnezer
quantum dedecus ipsum inaneret, certe
in eo prodidit tnemoràbile et rarum dbcumentum
suae constantiâe. Et hoc modo' etiam rursüs obsignata
fuit eius vocatio, quia haec fortitudo erat
ex spiritu Dei. Sed in seeunda parte insistere
praeeipue convenir ubi perspieimüs Deo cürae esse
suam ecclesiam. Extenditur quidem Providentia
Dei ad totum mundum. Nam si passerculus non
oadit in terram sine eius permissu, consulit haud
dubie generi humano. Ergo nihil fortuito nobis
contingit. Sed Deus in hoc libro lumen nobis accendit,
ut sciamus ecclesiam sie ab ipso gubernari,
ut singularem eius curam gerat. Si res unquam
fuerunt in mundo turbatae, ut possent coniieere
homines Deum in coelo dormire, et oblitum esse
humani generis, certe talis fuit conversio illorum
temporum, imo tot et tarn multipliées ac variae
fuerunt conversiones, ut etiam cordatissimus quisque
posset quasi evanescere, quum nullus esset
bellorum finis, et iam Aegyptii praevalerent, iam
essent alii motus in: Syria. Quum ergo omnia
sufsum ac deorsum verterentur, quale potuit iudicium
fieri, nisi mundum negligi a Deo, et miseros
Iudaeos spe sua deeeptos fuisse, quum putarent
Deum, sicuti fuerat liberator, ita perpetuum fore
custodem salutis suae? Nam quamvis gentes omnes
tunc communiter obnoxiae essent multis cladibus,
si tarnen Syri erant superiores Aegyptiis, tunc
abutebantur sua potentia contra Iudaeos, et Ierosolyma
patebat praedae, quasi esset victoriae merces:
si alii proelio victores erant, ulciscebantur suam in- *
iuriam, vel quaerebant compensationem apud Iudaeos.
Ita undique expilabantur miseri illi homines,
ut "multo deterior esset eorum conditio, postquam
reversi erant in patriam, quam si semper fuissent
exsuies, vel inquilini in aliis regionibus. Quum
autem admoniti essent de rebus futuris, fuit haec
illïs optima fultura, in quam reeumberent. Sed
hodie eiusdem doctrinae usus ad nos applicandus
est. Videmus enim quasi in speculo, vel in pictura,
Deum fuisse sollicitum de ecclesia sua, etiam quum
visus est eius curam abiecisse : deinde factum fuisse
eius consilio, ut Iudaei ita expositi fuerint hostium
suorum iniuriis. Sed ab altera etiam parte agnoscimus
fuisse mirabiliter servatos, et quidem maiore
et magis mirabili Dei potentia quam si quieti vixissent,
si nemo illis fuisset molestus. Haec igitur
nobis discenda sunt a septimo capite usque ad nonum.
Iam ubi Daniel numerat annos usque ad
Christi adventum, quam darum ac firmum hoc est
testimonium, quod licet nobis opponere contra Satanam,
contra omnes impiorum sannas: quando
certum est, librum Danielis fuisse versatum in manibus
hominum, antequam hoc accideret? Ubi igitur
numerat septuaginta hebdomadas, et dicit tunc
venturum esse Christum, veniant omnes profani
homines, et ingérant ac crêpent etiam plenis buccis
suam proterviam: tarnen convicti tandem iacebunt,
quod Christus sit ille verus redemptor, quem Deus
ab initio mundi promiserat, quia noluit eum manifestari,
nisi cum certa ilia demonstratione, cui nullam
habent parem omnes mathematici. Est igitur
hoc etiam observatu apprime dignum, quod postquam
Daniel de varus ecclesiae calamitatibus disse-