viginti capita prioba. - Archive ouverte UNIGE
viginti capita prioba. - Archive ouverte UNIGE
viginti capita prioba. - Archive ouverte UNIGE
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
433 IN EZEOHIELIS PROPH. CAP. XVIII. 434<br />
posset clarius perspici quid sit esse iustum. Oaeterum,<br />
quia lex Dei plura in se continet quam hactenus<br />
propheta numeravit: ideo necesse fuit adiungi<br />
hanc clausulam, qui ambulaverit in decretis meis,<br />
inquit: hoc ad caeremonias restringere frigidum<br />
est, quemadmodum fieri solet: ego edicta interpreter,<br />
vel décréta. Ambulandi metaphora quia<br />
passim occurrit in soripturis non indiget longa expositione.<br />
Ergo ambulare in Dei praeceptis nihil<br />
aliud est quam formare vitam suam, et mores ad<br />
normam, quae a Deo praescribitur : aut quod idem<br />
est, instituere ita se ipsum, ut nihil aggrediatur<br />
qui.cupit iustus censeri, nisi quod consentaneum<br />
est Dei praeceptis. Sed quia difficilis est legis observatio,<br />
primum quia non solum sumus flexibili<br />
ingenio, sed quia propensi sumus ad peccandum,<br />
ideo adiungitur servandi verbum, quo propheta diligentiam<br />
commendat. Si quis ergo cupiat vitam<br />
suam. dirigere ad Dei praecepta, attentus sit ad<br />
eorum custodiam: quia nihil proclivius est quam<br />
labi vel errare. Nunc addit, ad faciendum veritatem.<br />
Nomine veritatis hie notatur integritas. Oolligimus<br />
tamen ex hac voce uberem doctrinam, nempe eo<br />
spectare totam legem Dei ut absque dolo et fraude<br />
versemur inter nos, et studeamus alii alios iuvare<br />
8impliciter et sincere nos geramus in omni negotio.<br />
Si quis ergo interroget de fine legis, propheta hie<br />
nobis describit, facere veritatem. Atque id de secunda<br />
tabula recte dicitur. Sed potest etiam aptari<br />
priori, quia nulla simulatio quemadmodum tota<br />
scriptura docet, potest Deo probari. Et videmus<br />
etiam quid Paulus dicat, ubi breviter désignât finem<br />
legis, Caritas, inquit (1. Tim. 1, 5), quae ex corde<br />
puro est, et fide non simulata, finis legis est. Sed<br />
nomen veritatis, meo iadicio, hic proprie refertur<br />
ad earn sinceritatem, quae colenda est nobis, ut<br />
nemo alterum decipiat, nemo fraudulenter vel astute<br />
se gerat: denique ut simus sinceri et simplices.<br />
Addit, hie iustus est, vivendo vivet inquit dominator<br />
Iehovah. Tandem pronuntiat sicuti vidimus, iustum<br />
esse qui legem Dei fideliter servavit. Deinde remunerationem<br />
paratam esse iustis omnibus, qui ita<br />
sincere Deum coluerint. Nunc veniamus ad secundum<br />
exemplum.<br />
10. Et genuerit filium praedonem (vel vastatorem:<br />
]•*"© significat corrumpere, destruere: inde<br />
O'îns vocantur fures, quia parietes effodiunt. Sed<br />
videtur mihi etymologia ilia esse coacta. Potius<br />
igitur yi~)B interpreter hominem violentum, et qui<br />
per8tringit omnem rectitudinem), qui sanguinem<br />
effundit, et facit fratri (sic enim interpretor: alii<br />
unum: sed postea videbimus melius quadrare nomen,<br />
fratris) fratri (ergo) unum (hoc est, unum aliquod)<br />
ex his.<br />
Calvini opera. Vol. XL.<br />
11. Et ipse haec omnia non fecerit, quin potius<br />
omnia (scilicet praecepta legis, quae antehac retulit:<br />
quin potius) in montibus comederit, et uxor em<br />
proximi sui corruperit (inquinaverit, ut heri dictum<br />
fuit),<br />
12. Pauperem et egenum oppressent (simpliciter<br />
dixerat virum oppressent : nunc autem quo soelns<br />
magi8 amplificet, loquitur de paupere et egeno.<br />
Crudelitas enim in illis opprimendis minus est ferenda.<br />
Qualiscunque sit quern afficimus iniuria,<br />
tamen scelus nostrum per se satis est damnabile.<br />
Verum ubi affligimus miseros, quum eorum conditio<br />
debeat nos ad misericordiam flectere, ilia inhumanitas,<br />
quemadmodum dixi, longe est atrocior. Ergo<br />
hac circum8tantia exaggerat nunc Ezechiel quod<br />
ante simpliciter dixerat), praedas rqpuerit (hie in<br />
numéro plurali ponit praedas), pignus non reddiderit<br />
(omittit nomen débitons, quia satis intelligitur), et<br />
ad idola oculos suos extulerit (ponit iam idola non<br />
domus Israel, sed sine adiectione), abominationem<br />
fecerit (hoc videtur referri ad concubitum mulieris<br />
men8truatae. Quanquam si quis latius patere<br />
existimet, non repugno. Sed quia paulo post ponet<br />
in plurali numéro abominationes, libenter de una<br />
parte accipio quod hic commémorât).<br />
13. Quum usura dederit, et incrementum acceperit:<br />
et vivet? (hoc est, an vivet?) non vivet: abominationes<br />
cunctas has patravit, moriendo morietur,<br />
sanguis eius in eo erit (hoc est residebit super<br />
ipsuin).<br />
Hoc secundum exemplum breviter perstringam,<br />
sicuti et paulo post tertium : quia Ezechiel prosequitur<br />
eandem sententiam, et eadem fere verba<br />
repetit, quibus usus fuerat. Hactenus docuit vitam<br />
repositam esse iustis omnibus tanquam mercedem<br />
iustitiae: nunc autem proponit nobis filium dégénérera,<br />
quia ex pâtre iusto et probo genitus sese ad<br />
omne scelerum genus praecipitet. Dicit ergo, si<br />
vir qui studuit legem servare filium genuerit, is<br />
autem fuerit perverso ingenio, ut reiecta patris<br />
disciplina legem totam Dei simul violet, an vivendo<br />
victûrus est? minime, inquit, morietur, sanguis eius<br />
super eum, hoc est fieri non potest ut effugiat<br />
iudicium Dei, quia scelera eius clamabunt, et exaudientur.<br />
Non manebit ergo impunitus qui deflexerit<br />
a recta via. Hoc simplex est consilium<br />
hetae. Iam veniamus ad tertium membrum.<br />
14. Et ecce genuerit filium, et viderit cuncta<br />
scélera patris sui quae perpetravit, et timuerit, et non<br />
fecerit secundum ipsa,<br />
15. Super montes non comederit, et oculos suos<br />
non extulerit ad idola (vel spurcitias) domus Israel<br />
(hie exprimitur sicuti primo ordine, domus Israel),<br />
uxorem proximi sui non polluerit,<br />
28
Change language