viginti capita prioba. - Archive ouverte UNIGE
viginti capita prioba. - Archive ouverte UNIGE
viginti capita prioba. - Archive ouverte UNIGE
Create successful ePaper yourself
Turn your PDF publications into a flip-book with our unique Google optimized e-Paper software.
281 IN EZECHIELIS PROPH. CAP. XIII. 282<br />
domus Israel non scribentur, nempe quia ad tempus<br />
visi fuerant ex numéro piorum: ideo mutatio<br />
hie nobis describitur, sed pro modulo et ruditate<br />
mentis nostrae. Est autem utilis hie locus, quia<br />
spiritus sanctus admonet non sufficere si homines<br />
nos censeant ecclesiae membra, quia videntur plerique<br />
excellere supra alios, imo quemadmodum palea<br />
frumentum suflbcat et superior est: sic etiam hypocritae<br />
obruunt filios Dei, quorum exiguus est numerus,<br />
ipsi autem splendore suo eminent : et multitudo<br />
etiam ipsorum facit, ut videantur soli digni<br />
ecclesiae titulo. Ergo discamus excutere nos ipsos,<br />
et examinare an interiores notae, quibus Deus<br />
filios suos ab extraneis discernit, in nobis sint,<br />
nempe viva radix pietatis et fidei. Docet etiam hie<br />
locus nihil esse magis formidabile, quam reiici a<br />
grege Dei. Neque enim speranda est alibi salus,<br />
quam si Deus nos in unum corpus colligat sub<br />
uno capite. Primum in solo Christo residet omnis<br />
salue: ideoque non possumus separari a Christo<br />
quin excidamus ab omni spe salutis. Christus autem<br />
non Tult nee potest divelli a sua ecclesia, cum<br />
qua coniunctus est nodo insolubili, ut caput cum<br />
corpore. Ergo nisi colamus unitatem cum fidelibus,<br />
videmus nos a Christo reiici. Ideo dixi nihil esse<br />
magis metuendum, quam abdicationem cuius hie fit<br />
mentio. Ex opposite dicitur in Psalmo (106, 4),<br />
Memento mei Deus in beneplacito populi tui : visita<br />
me in salute tua. Quum ita precatur quisquis autor<br />
fuerit psalmi, simul agnoscit veram et solidam felicitatem<br />
in eo nobis esse positam, si Dominus nos<br />
complectitur cum reliquis fidelibus. Beneplacitum<br />
enim populi Dei est paternus favor, quo suos electee<br />
complectitur. Si ergo Dominus nos dignatur<br />
paterno illo favore, illic est certa salutis fiducia.<br />
Postea adiungit, et ad terram Israel non redtbunt:<br />
et cognoscetis quod ego sim Iehovah. Hie externam<br />
notam apponit Ezechiel, quia signum fuit reprobationis,<br />
quod quum liber reditus esset permissus<br />
aliis, fuerunt hi exclusi. Significat ergo Ezechiel<br />
manifestam fore iram Dei in pseudoprophetis, quia<br />
non potientur communi populi beneficio. Ubi enim<br />
Deus ianuam aperiet, ac faciet ut promulgetur edictum<br />
de libero reditu, ipsi manebunt exsules, neque<br />
unquam fruentur patria, ad quam iactabant se paulo<br />
post esse redituros. Quod ergo de reprobatione<br />
attigit confirmât externo symbolo. Nam quamvis<br />
multi in exsilio mortui sint, qui tarnen erant ex<br />
legitimis ecclesiae membris, sicuti Daniel, et eius<br />
socii, et alii etiam plures : tarnen quantum ad istos<br />
spectat, fuit certum reprobationis signum, eo quod<br />
gloriati fuerint se brevi redituros in patriam. Quum<br />
ergo privati fuerunt eo bono, ostendit Deus palam,<br />
eos indignos esse qui in electo populo reputarentur.<br />
Sequitur,<br />
10. Propterea, et propterea (emphatica est repetitio)<br />
quod deceperunt populum meum dicendo, Pax,<br />
et non erat pax: et ipse aedificavit parietem, et ecce<br />
ipsi leverunt ipsum insipido.<br />
11. Die ad linentes insipido, cadet, (copula enim<br />
est supervacua) erit pluvia (vel imber) inundans: et<br />
dabo lapides grandinis (alii, et vos lapides grandinis<br />
cadetis: alii transitive, cadere facietis: sed necesse<br />
est ita exponere, vel cadent, vel cadere facient), et<br />
spiritus turbinum (vel tempestatum) scindet (vel<br />
disrumpet).<br />
Hic prosequitur Ezechiel eandem metaphoram<br />
qua usus fuerat, nisi quod aliquod est discrimen:<br />
sed tarnen ea est affinitas, ut apta sit connexio<br />
inter superiorem sententiam, et quam nunc legimus.<br />
Dixerat pseudoprophetas non adscendere ad interruptiones,<br />
et non sepire rupturas domus Israel:<br />
exposuimus verba ilia, nempe doctores qui funguntur<br />
probe et sincere suis partibus esse similes architects,<br />
qui si videant interruptionem in muro earn<br />
protinus et sedulo instaurant: esse etiam similes<br />
hortulanis, qui non sinunt agrum vel vineam expositam<br />
feris bestiis. Sicuti ergo prius dixerat<br />
pseudoprophetas non adscendere ad rupturam, quia<br />
dissipatio quae tunc erat in populo nihil illos afficeret,<br />
sed scientes et volentes proderent salutem<br />
populi aperta et crassa perfidia: sie etiam nunc<br />
dicit ipsos murum quidem erigere, sed absque caemento.<br />
Varie exponunt vocem ^sn: sed non dubito<br />
quin propheta significet arenam absque calce.<br />
Hieronymus vult esse caementum absque palea:<br />
sed melius convenit quod dixi, nempe ipsos quidem<br />
aedificare in speciem: et in hoc differt similitudo<br />
quam nunc usurpât propheta a superiori. Dixerat<br />
prius, non adscenderunt ad interruptionem: nunc<br />
plus illis concedit, quod scilicet aedificent, verum<br />
est: sed facile est haec duo inter se conciliare,<br />
quod non adscendant ad interruptiones, ut prospiciant<br />
saluti populi, et tarnen fingant se esse sollicites,<br />
et satagant in speciem quasi vellent instaurare<br />
ruinas. Sed propheta, quum taie Studium illis<br />
improprie concedit, simul adiungit, esse malos architectes:<br />
quemadmodum si quts congeriem arenae sedulo<br />
coacervet, etiamsi large madefaciat aqua, nihil<br />
tarnen proficiet. Nam arena per se diffiuit, et solidatur<br />
sola calce: inde fit caementum. Ergo propheta<br />
intelligit, impostores illos nihil serio agere,<br />
et quum ostentant magnam sollicitudinem, vel sedulitatem,<br />
illud esse inane, quia tantum coacervant<br />
arenas, vel pulverem, quum deberent caementum<br />
temperare ex arena et calce. Tenemus nunc quomodo<br />
hi duo loci inter se cohaereant, propterea<br />
ergo propterea quod populum mewm deceperunt, hoc<br />
absque figura. lam figurate adiungit aedificasse<br />
parietem, sed levisse insipido duntaxat, hoc est arena.