viginti capita prioba. - Archive ouverte UNIGE
viginti capita prioba. - Archive ouverte UNIGE
viginti capita prioba. - Archive ouverte UNIGE
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
345 IN EZECHIELIS PROPH. CAP. XVI. 346<br />
fuerunt simiae, ita aemulati sunt hunc morem,<br />
quanquam enim non gestant byssum, conficiunt<br />
tarnen sibi vestes ex lino, quas vocant superlicia.<br />
lam addit, et operui te serico, aut vestibus sericis,<br />
vel panno serico. Addit, se posuisse armillas super<br />
manus: vocant barbari brachialia. Haec luxuria<br />
ubique terrarum fere vagata est: sed quod propheta<br />
8ubiicit fuit repudiatum ab aliis gentibus,<br />
nempe circulus. Ponit torquem super guttur: etiam<br />
torques fuerunt in vulgari usu ut sunt hodie: imo<br />
et torquibus additae sunt laxiores catenae, et duplices,<br />
et triplices, et quadruplices. Hoc igitur<br />
vitium nimis vulgatum fuit. Sed quod postea addit<br />
de circulo, relictum fuit Orientalibus. Nam babebant<br />
pendillas gemmas e naribus suis: et miror cur<br />
interprètes posuerint inaurem, deinde pro inauribus<br />
posuerint circulum. Sed hie propheta significat<br />
circulum, unde pendebat gemma e naribus. Hoc<br />
apud nos esset ridiculum, imo deforme. Sed tarn<br />
viri quam mulieres in barbaris illis regionibus habent<br />
gemmas pendulas in naribus, et in auribus<br />
etiam. Addit, coronam in capite. Non significat<br />
diadeina vel coronam, quae esset regium insigne:<br />
sed erat etiam ille satis communis ornatus. lam si<br />
quia hie quaestionem moveat de isto apparatu tarn<br />
multiplici, an scilicet licuerit mulieribus undique<br />
sibi accersere tot ornamenta, responsio facilis est,<br />
prophetam hic non probare quod commémorât, sed<br />
mutuari ex communi more similitudinem. Diximus<br />
enim non aliud fuisse eius consilium, quam ut<br />
ostenderet non potuisse Deum liberalius agere cum<br />
populo illo: quia modis omnibus explicuerat incomparabiles»<br />
thesauros suae beneficentiae in ornandis<br />
Israelitis. lam hoc describit metaphorice, et<br />
sub figuris ex vulgari more sumptis, qui passim<br />
receptus erat. Non sequitur propterea fuisse mulieribus<br />
permissum ita se ornare. Scimus enim<br />
superfluos ornatus totidem esse lenocinia: deinde<br />
scimus quanta sit mulierum vanitas et ambitio dum<br />
sese ostentant in mundo suo, ut loquuntur. Et<br />
vidêmus etiam acriter reprehendi curiosam illam<br />
mulierum cupiditatem, ab Isaia praesertim. Sed<br />
satis est elicere quod Deus sub his figuris docere<br />
voluit, nempe nullum genus liberalitatis fuisse ab<br />
ipso omissum. Unde sequitur, minus excusabilem<br />
fuisse populi ingratitudinem, quemadmodum paulo<br />
post subiiciet Ezechiel. Sed antequam ultra progrediar,<br />
aptanda est etiam haec doctrina in usum<br />
nostrum. Quae hactenus dicta sunt de populo<br />
israelitico non conveniunt nobis, fateor, per omnia:<br />
sed aliquid tarnen est simile. Si reputamus qualis<br />
sit nostra origo, omnes nascimur filii irae, omnes<br />
sumus maledicti, sumus etiam Satanae mancipia:<br />
et quanquam multi educati sunt satis laute, tarnen<br />
quantum ad spiritualem statum pertinet, sumus<br />
tanquam pueri infantes, aut foetus expositi: et su<br />
mus interea demersi in sordibus nostris et foetore.<br />
Quid enim reperietur in homine antequam renovatus<br />
sit, praeter Dei maledictionem? Ubi ergo ita<br />
sumus Satanae mancipati, ubi Deus nos abominatur,<br />
quemadmodum dicitur Geneseos 6, Poenitet me<br />
fecisse hominem : ubi non agnoscit in nobis imaginem<br />
suam, quae ^non tantum foedata est per originale<br />
peccatum, sed fere exstincta*: certe haec est<br />
summa deformitas. Et quanquam non capimus<br />
sensu nostro quod dictum est: tarnen satis est nos<br />
esse detestabiles coram Deo et angelis. Non est<br />
igitur cur nobis placeamus: imo si aperiamus oculos,<br />
satis perspicua nobis erit haec foeditas de qua<br />
dixi. Interea Deus nobis ita auxiliatus est, ut vere<br />
compleverit quidquid hie recenset Ezechiel. Etsi<br />
enim non liberati sumus ab externa aliqua tyrannide,<br />
Deus tarnen nos sibi desponsavit: deinde<br />
quum in ecclesiam suam cooptavit, hic fuit summus<br />
decor, et haec fuit plus quam regia dignitas. Videmus<br />
ergo hanc doctrinam hodie nobis quoque esse<br />
utilem, modo expendamus quid nobis simile sit<br />
cum veteri populo. Quanquam unum omiseram de<br />
alimentis. Deus ergo hic non tantum commémorât<br />
se ornasse multiplici vestitu, et monilibus, et gemmis,<br />
et auro, et argento populum suum: sed adiungit<br />
etiam, comedisti similam, vel similaginem, et<br />
mel, et oleum, et fuisti pulchra valde, et prospère<br />
progressa es usque ad regnum. Hic Deus rursus<br />
commendat et extollit suam beDeficentiam, quod<br />
scilicet non tantum sumptuose vestierit sponsam<br />
de qua loquitur, sed etiam largiter ipsam aluerit<br />
optimis et suavissimis et delicatissimis cibis. Ponit<br />
très duntaxat species: vini nulla fit mentio neque<br />
carnium: sed per similaginem intelligit populum<br />
illum nullis delitiis eguisse. Idem etiam per oleum<br />
et mel significat. Clausula demonstrat cumulum<br />
gratiae, quum dicit féliciter fuisse progressant usque<br />
ad regnum: quia non poterant recenseri omnia Dei<br />
bénéficia, dicit non tantum magnifiée vestitam fuisse<br />
hanc sponsam, et delicate fuisse nutritam : sed<br />
progressant fuisse usque ad regiam dignitatem. In<br />
proximo versu adhuc commémorât sua bénéficia.<br />
14. Et egressum tibi fuit nomen in gentibus in<br />
pulchritudine tua (vel ob pulchritudinem tuam), quia<br />
perfecta fuisti in décore quem posueram super te, dicit<br />
dominator Iehovah.<br />
Hic adhuc insistit propheta in recitandis Dei<br />
beneficiis, quibus populum illum sibi obstrinxerat.<br />
. Quod autem dicit egressum fuisse nomen, non potest<br />
restringi ad exiguum aliquod tempus: sed complectitur<br />
continuam seriem gratiae Dei usque dum<br />
provexit populum illum ad summum gradum felicitatis.<br />
Id autem contigit sub Davide. Non dubium<br />
igitur est quin Deus hic significet continua série
Change language