viginti capita prioba. - Archive ouverte UNIGE
viginti capita prioba. - Archive ouverte UNIGE
viginti capita prioba. - Archive ouverte UNIGE
Create successful ePaper yourself
Turn your PDF publications into a flip-book with our unique Google optimized e-Paper software.
707 PRAELEOTIONES 708<br />
qui vel sibi indulget in sua ignorantia, Tel etiam<br />
cupit omnem lucem esse exstinctam. lam quod<br />
dicit regina spiritwm deorum sanctorum esse in Daniele,<br />
alibi exposuimus quid hoc sibi vellet. Neque<br />
enim mirum est, profanos homines ita loquutos<br />
esse, quia non poterant discernere inter unicum<br />
Deum, et angelos. Ergo promisoue vocarunt deos,<br />
quidquid erat divinum et coeleste. Hinc fit ergo,<br />
ut regina deos sanctos vocet angelos, et interea<br />
Deum statuât in turba. Sed nostrum est, ita agnoscere<br />
unioum Deum, ut solus emineat, et ut angeli<br />
etiam ipsi cogantur in ordinem, neque ulla sit excellentia<br />
tarn in terra quam in coelis, quae obscuret<br />
unius Dei gloriam. Ita enim scriptura in hoc incumbit,<br />
ut Deum constituât in summo gradu : deinde<br />
ut nihil polleat tanta praestantia, quod non cedat<br />
eius maiestati. Sed hie videmus quantopere necessarium<br />
sit nos doceri de unica Dei essentia: quoniam<br />
a primo mundi exordio semper hoc fuit persuasum<br />
hominibus esse aliquod summum numen:<br />
sed postea omnes evanuerunt in suis cogitationibus,<br />
ita ut elapsus illis Deus fuerit: deinde permiscuerint<br />
ipsum cum angelis, ut omnia essent confusa. Quum<br />
ergo hoc videmus, sciamus nobis opus esse scriptura<br />
duce" et magistra, quae praeluceat, ut nihil cogitemus<br />
de Deo, nisi quatenus ipse nos ad se invitât,<br />
et ultro se patefacit.<br />
Ooepimus heri exponere locum ilium, ubi narrât<br />
Daniel regem Beltsazar admonitum fuisse a<br />
regina, ut ipsum accerseret. Diximus hie satis<br />
superque convinci regem ingratitudinis, quod tarn<br />
eximium Dei prophetam iacere passus fuerit, quum<br />
tarnen memorabile illud vaticinium, de quo vidimus,<br />
deberet célèbre esse, et in ore omnium versari, ut<br />
constaret sancto viro perpétua autoritas. lam quia<br />
Daniel commémorât reginam ingressam fuisse domum<br />
symposii, hinc elicitur probabilis coniectura, non<br />
fuisse uxorem regis, séd potius aviam. Dixi me de<br />
hao re nolle contendere, quia in rebus dubiis potest<br />
quisque frui suo iudicio libero. Atqui haec inter<br />
se non quadrarent, regem epulatum fuisse cum<br />
uxore et concubinis suis, deinde reginam ingressam<br />
fuisse in coenaculum. Colligimus ergo reginam hie<br />
vocari honoris causa, quae praedita adhuc erat, si<br />
non potestate, saltern autoritate et gratia. Et hoc<br />
etiam confirmât testimonium Herodoti*), qui laudat<br />
uxorem regis Nebuchadnezer, quern vocat Labynetum<br />
: laudat ob singularem prudentiam : vocat earn<br />
Nitocrim. Convenient ergo haec inter se, quod abfuerit<br />
ab ullo symposio matrona, quia alieaum erat<br />
ab aetate eius et gravitate, comessari una cum<br />
aliis, qui luxuriae operam dabant. Ilia igitur ingressa<br />
coenaculum, admonuit regem de Daniele: et<br />
*) Herod, lib. I, 185.<br />
nunc 8ubiicit causam cur Daniel praefectus fuerit<br />
magis, et ariolis, et divinis, et chaldaeis omnibus.<br />
12. Propterea quod spiritus excéllens, et intéttigentia,<br />
et cognitio, interpretatio somniorum, et arcanorum<br />
revelatio, et sölutio nodorum (hoc est, solvebat<br />
nodos: ego uno contextu ita lego, tametsi ponitur<br />
nunc nomen, nunc verbum: sed ego respioio facilitatem,<br />
ne quid sit ambiguum) inventa est (nempe<br />
prudentia et cognitio, ut prius dixerat) in eo (nempe)<br />
Daniele, cui rex imposuerat nomen Beltsazar: et nunc<br />
Daniel vocetur, et interpretationem patefaciat.<br />
Causam hic assignat regina cur Daniel illam<br />
dignitatem adeptus esset, ut haberetur princeps ac<br />
magister omnium sapientum: quia scilicet, inquit,<br />
spiritus excéllentia inventa fuerat in eo, quod interpretaretur<br />
somnia, quod patefaceret arcana, quod solveret<br />
nodos. Tria igitur dona hie enumerat, quibus<br />
pollebat Daniel: et ita probat excelluisse ipsum<br />
inter omnes alios magos, quia nemo erat qui se<br />
conferre posset. Iactabant quidem magi se esse,<br />
interprètes somniorum, se posse solvere nodos omnes,<br />
et explicare aenigmata: caeterum vanitas et<br />
Stolida ipsorum iactantia iam bis deprehensa fuerat.<br />
Merito igitur regina haec tria vendicat Danieli, ut<br />
ostendat ipsum superare alios omnes. Deinde ratiocinatur<br />
ab autoritate, quum dicit nomen ei fuisse<br />
impositum a rege. De hoc nomine Beltsazar alibi<br />
diximus: sed hoc consilio nunc regina dicit nomen<br />
hoc fuisse illi inditum, ut Beltsazar cognoscat fuisse<br />
habitum in summo pretio et honore apud avum<br />
suum: et ideo exprimitur hie nomen patris, quia<br />
poterat Beltsazar exteros contemnere : sed ratio<br />
dictabat, ut aliquid deferret iudicio avi sui, quern<br />
omnes cognoverant fuisse praestantissimum, quamvis<br />
eum ad tempus Deus humiliasset, ut vidimus, et<br />
nunc repetet Daniel. Pergamus: ,<br />
13. Tunc Daniel adductus est coram rege: loquutus<br />
est rex, et dixit Danieli, Tu (ne es) ille Daniel?<br />
(si interrogative legamus: vel, Tu es ille Daniel)<br />
qui ex fHiis captivitatis Iehudah, quern abduxit<br />
rex pater meus (e) Iehudah.<br />
14. Et audivi de te, quod spiritus deorum in te,<br />
et intélligentia (vel, perspicacia: diximus heri nomen<br />
hoc, quum proprie lucem significat, metaphorice<br />
sumi pro perspicacia, vel, Bolertia) et cognitio, et<br />
sapientia excéllens (vel, eximia) inventa sit in te.<br />
15. Et nunc producti sunt coram me sapientes,<br />
arioli (vel, genethliaci, non moror has voces, ut<br />
ante dixi), qui scripturam hanc legerent, et interpretationem<br />
eius patefacerent mihi: et non potuerunt interpretationem<br />
sermonis indicare.<br />
16. Et ego audivi de te, quod possis nodos solvere,<br />
et arcana explicare: nunc si poteris scripturam
Change language