viginti capita prioba. - Archive ouverte UNIGE

PROLEGOMENA IN DANIELEM.
scripturam expositionibus relucet. Qua ratione vero exceptae fuerint a duobus illis fratribus Ioanne
Budaeo, et Oarolo Ionvillaeo, hic repetere supervacaneum foret, quum satis superque constet ex scriptis,
quae in duodecim, quos vocant minores, prophetas sunt édita. Nam in his excipiendis eandem omnino
viam sunt sequuti, quam in prioribus illis tenuerant. Cur autem contextum hebraicum latinae versioni
addere visum fuerit, ne tibi forte mirum videatur, paucis accipe, quia non defuerunt studiosi doctique
homines, qui in superioribus, quas dixi, praelectionibus, hebraea merito desiderarint, quum propter alia,
turn maxime quod linguae hebraicae peritis iucundissimum sit fontem ipsum ante oculos positum cernere,
ex quo fidissimus ille interpres genuinum prophetae sensum hausit: minus autem in ea lingua
exercitatis non ingratutn, Danielem non modo peregrina, sed sua quoque lingua loquentem videre, et
quomodo quidque dicatur intelligere: ideo nativa sancti viri verba praeterire non placuit. Hue etiam
accedit, quod idem doetissimus interpres Calvinus solet primum singulos versus hebraicos recitare,
deinde in latinum sermonem convertere. Ut igitur integram quam servat docendi rationem teneas,
hoc breviter praefari libuit. Caeterum, quam copiosum et uberem fructum ex his praelectionibus
omnes sint percepturi, quisque legendo melius iudicabit. Yale, et si quid profeceris, uni Deo quam
meretur laudem tribuas, et Calvino fidelissimo eius servo semper bene preceris.
Genevae, Decembr. MDLXI.
Praeleotiones in Danielem saepius typis exscriptae sunt quam caeterae in Prophetas a tachvgraphis
exceptae. Exstant nimirum sex editiones latinae praeter Âmstelodamensem, quas omnes ipsi
possidemus, et duae gallicae quos adhuc desideramus. Illae omnes inter se simillimae sunt ita ut non
nisi accurate inspicientibus diversae appareant. Ecce earum soriem:
I. loannis | Oalvini | Praelectio- | nes in librum pro- | phetiarum | Danielis, | Ioannis Budaei et
Garoli Ionuillaei labore | et industria exceptae. | Additus est e regione versionis Latinae | Hebraicus et
Ohaldaicus textus. | Genevae. | M. D. LXI. (fol.)
Titulus undiquaque figuris ligno incisis circumscriptus eBt; superne in epistylio corona maioris
formae manibus duarum cariatidum a dextra et sinistra stantium Bustinetur; infra Septem artes liberales
(si quid videmus) in gradibus throni soientiae sedent.
Octo folia liminaria continent, praeter Calvini epistolam nuncupatoriam ad Gallos, praefationem
typographi ad lectorem, et precationem qua uti solebat Calvinus initio suarum lectionum, et quam iam
alia occasione descripsimus. Porro sequuntur terniones viginti octo cum dimidio (a—z; Aa—Pf); folia
numerata sunt 171. Finem faciunt Errata et Index undecim foliis comprehensa. Post errata legitur:
Exoudebat Ioannes Laonius M. D. LXI.
II. Praeleotiones | Ioannis | Calvini | in librum prophetiarum | Danielis, | Ioannis Budaei et
Caroli Ionuillaei labore et industria exceptae. | Additus est e regione versionis Latinae Hebraicus et
Chaldaicus textus. | (Emblema.) | Apud Bartholomaeum Yincentium. | M. D. LXXI. (fol.)
Emblema exhibet figuram hominis nudi (Apollinis?) qui in elata dextra serpentem tenet, in
sinistra demissa sceptrum et duos ramos; pede dextro calcat draconem, sinistra subiacet lyra. Ciroumciroa
depicta est corona radians, intra quam legitur: YINCENTI.