viginti capita prioba. - Archive ouverte UNIGE
viginti capita prioba. - Archive ouverte UNIGE
viginti capita prioba. - Archive ouverte UNIGE
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
585 IN DANIELEM CAP. II. 586<br />
vel naturale, vel humanuni. Et hoc clarius patet<br />
ex contextu, quia subiicit, esse Deum in coelo, qui<br />
revelat arcana. Nam D13 beram hie aceipio pro<br />
adversativa particula. Opponit ergo revelationem<br />
Dei coniecturis et interpretationibus magorum,<br />
quoniam omnea humanae scientiae inclusae sunt<br />
(ut ita loquar) suis finibus et cancellis. Dicit igitur<br />
Daniel, opus hie esse singulari dono spiritus sancti.<br />
Idem certe Deus, qui patefecit Danieli somnium<br />
regis, etiam distribuit pro suo beneplacito unicuique<br />
ingenium et acumen. Unde fit, ut alii polleant<br />
perspicacia, alii autem vel hebetes sint, vel tardi?<br />
Unde fit ut alii proficiant in humanis doctrinis et<br />
artibus, alii autem iaceant quasi inutiles: nisi quod<br />
Deus hac varietate ostendit in manu sua et arbitrio<br />
esse vel mentes hominum illustrare, vel relinquere<br />
hebetes et stupidas? Quum igitur Deus patefaciat<br />
quidquid est intelligentiae in mundo, non quadraret<br />
in sensu generali quod hic dicit Daniel. Et antithesis<br />
ista, nisi ad speciem referas, vel supervacua<br />
esset, vel frigida. Tenemus ergo cur dixerit proximo<br />
versu, non potuisse exponi regis somnium a magis<br />
et astrologis: quia scilicet supra mensuram communem<br />
extulerat Deus regem Nebuchadnezer, ut<br />
per somnium illi ostenderet quod futurum erat. Est<br />
igitur Deus in coelo qui revelat arcana: ipse, inquit,<br />
regi Nebuchadnezer quid futurum esset ostendit. Confirmât<br />
quod iam dixi, nempe regem non potuisse<br />
colligere quod Deus illi ostendit per somnium.<br />
Saepe enim fit, ut dum mentes hominum discurrunt<br />
hue et illuc, colligant certas coniecturas. Daniel<br />
autem excluait humana media, et dicit somnium<br />
hoc profectum esse a spiritu Dei. Addit, quid futurum<br />
esset in novissimo, vel, in extremitate, dierum.<br />
Quaeritur quid per hanc extremitatem intelligat.<br />
Conveniunt interprètes hoc debere referri ad Christi<br />
adventum: sed non explicant cur adventus Christi<br />
designetur sub hac voce. Res tarnen minime obscura<br />
est, quod extremitas dierum vocetur Christi<br />
adventus, quia fuit quaedam mundi renovatio.<br />
Verum quidem est, hodie mundum agitari, ut olim<br />
antequam manifestatus esset Christus in came: sed,<br />
sicuti postea videbimus, Christus in hunc finem<br />
venit, nt mundum renovaret: et quia evangelium<br />
est quasi rerum omnium perfectio, dioimur esse in<br />
novissimis vel extremis diebus. Comparât ergo<br />
Daniel omnes aetates quae praecesserunt Christi<br />
adventum cum hac dierum extremitate. Itaque<br />
Deus voluit regi babylonio ostendere quid tandem<br />
futurum esset, postquam monarchia una aliam delevisset.<br />
Voluit ergo ostendere aliquem demum<br />
fore his mutationibus finem, quia superventurum<br />
esset regnum Christi. Ego hoc oaput ideo breviter<br />
attingo, quoniam plura dicenda erunt. Somnium,<br />
inquit, et visio capitis tui super ledum tuum haec est.<br />
Videri posset absurdum, quod Daniel hie profiteatur<br />
se expositurum regi quodnam esset eius somnium,<br />
et quaenam eius interpretatio: et tarnen alia interiiciet.<br />
Caeterum, quoniam nihil addet alienum a<br />
proposito, non debet hoc trahi in quaestionem, cur<br />
dicat hanc fuisse visionem regis, et hoc fuisse somnium.<br />
Nam oportuit magis ac magis expergefieri<br />
regem ipsum,
Change language