viginti capita prioba. - Archive ouverte UNIGE
viginti capita prioba. - Archive ouverte UNIGE
viginti capita prioba. - Archive ouverte UNIGE
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
453 IN EZECHIELIS P<br />
quum nobis describit conversionem impii, dioit si<br />
viderit, hoc est, si tandem redierit ad sanam meutern,<br />
et collegerit sensus suos, ita ut non mat pro<br />
sua amentia, quemadmodum solitus est, sed respiciat<br />
in Deum, respiciat etiam in se ipsum. Nunc sequitur,<br />
29. Et dixerunt domus Israel (hoc est, dixerunt<br />
Israelitae) non rectificata est (futuri est temporis,<br />
sed accipitur pro continuo actu) via Domini: An<br />
viae meae non rectae sunt, domus Israel? Annon<br />
viae vestrae non rectae sunt?<br />
Hie breviter ostendit Deus quantopere furiosi<br />
sint qui audent adversus eum obstrepere, quum<br />
tarnen manifesta sit iustitia eius. Quid enim rectius<br />
potest desiderari, quam ut Deus poenam sumat<br />
de omnibus legis suae transgressoribus ? et tarnen<br />
si resipiscant peccatores, ut paratus sit ad ignoscendum?<br />
Quod si videtur illud durum, poenas exigi<br />
de iustis si defecerint, sensus tarnen communis hoc<br />
dictât, nullam virtutem posse absque perseverantia<br />
probari. Quum igitur liquido pateat in hac tota<br />
agendi série Deum iustum esse et irreprehensibilem,<br />
quantus furor est, adhuc contra ipsum blasphemias<br />
evomere, quasi viae eius rectae non essent? Sed<br />
uno verbo ostendit Deus, quemadmodum attigi,<br />
Israelitas destitui omni colore in tanta improbitate<br />
et impudentia. Et repetit quod ante dixerat, nempe<br />
homines semper fore temeritatis reos quum tarn insolenter<br />
Deo maledixerint, quia reperientur eorum<br />
viae obliquae et perversae. Deus autem vias suas<br />
satis probabit. Sed addendum est etiam quod<br />
sequitur,<br />
30. Propterea quemque (virum, ad verbum) secundum<br />
vias eius iudicabo in vobis (vel inter vos),<br />
domus Israel, dicit dominator Iehovah. Convertimini<br />
et redire vos facite (et reducite vos, alii, reducere<br />
facite proximos, sed nimis remotum est: potius ergo<br />
reducite vos) ab omnibus sceleribus vestris, et non erit<br />
vobis in laqueum iniquitas.<br />
Hie Deus praecise demonstrat se functurum<br />
officio iudicis: et ita in ordinem cogit Israelitas, et<br />
audaciam eorum réfutât. Quantisper enim homines<br />
non sentiunt sibi instare Dei iudicium, et non<br />
tenentur quasi illaqueati, lasciviunt in sua petulantia.<br />
Videmus ut reprobi ideo tarn sint féroces,<br />
et protervi, quia non tanguntur metu poenae, nee<br />
reformidant Dei iudicium. Ipse ergo ut tollat omnem<br />
tergiversandi ansam, dicit, Ego tarnen ero iudex<br />
vester: litigate nunc: sed uno verbo ego decidam<br />
omnes vestras lites, quia iudicabitur quisque vestrum<br />
meo arbitrio. Certum quidem est, hie Deum<br />
,OPH. CAP. XVIII. 454<br />
as8erere sibi laudem iustitiae et rectitudinis. Atqui<br />
simul autoritatem suam in medio statuit, ut incutiat<br />
terrorem vesanis illis, qui ita audebant se opponere<br />
eius imperio, et ipsum subiicere ad reddendam rationem.<br />
Nunc ergo tenemus quo consilio dicat se<br />
iudicaturum eos omnes secundum vias ipsorum, hoo<br />
est, quamvis non fateamini vos esse dignos interitu,<br />
satis est quod ego qui sum legitimus iudex ita pronuntio.<br />
Iudicabo igitur vos recte, quia secundum<br />
vias vestras, sed pro summa potestate, ut cessent<br />
querimoniae omnes vestrae, et fremitus. Postea<br />
hortatur eos ad resipiscentiam, atque ita significat<br />
nullum aliud esse remedium, quam ut sibi displiceant<br />
in suis sceleribus, ac deprecentur vindictam.<br />
Unde colligimus, homines ideo tarn licentiose insurgere<br />
contra Deum, quoniam vagantur extra se,<br />
quia si descenderent in se ipsos, et sincere examinarent<br />
totam suam vitam, statim humiliarentur<br />
coram Deo: deinde cogitatio ilia eos stimularet ad<br />
resipiscentiam. Sed quia conscientia ipsorum stupida<br />
est, et sponte etiam obbrutescunt, hinc fit ut<br />
ita audacter Deum blasphèment. Ex opposito nunc<br />
remedium profert Deus si resipiscant, et se ipsos<br />
reducant a suis sceleribus. Verbum convertendi<br />
refertur ad renovationem animi et cordis. Nam<br />
hoc quoque initium est poenitentiae, ut mente intus<br />
renovemur, quemadmodum dicit Paulus, et ita fiamus<br />
novi homines. Et hoc notatu dignum est, quia<br />
multi quum agitur de resipiscentia, defixos habent<br />
oculos in fructus externos poenitentiae. Atqui a<br />
radice incipiendum erat. Hoc ergo nunc docet propheta<br />
quum dicit, convertimini. Sed postea addit<br />
DHPm, et reducite. Hoc secundum verbum ad testimonia<br />
poenitentiae referri debet. Nam quemadmodum<br />
ordine praecedit interior conversio, ut scilicet<br />
abdicemus nos propriis vitiis, renuntiemus carni et<br />
sanguini: ita sequi oportet fructus poenitentiae, vel<br />
testimonia: quemadmodum etiam dicebat Ioannes,<br />
Proferte fructus, qui testentur vestram poenitentiam.<br />
Videmus ergo prophetam hic incipere a puritate<br />
cordis, deinde etiam venire ad manus, quemadmodum<br />
et alibi scriptura loquitur, hoc est ad externa<br />
opera. Dicit a cundis iniquitatibus vestris, vel sceleribus,<br />
ut ostendat dimidiam poenitentiam non probari<br />
Deo. Verum quidem est, etiam qui summopere<br />
et toto affectu animi contendunt ad recte agendum,<br />
non tarnen ita defungi suo officio, quin semper<br />
multa vitia residua maneant: sed hic non agitur<br />
de perfectione, ac tantum de sincero affectu et serio<br />
conatu. Modo itaque serio studeamus redire in<br />
viam, et plaeidis ac sinceris animis nos humiliare,<br />
haec est integritas quam nunc exigit propheta.<br />
31. Proiicite a vobis omnes iniquitates in quihus'<br />
inique egistis: et facite vobis cor novum, et spiritum<br />
novum: et quare moriemini, domus Israel?<br />
29*
Change language