O le a le Feagaiga Fou?

O le Talalelei e Tusa ma le Faamatalaga a Luka
alolofa ia i latou. Ona o le lalolagi ua tatau ai ia i
tatou ona faapaiaina o tatou lava tagata. Ina ua feagai
ia soo o Iesu ma lo latou taimi o le upumoni, na tusia
e Ioane, ‘Talu mai lena taimi o le toatele o ona soo na
toe foi i tua, ma sa le toe savavali faatasi ma ia,’ ona
faliu lea o Iesu i e na totoe ma fesiligia i latou, ‘Pe tou
te fia o ese foi?‘ (Ioane 6:66–67.)“ (A Time to Choose
[1972], 39–40).
Ia fetufaai atu i tamaiti o le vasega lau tautinoga i le talalelei
i le avea ai ma se soo o Iesu Keriso.
Luka 15 (tagai foi Mataio 18:12–14). Pe a
tatou fesoasoani i isi ina ia salamo, tatou
te lagonaina le olioli ma e olioli foi le lagi.
(45–50 minute)
S M T W TH F S
Ia valaaulia ni nai tamaiti o le vasega e fetufaai atu ni mea na
latou oo i ai ina ua leiloa se mea sa taua tele ia i latou.
• Na faapefea ona faigata lau taumafai ina ia sailia le mea
sa leiloa?
• O a ituaiga lagona na oo ia te oe ina ua leiloa ia te
oe se mea e sili ona taua?
• Pe na i ai se taimi na e leiloa ai po o se tasi foi o lou aiga?
• E faapefea ona ese ni lagona e oo ia te oe mo se tagata
e leiloa mai ou lagona mo se mea na leiloa?
• Faitau le Mataupu Faavae ma Feagaiga 18:10–16. O le
a le mea o loo ta’u mai e nei fuaiupu e uiga i le leiloa?
• O le a le mea e sili ona leaga, o le leiloa i le faaletino po
o le faaleagaga? Aisea?
Tuu atu i tamaiti o le vasega e faitau le Luka 15:1–3,
ma fesili atu:
• O a vaega o tagata na aoaoina atu i ai e Iesu ia nei faataoto?
• O a ni auala e mafai ai ona mafaufauina se tasi ua “leiloa”?
Ia uunaiina tamaiti o le vasega e manatua po o ai lea o loo
aoaoina a o latou suesueina ia faataoto i le mamoe na se,
o le tupe na leiloa, ma le atalii faamaimau ‘oa. Fesili atu:
• E te iloaina se tasi e te lagona ua “leiloa faaleagaga”?
• O a nisi o mafuaaga e teena ai e tagata le talalelei?
Ia valaaulia tamaiti o le vasega e tuu mai se faataitaiga pe
mafai faapefea e se Au Paia o Aso e Gata Ai ona leiloa
faaleagaga e aunoa ma le tuua o le Ekalesia.
Faitau le Luka 15:4, 8, 11–13 ma vaai ai mo mafuaaga eseese
o mea taitasi na leiloloa ai o loo i ai i nei faataoto. Faitau le
saunoaga lenei mai ia Peresitene Tavita O. Makei i le vasega, a
o avea ma se tasi o le Au Peresitene Sili pe tuuina atu foi o se
pepa e tufatufaina atu:
96
“Na faapefea ona leiloa le [tamai mamoe o loo i le
faataoto o le mamoe na se]? E le’i faatautee o ia. Afai
e te mulimuli lelei i le faatusatusaga, sa saili lava e le
tamai mamoe le mea e tausi ai o ia i se tulaga atoatoa
ma faatulafonoina, ae masalo o lona le mafaufau i ai,
po o le le mautonu, na ia mulimuli atu ai i faatosinaga
a le fanua, o le lauusiusi o le vao seia oo ai lava ina
ua alu ese atu ma le lafu ma ua leiloa ai.
“O lea o loo i ai i latou faapena i totonu o le Ekalesia,
o alii talavou ma tamaitai talavou, o e ua o ese mai le
lafu i ni auala atoatoa ma faatulafonoina. O loo latou
sailia le faamanuiaina, faamanuiaina i pisinisi,
faamanuiaina i galuega, ma e le umi ae latou le toe
fiafia i le Ekalesia ma oo ai lava ina le toe fesootai ma
le lafu; ua latou le iloa le ala o le faamanuiaina moni,
atonu e le’i mafaufau i ai, atonu sa tau le mautonu, ae
o nisi foi tulaga, atonu sa naunau lava i ai. Ua faatauasoina
i latou i le mea moni o le faamanuiaina. ...
“I le tulaga [i le faataoto o le tupe na leiloa] o le mea
na leiloa e le’i pa’u ia te ia lava lona leiloa. O le tagata
ua faatuatuaina i ai le tuuina i ai o lena tupe, ua
faatamala pe le popole foi, ua mafua ai ona leiloa. E i
ai le eseesega ou te manatu e fetaui mo i tatou i le afiafi
lenei. O lo tatou luitau e le na o tupe, ae o agaga ola
o fanau, autalavou, ma tagata matutua. ... Atonu o
loo i ai se tasi o loo fealualuai solo ona o se faamatalaga
tuulafoai a se teineitiiti o lana tupulaga i le [polokalama
a tamaitai talavou], . . . ma ua tuu atu o ia e le
Peresitene . . . e alu, ma ua le toe tulitataoina o ia i le
isi afiafi o le Aso Lua ma valaaulia o ia e sau. O se isi
tagata atonu ua leiloa ona o le . . . le popole o le faiaoga
o le Aoga Sa o le ua faamalieina lava i tagata e toasefululima
sa i ai i lena taeao, nai lo le manatu i le toasefululima
o e o loo taase solo ona o le le amanaiaina. ...
“O le faataoto lona tolu o le atalii faamaimau ‘oa, le
‘atalii laitiiti,’ ua ta’uina mai ia i tatou, e le’i lava lona
matua i le faiga o lana faaiuga. Sa le fiafia o ia i le
vaavaaiga malu a lona tama, ma sa sili atu ai ia te ia
le alu ese mai le taitaiga lelei a lona tama. Sa matuai
ma’oti lava lona manao i le mea e ta’ua o le saolotoga,
o lea sa ia talosaga atu ai se’i alu e faataitai ona apaau.
O lea na ia faapea atu ai, ‘Lo’u tama e, ina aumaia ia
o la’u vaega ma o le a ou alu.’ Na tuuina atu i ai e le
tama ia te ia lana vaega, ma ua faapea ona ia alu atu.
“O le tulaga lenei i le manao, o le filifiliga, le filifiliga
mautu. O se tetee foi lenei i le pule. O le a le mea na
ia faia? Na ia faaaluina a na tupe i mea le aoga, na ia
faama’imauina lana vaega faatasi ma fafine talitane.
O le auala lena o loo leiloloa ai i latou.
“O talavou o e ua amata ona faamalieina o latou
tuinanau ma lagona ua agaigai atu i latou i le ala o le
liliuese e pei lava ona mautinoa o le oso a’e o le la i
sasae. Ou te le taofiofia mai le autalavou; ae soo se