O le a le Feagaiga Fou?

“. . . O nisi [talosaga] e vave ona tali mai, ae o nisi
e umi le taimi e faatali ai, ma o iina tonu e oo mai ai
ia te i tatou le loto vaivai. ...
“E i ai . . . taimi e oo ai i lou loto le faaletonu pe mata
o le a tali mai o ia i a tatou talosaga. Pe tusa o le
luasefululua tausaga talu ai na fanau mai ai le ma’ua
tama teine lona fa. Ina ua uma ona fanau mai, sa tau
atu e le fomai i lou toalua e le tatau ona toe maua e ia
nisi tamaiti. Sa ma talanoa i lea tulaga, ma sa faapea
mai lou toalua, ‘Ou te lagona o loo i ai se isi tamaitiiti
mo i taua.’ Ma sa faia loa la ma’ua filifiliga e tatau
lava ona toe maua e i maua se isi pepe.
“Sa mavae le tausaga e tasi, ae lei maua lava se pepe;
ua faapea foi ona mavae atu le lua tausaga. Sa iu ina
faapea mai se tasi o le fanau teine, ‘E te lua mautinoa
e tatau ona toe i ai se isi pepe?’ Sa faapea mai lo’u
toalua e mafai ona toe i ai se isi pepe, o lea sa ma o atu
ai loa ma fesili atu ia te ia, ‘E te mautinoa o le a toe
maua se isi a tatou pepe?‘ Sa ia tali mai, ‘Ioe, ae le’i
lava le umi o a tatou tatalo ma le malosi.’ O lea sa
matou toe tatalo ai mo le isi tausaga, ae leai lava se
pepe. Ona matou toe fesili atu foi lea: ‘E te mautinoa
le mea o loo e talanoa e uiga i ai?‘ ’Ioe,’ o lana tali lea.
O lea sa matou tatalo ai mo le tasi ma le lua ma le tolu
ma le fa ma le lima ma le ono ma le valu tausaga! Ae
te’i ua oo i se tasi aso i le laulau ai sa ia faapea mai ai,
‘E te iloa le mea ua tupu? O le a toe maua se isi a tatou
pepe.’ Ua outou silasila la, o tatalo o nisi taimi e vave
ona tali mai, a o nisi foi taimi e te tatalo mo le taimi
umi, a o le÷i maua e oe le mea e te manao i ai. ...
“Ia faamanuia e le Alii outou ina ia faaauau pea i
faamoemoega amiotonu” (“Tatalo—Toe Taumafai,”
Liahona, Tesema 1981, 13).
Ia valaaulia tamaiti o le vasega e fetufaai atu ni o latou lagona
i le iloaina lea e tali mai e le Atua ia tatalo.
Luka 1:13–17, 26–56; 3:1–22 (tagai foi Mataio 3;
14:3–5; Mareko 1:4–11; 6:17–20; Ioane 1:1–36). E
mafai ona avea ia Maria ma Ioane ma
faataitaiga mo i tatou. (45–50 minute)
Aumai se faata i le vasega, ma uu i luma o ni tamaiti.
• O le a se mea tou te fiafia ai i faata? O le a se mea tou te le
mananao i ai?
• O le a sou popole o i ai i ou foliga vaaia? O le a se mea e te
faia e taumafai ai e suia ou foliga vaaia?
• O le a le taua o lou vaaiga i fafo e faatusatusa i ou uiga ma
lou ituaiga tagata i totonu? (tagai foi 1 Samuelu 16:7).
Ia talanoaina faapuupuu pe mafai faapefea e tagata lauiloa (e
pei o tagata autu i televise, faaali teuga, tagata lauiloa i taaloga,
po o tagata fai musika) ona faa-aafiaina ou faatulagaga. Fesili
77
atu: O le a le leaga atonu e tulai mai i le avea o nisi o i latou
na ma tagata e te faataitai i ai? Ia molimau atu o nisi o tagata
sili ona lelei e faataitai i ai o loo maua i totonu o tusitusiga
paia, ma a o tatou mulimuli i a latou faataitaiga o le a mafai ai
ona tatou faamalosia o tatou agaga, ae le na o le faaleleia o
o tatou foliga faaletino po o mea e mafaia. O nisi o tagata lelei
e toalua e avea ma faataitaiga e mafai ona tatou mulimuli i ai
o Ioane le Papatiso ma Maria.
Faitau le Luka 7:28 ma vaai pe na faapefea ona faamatalaina e
le Faaola ia Ioane le Papatiso. Ia fetufaai atu le saunoaga lenei
mai ia Elder Bruce R. McConkie, ma valaaulia tamaiti
o le vasega e faalogo mo mafuaaga na faamatalaina ai e le Alii
ia Ioane i le auala na Ia faamatalaina ai.
“E toaitiiti lava ni nai perofeta e tutusa ma Ioane le
Papatiso. Faatasi ai ma isi mea, o lana galuega na
muai ta’uina mai e Liae (1 Nifae 10:7–10), e Nifae
(1 Nifae 11:27; 2 Nifae 31:4–18), ma Isaia (Isaia 40:3);
na oo mai Kaperielu mai lotoa o le mamalu e faailoa
atu le oo mai o Ioane (Luka 1:5–44); o ia o le taitai
mulimuli faaletulafono, na umia ia ki ma le pule i lalo
o le augatupulaga a Mose (MFF 84:26–28); o lana
misiona o le muamua lea e saunia le auala, papatiso,
ma folafola atu le paia o le avea ai o Keriso ma Alo
(Ioane 1); ma i ona po nei, i le aso 15 o Me, 1829, na
toe foi mai ai o ia i le lalolagi o se tagata toetu e tuuina
mai le Perisitua Arona i luga o Iosefa Samita ma
Oliva Kaotui. ([Talafaasolopito—Iosefa Samita
2:66–75]; MFF 13.)“ (Mormon Doctrine, 393).
Ta’u atu i tamaiti o Ioane o se faataitaiga lelei mo i latou o loo
umia le Perisitua Arona. Faitau faatasi ma i latou le valoaga
e faatatau ia Ioane o loo i le Luka 1:13–17.
• O a uiga o Ioane e mafai ona e sailia o le a taua tele mo
i latou o loo umia le perisitua i ona po nei? (Na ia aumaia le
olioli ma le fiafia i isi [f. 14], e sili o ia i luma o le Alii [f. 15],
na ia fesoasoani e saunia tagata e taliaina le Alii [f. 17].)
• Aisea e taua ai le i ai o nei uiga?
• E faapefea ona faatusatusa le taua o nei uiga i o tatou
foliga vaaia?
Fesili atu i teine o lau vasega: O le a sou lagona e i ai pe afai
e i ai ia i latou o loo umia le Perisitua Arona i aso nei ia uiga
ia sa ia Ioane? Fai atu i tamaiti o le vasega e faitau malie le
Luka 3:1–22 e vaai ai mo isi uiga po o mea na faataunuuina
e Ioane ia e mafai foi e alii talavou ona faataitai i ai, ma
talanoaina o se vasega.
Fesili atu:
• O le a le ituaiga tamaitai e te talitonu sa avea ai Maria?
• Faitau le 1 Nifae 11:14–15. O le a se tulaga popole tele sa
ia te ia e te mafai ona taumateina e uiga i ona foliga vaaia?
Ia fetufaai atu le saunoaga lenei mai ia Elder Bruce R.
McConkie e uiga ia Maria:
Luka 1–3