O le a le Feagaiga Fou?

Keriso i aso nei e gata ai ina ia valaauliaina tagata uma ia o mai
ia Keriso e ala i le talaiina o le talalelei i le lalolagi, faaatoatoaina
o le Au Paia, atoa ai ma le faaolaina o e ua maliliu (tagai
Amosa 3:7; Efeso 4:11–15; MFF 1:4–23; 138; Mataupu Faavae
o le Faatuatua 1:5–6).
O le Togiola
Ona o le Pau o Atamu o le a oti uma ai i tatou (oti faaletino),
ua aveeseina i tatou mai le afioaga o le Atua ma e le mafai
ona tatou toe foi atu ia te Ia na o i tatou lava (oti faaleagaga),
ma o loo tatou ola uma ai i se olaga o le galue, agasala, ma
faanoanoaga. Ua saunia e le Togisala a Iesu Keriso le toetutu
o tagata uma, faatasi ma tino faitino pe a mavae le olaga nei,
ma manumalo ai mai le oti faaletino. E saunia foi e le Togisala
le faaolaina o tagata uma mai le Pau ma toe aumaia i le afioaga
o le Atua i lo latou tulaga toetutu mo le Faamasinoga, ma
manumalo ai i le oti muamua faaleagaga (tagai 2 Nifae 9:15,
21–22; Helaman a14:16–18). E ala i le Togisala, pe afai tatou te
salamo e mafai foi ona faamamaina i tatou mai agasala a le
tagata lava ia ma suia mai ai i lo tatou tulaga o le pau i le
avea ai faapei o le Atua lo tatou Tama (tagai 2 Nifae 2:5–10;
9:4–14, 19–27; Alema 7:11–13; 12:32–34; 34:8–16; 42:11–28; MFF
19:16–19; Mataupu Faavae o le Faatuatua 1:3; “O le Fono Sili
ma le Taua i le Lagi,”i. 275).
E leai se tagata na mafai ona faataunuuina le Toetutu ma le
togisalaina mo agasala a tagata uma. E na o le toatasi lava na i ai
le mana i le oti ma le mana o se olaga e aunoa ma se agasala
na mafai ona faataunuuina lea mea. Na moomia ai se taulaga
a se Atua (tagai Ioane 10:17–18; Alema 34:9–14; MFF 45:4).
O le Olaga i Tua Atu o le Oti
O le Lalolagi o Agaga
O le oti faaletino o le tuueseeseina lea o le tino ma le agaga. I le
taimi e oti ai e o atu ai agaga o fanau uma a le Tama Faalelagi
i se lalolagi o agaga e faatalitali ai le Toetutu. I le lalolagi
o agaga o loo i ai se tuueseeseina o i latou o e na taliaina le
talalelei ma tausia poloaiga mai ia i latou o e na le i taliaina ma
tausia poloaiga. E pei ona sa faamatalaina e Peresitene Packer,
“O le fiafia ma o se parataiso mo e amiotonu. O le faanoanoa
mo e amioleaga. (tagai 2 Nifae 9:10–16; Alema 40:7–14). I tulaga
uma e lua, e faaauau ai pea ona tatou aoao ma faamasinoina
i tatou mo mea tatou te faia (tagai MFF 138:10–22)” (The Play
and the Plan, 3). Mo nisi faamatalaga e uiga i le lalolagi o agaga,
tagai i le Mataupu Faavae ma Feagaiga 138—o le faamatalaga
a Peresitene Iosefa F. Samita i le faaaliga matagofie na oo ia te
ia e uiga i le galuega o loo faia ai iina.
O le Faamasinoga
Ina ua tuuina mai e le Tama Lana fuafuaga ma faatuina mai le
foafoaga o se lalolagi, o Lona faamoemoega o le “faataitai” lea
o Lana fanau ina ia iloa ai pe latou te tausia Ana poloaiga
277
(tagai Aperaamo 3:25). Na faaalia e ala mai i le Perofeta o Iosefa
o le a faamasinoina i tatou e le gata i mea tatou te faia ae faapea
foi i manaoga o o tatou loto (tagai Alema 41:3–6; MFF 137:9).
O le Faamasinoga ma le Toetutu e vavalalata lo la fesootaiga,
ma o le vaega o lo tatou faamasinoga mulimuli o le a faia lea
pe a tatou toetutu. O tagata uma lava, sei vagana ai atalii o le
malaia, o le a toetutu mai i le Toetutu faatasi ma tino atoatoa,
ae peitai o le a eseese i latou i mamalu. O tagata uma o le a
toetutu ma se tino e talafeagai ai ma le malo o lo latou tofi, pe
o le selesitila, teresitila, poo le telesitila. O le a toe tutu atalii
o le malaia ae peitai o le a le tuuina atu ia i latou ni tikeri o le
mamalu, o le a tulieseina i latou i le pouliuli i fafo (tagai
1 Korinito 15:35, 39–42; MFF 88:28–32).
Na saunoa mai Peresitene Packer:
“Pe a mae’a ona tuuina tutusa atu mea uma, o le a faia se
faamasinoga (tagai Mosaea 3:18; tagai foi Teachings, 218–19).
O le a taitasi ma toetu mai i lona lava faatulagana. Ae peitai,
o le mamalu e mauaina e se tasi o le a faalagolago lea i le
usiusitai i tulafono ma sauniga o le fuafuaga a lo tatou Tama
(tagai 1 Korinito 15:40–42).
“O i latou o e ua faamamaina e ala i le salamo o le a mauaina
le ola e faavavau ma toe foi atu i le afioaga o le Atua. O le
a faaeaina i latou e avea o ni ‘suli lava o le Atua, o suli faatasi
ma Keriso’ (Roma 8:17; tagai foi MFF 76:94–95; 84:35; 132:19–20;
see also Teachings, 374).
“Ua saunia se fuafuaga mo i latou o e nonofo i le olaga faitino
ina ia le iloaina le fuafuaga:
‘A leai se tulafono e leai se faasala, a leai se faasala e leai se
ta’usalaina. . . talu le Togisala, aua ua laveaiina i latou i lona
mana’ (2 Nifae 9:25).
“A le aunoa ma lena galuega paia o le faaolaina o e ua maliliu,
o le a le atoatoa le fuafuaga ma o le a matua faapito lava.
O sauniga o le malumalu—o faaeega paia, o le faamauga i le
faaipoipoga e faavavau—ua alagatatau ai sauniuniga uma e
manaomia. Aua le faia se mea atonu o le a e le ola agavaa ai i le
mauaina o na mea poo le vaega 3 o lea tala faatino e faavavau
o le a itiiti ifo nai lo le mea o loo e saoloto nei e faia (The Play
and the Plan, 3–4).
O le Toetutu
O le Fuafuaga Sili o le Fiafia
O tagata uma o e na ola i lenei lalolagi, pe amiotonu pe leai
foi, o le a toetutu mai ma se tino faaletino i le olaga a sau.
O se meaalofa lenei ona o le Togisala a Iesu Keriso (tagai 1
Korinito 15:19–22; 2 Nifae 9:6–15, 19–22). E le toetutu mai
tagata uma i le taimi e tasi, “ae taitoatasi ma lona lava tofi”
(1 Korinito 15:23; tagai foi Mosaea 15:20–26; Alema 40:1–2;
MFF 76:15–17).
FAAOPOOPOGA