O le a le Feagaiga Fou?

O le Talalelei e Tusa ai ma le Faamatalaga a Ioane
• O le Fesoasoani lona lua o Iesu Keriso, ma e sau se aso
o le a Ia faaalia mai o Ia lava i e e alolofa ma auauna ia
te Ia (tagai Ioane 14:18–23; tagai foi MFF 88:67–68; 93:1;
130:3).
• O le Faaola o le Vine Moni a o tatou o lala. Tatou te maua
mai le ola mai ia te Ia, ma e le mafai ona tatou faia se mea
e tasi e aunoa ma Ia (tagai Ioane 15:1–11, 16; tagai foi Filipi
4:13; Alema 26:12).
• Sa i ai Iesu Keriso ma le Tama Faalelagi i le mua’i olaga.
Na Ia afio mai i le lalolagi e faia le finagalo o le Tama, ma
ina ua mae’a Lana misiona, sa Ia toe fo’i i le Tama, ma
maua ai le atoatoaga o le mamalu (tagai Ioane 16:16, 27–33;
17:1–5; tagai foi Ioane 1:1–3; Galuega 7:55– 56).
• O Iesu Keriso o le tatou puluvaga ma o le tatou fautua foi
i le Tama Faalelagi (tagai Ioane 17; tagai foi 1 Ioane 2:1;
2 Nifae 2:9–10; Mosaea 15:7–9; MFF 62:1).
Fautuaga mo le Aoao Atu
Filifili mai i aitia nei pe faaaoga ni au lava, a o e saunia lesona
mo le Ioane 13–17.
Ioane 13:1–17. O Iesu o lo tatou
faataitaiga i auala e auauna atu ai
ma le lotomaualalo i isi. (25–30 minute)
S M T W TH F S
Faaali ni ata o ni ta’ita’i iloga i alaalafaga po o le lalolagi.
Fesili i le vasega:
• Aisea ua avea ai nei tagata ma ta’ita’i? (Ia faaautu le
talanoaga i mataupu faavae mo taitaiga a e le o le polokiki
po o tagata polokiki taitoatasi.)
• Afai o nei tagata ua le toe umia ia tulaga o le pule, faamata
e te aloaia pea i latou o ni ta’ta’i? Aisea o le a e aloaia ai po
o le le aloaia foi?
• O le a le eseesega i auala e faatinoina ai e le lalolagi ma le
Ekalesia ia taitaiga? (Talanoaina a latou tali)
Uu i luga se ata o le Faaola ma fesili pe aisea ua latou
manatu ai o Iesu o se ta’ita’i. Tusi le upu Taitaiga Faakeriso
i luga o le laupapa faatasi ai ma mau nei: Mareko 10:42–44;
Luka22:24– 30; Ioane 13:1–17. Faitau faatasi nei mau ma le
vasega, ona fesili lea:
• O a mea na aoao mai e Keriso i nei mau e uiga i le taitaiga?
• O le a sou manatu aisea na mulumulu ai e le Faaola vae
o Ona soo?
Faamanatu atu i le vasega na mulumuluina fo’i e Iesu vae
o Iuta, tusa lava pe ua Ia mautinoa o le a faalataina o Ia e Iuta
i se taimi lata mai (tagai Mataio 26:21–25; Ioane 13:23–30).
Fesili: O le a le mea o loo aoaoina atu i lena faiga e uiga i le
manatu o le Faaola i le auauna atu ma taitaiga?
Na saunoa Peresitene Tavita O. Makei e uiga i le mulumuluina
e Iesu o vae o le au soo:
132
“O se faataitaiga maoae i na auauna taua, o e e
mulimuli ia Keriso! A i ai se sili ia te outou, ia avea
o ia ma så aupito itiiti. Ua ia i tatou le matafaioi o le
matua auauna atu i tagata o le Ekalesia, ma tuuina
atu o tatou ola i le faaalualuina i luma o le malo o le
Atua i luga o le fogaeleele” (Lipoti Konafesi, Aperila
1951, 159).
Fesili i le vasega:
• O le a le fautuaga a Peresitene Makei i le mea e tatau ona
tatou faia e faalelei atili ai la tatou auaunaga?
• O le a le mea tatou te faia ina ia faaaogaina ai le faataitaiga
a le Faaola i o tatou olaga?
• O a ni faataitaiga o le auaunaga na faia lata mai e oe lava,
lou aiga po o se tagata o le Ekalesia?
• Aisea e tatau ai ona tatou manatunatu o tatou o ni ta’ita’i
po o ni tagata e mafai ona avea ma ta’ita’i?
Valaaulia le vasega ina ia tusi i se fasi pepa ia mea e ono mafai
ona latou faia e auauna atu ai i isi. Tofi ni nai tagata e mananao
e faamatala mai i le vasega mea na latou tusia. Uunai le vasega
e faataunuu mea e tatau ona latou faia ma ia avea i latou ma
taitai faa-Keriso.
Ioane 13:34–35; 15:8–13. E faaalia lo tatou
alolofa ia Keriso i le alolofa atu lea i isi pei ona
Ia alofa mai ia i tatou. (30-35 minute)
A’o le’i faia le vasega, ia saunia ni ituaiga meaalofa eseese
e faaalia ai le alofa (mo se faataitaiga o meaalofa e manaomia
e i ai ia mama faaipoipo, fualaau, o se pusa e foliga i se fatu
(heart) e tuu ai ni lole). Ia tuuina i se mea e faigofie e le
vasega ona vaai i ai a’o ulufale mai i totonu o le potuaoga.
I le ogatotonu o ia meaalofa ia tuu ai se ata o Iesu o loo tatalo
i Ketesemane (Mataio 26:36–45) (aitema numera 80612) po
o se ata tau talafeagai. Fai ni fesili faapea:
• E faapefea ona e faaalia le alofa i au uo, aiga ma ou tuaoi?
• E faapefea ona aoao atu e le lalolagi le faaalia o le alofa?
• O a ni faataitaiga na aoao mai ai e le Faaola le alofa?
Faamalamalama na aoaoina e Iesu Ona soo e uiga i le alofa
i Ona itula mulimuli a o faatasi o Ia ma i latou.
Faitau e se tagata le Mataio 22:36–40. Faamalamalama, i le
taimi mulimuli a o faatasi ia Iesu ma Ana Aposetolo i le olaga
faaletino, na Ia toe faamamafaina ai le taua o nei poloaiga.
• Faitau le Ioane 13:34–35; 15:12, 17. E tusa ma nei mataupu,
aisea ua matua faatauaina ai e le Alii le alofa?
• Faitau le Ioane 14:15, 21, 23. O le a se ala sili e faaalia
lo tatou alolofa i le Atua?
• Faitau le Ioane 15:9–10. Na faapefea ona faia e Iesu
le faataitaiga?