O le a le Feagaiga Fou?

S M T W TH F S
Ioane 6:32–51. O Iesu Keriso o le Areto
o le Ola. (15–20 minute)
Aumai se falaoa i le vasega. Vavae ese se fasi falaoa ma tuuina
atu i le vasega e vaavaai ma sogisogi i ai. Fesili: E mafai
faapefea ona faatusaina Iesu i le falaoa po o le areto? Tusi tali
i le laupapa. (O ni tali talafeagai e aofia ai, e mafai e [Iesu ma
le falaoa] ona maua ai le malosiaga ma faamalie ai le fiaai; e
maua le ola i ia mea e lua, o ia mea e lua o faamanuiaga mai
le Tama Faalelagi; na soifua mai Keriso i Peteleema, lea pe a
faauigaina o le “fale o areto.”)
Faitau e le vasega le Ioane 6:32–51 ma saili pe faapefea ona
faatusaina e Iesu Ia lava i le manai po o le “areto mai le
lagi.” Fesili:
• O a ni faamanuiaga o lenei “areto o le ola”?
• O a taunuuga o le teenaina o lenei areto?
• E faapefea ona faatusatusa le lå lava o meaai faaleagaga
i le lå lava o meaai tatau faaletino?
• Faitau le Ioane 6:32–35, 44–51. E tusa ai ma nei fuaiupu,
e faapefea ona tatou aai i le areto o le ola?
• Aisea na folafola mai ai e Iesu afai tatou te o mai ia te Ia
ma talitonu ia te ia o le a tatou le toe fia aai pe fia feinu foi?
(tagai f. 35).
• O le a le uiga ia te oe o le sau ia Keriso?
Faitau le faamatalaga lenei a Elder Bruce R. McConkie:
“Ua tatou oo mai nei i le aoaoga aupito maualuga o le
lauga i le areto o le ola, e faasaoina tagata uma i le taumafaina
lea o le tino ma inu i le toto o le Alo le Atua….
“O le areto o le ola, o le ola e faavavau, areto ola, o
areto mai le lagi—o gagana ia na te faaaogaina e faasino
ia te ia lava; ma ona o lona tino o le tino o aano ma le
toto, ma o le aai i le areto mai le lagi, e tatau i tagata
ona aai i lona tino, le tino ‘o le a ia tuuina mai mo le
olataga o le lalolagi,’ o le tino o le a masoe i lana taulaga
togiola e lå gata. O le iloaina o le uiga o upu a Iesu, ae
matua le malamalama pe faapefea ona faaaogaina i le
faaolataga ma galuega e tatau ona latou faia e maua
ai le ola e faavavau, sa ‘fefinaua’i ai tagata Iutaia.’
“O le aai i le tino ma feinu i le toto o le Alo o le Atua,
muamua, o le taliaina lea o ia i se tulaga atoatoa, e
aunoa ma se masalosalo, o se alo totino i le tino o le
Tama e Faavavau; ma lona lua, o le tausia lea o tulafono
a le Alo e ala i le taliaina lea o le talalelei, auai i lana
Ekalesia, ma tumau i le usitai ma le amiotonu seia oo
i le iuga. O i latou, e aai i lona tino ma feinu i lona toto
i le auala lea o le a maua le ola e faavavau, o lona uiga
o faaeaina i le lagi pito maualuga i le lalolagi selesitila.
I le taua o Isaraelu anamua, mo se faataitaiga, fai mai
Paulo: Na ‘aai uma i le mea e ‘ai e tasi faaleagaga, ma feinu
uma i le vai e tasi faaleagaga; auã na latou inu i le Papa
faaleagaga sa mulimuli atu ia te i latou, o lena Papa foi o
Keriso lea.’ (1 Kori. 10:3–4.)” (Mortal Messiah, 2:377–79).
121
Fesili:
• E mafai faapefea ona tatou manatuaina a tatou feagaiga
e o mai ia Keriso?
• Aisea tatou te faataunuuina ai le faamanatuga i vaiaso uma.?
Faamatala tatou te aai i le areto o le ola i le taliaina lea o Iesu
o le Keriso, auai i Lana Ekalesia, tausia o Ana tulafono, ma
tumau i le amiotonu e oo i le iuga. A tatou faia lea, o le a tatou
le toe fia aai ma fia feinu i ni mea faaleagaga. Peitai, e tatau
lava ona tatou faamanatu pea i taimi uma a tatou feagaiga
e ala lea i le aai i le areto ma inu i le vai o le faamanatuga.
Faitau le Mataupu Faavae ma Feagaiga 20:77 ma fesili:
• O le a le mea tatou te folafola atu i le Tama tatou te loto
e fai pe a tatou aai i le faamanatuga?
• O le a le folafolaga e tuuina mai e le Atua?
Faitau ma talanoaina le faamatalaga lenei a Elder
Melvin J. Ballard:
“O a’u o se molimau o loo i ai se agaga i le
faataunuuina o le faamanatuga e faamafanafana i le
agaga mai lava i le ulu se’i oo atu i vae; e te lagona
ua faamaloloina manu’a o le agaga, ma ua aveesea
foi le avega. O le mafanafana ma le fiafia e oo mai i le
agaga e agavaa ma mana’o faamaoni e ‘ai i lenei
meaai faaleagaga.” (Melvin J. Ballard—Crusader for
righteousness [1966], 133)
Usuina le pese “A tatou Fetagofi i nei Faatusa: (Viiga nu. 98.)
Faamalosiau i le vasega ina ia manatua pea le faamanatuga
ma lona taua a’o latou fetagofi atu i ai i vaiaso taitasi.
Ioane 6:60–71. E tatau ona tatou lå faatausuai
i aoaoga a le Faaola ma poloaiga. (20–25 minute)
Aumai se uaea valavala po o se faamamã i le vasega ma
faaaoga e vaimama ai se oneone. Pe faafefiloi ni iliili ma le
falaoamata ona faaaoga lea o se mea vaimama e tuueseese
mai ai le falaoamata mai iliili. Faitau e le vasega le Ioane 6:66,
ma fesili:
• E faapefea ona faatusatusa le lauga a le Faaola i luga o le
mauga e uiga i le areto i le faiga o le faamama?
• O le a sou manatu aisea na toatele ai le au soo o Iesu na
tuua o Ia i le taimi lea?
• Faamata e te manatu o tagata e o ese mai le Ekalesia pe le
toaaga i le lotu i aso nei, e mafua ona o le le lava o le
malamalama pe le lava foi le naunau e ola ai i le talalelei?
• O a mea e faafaigata ai e nisi tagata ona ola i le talalelei
i aso nei?
• O a mea e mafai ona tatou faia e faatoilalo ai faigata ma
tumau faamaoni ai i a tatou feagaiga?
Ioane 6
Faitau e le vasega le Ioane 6:67–69 ma saili pe faapefea ona
tali Peteru i le fesili a le Faaola, “Pe tou te fia o ese foi?” Ta’u