O le a le Feagaiga Fou?

1 Korinito 5. E taua tele le filifili o uo o loo ola i le
Talalelei. (15–20 minute)
Faaali atu i tagata o le vasega se faatanoa o fualaau aina o loo
i ai se fualaau ua pala. Ia talanoaina le tulaga aafia o fualaau
aina o loo lelei ona o lea fualaau ua pala. (O le a salalau atu le
tulaga faaleagaina o le fualaau pala i fualaau lelei.) Faitau le
1 Korinito 5:1 ma ia saili i le amioleaga o nisi o tagata i Korinito.
• Pe faapefea ona faatusatusa le faitaaga i le “fualaau aina
ua pala”?
• Faitau le fuaiupu 2–5. O le a le mea na manao Paulo e fai
ina ia puipuia ai le Au Paia?
• Pe faapefea ona avea ma faamanuiaga i tagata amiotonu
le aveesea o tagata agasala mai ia i latou?
Faitau le faamatalaga o loo i lalo a Elder Neal A.Maxwell:
“Aua le faifai mea faatasi ma tagata faitaaga–e le
faapea ona ua e lelei na’ua mo i latou peitai, e pei lava
ona tusia e C.S.Louis ona ua le lava lo outou lelei. Ia
manatua o tulaga leaga e mafai ona tauanauina ai
tagata lelei e fai. Sa i ai ia Iosefa se manatunatuga
lelei faapea foi ma le lelei o ona vae e sola ese mai ai
i le ava a Potifara (“The Stern But Sweet Seventh
Commandment,” in Morality [1992], 29).
Faitau le 1 Korinito 5:6–8 ma faamatala o le mea faafefeteina
o le mea lea ua ta’ua o le fefete (yeast). Fesili atu:
• Pe aisea ua avea ai le tulaga o le mea faafefeteina
i se falaoa ma se faataitaiga lelei o le agasala?
• O le a se mea e te manatu e faatatau i ai le fuaitau “o se mea
faafefete itiiti, e faafefeteina ai le palugafalaoa uma lava?”
• Pe faapefea ona faatatau lenei faatusatusaga i le faatanoa
o fualaau aina? (O le mea faafefeteina e fefete atoa ai le
paluga, e pei lava o siama i le fualaau pala e mafai ona
faaleagaina ai le fualaau lelei. Ua faapea foi tagata agasala
e le salamo e mafai ona faatosinaina i latou o loo latou
faifai mea faatasi ina ia agasala.)
Ia faitau e tagata o le vasega le 1 Korinito 5:9–13 ma ia saili
mo ituaiga o tagata e mafai ona i ai sa latou faatosinaga leaga.
Fesili atu:
• O le a se mea e mafai ona tatou fai e alo ese ai mai
faatosinaga a i latou o e faia le agasala?
• Pe mafai faapefea ona tatou fesoasoani atu ia i latou o e
faia le agasala e aunoa ma le pisia ai o i tatou lava?
Faitau mai le itulau e 9 o le tamaitusi, Mo Le Malosi o Le Au
Talavou e uiga i le taua o le maua o ni uo lelei. Ia faamalosi atu
i tagata o le vasega ina ia faautauta i la latou filifiliga o uo ina
ia tele se avanoa latou te maua e ola ai i le Talalelei. Ia faamatala
atu e faapea e le o le uiga o lenei mea o le alo ese mai ia
i latou e le o ni tagata o le Ekalesia. Ia faamamafa atu i tagata
o le vasega ua ia i latou se tiute o le fesoasoani atu i isi e ala i la
latou faataitaiga faapea foi ma le talaiina atu o le talalelei.
183
1 Korinito 5–6. Ina ia maua le olioli i lenei
olaga, e tatau ona tatou tausia i tatou lava
ia mama ma agavaa mo le mauaina o le Agaga
o le Alii. (30–35 minute)
S M T W TH F S
A’o le’i taunuu mai tagata o le vasega, ia faagasu solo kesi ma
nofoa, ia fuli i lalo nisi nofoa, ia faasalalau solo tusi i luga o le
fola, ia faafao le mea e tuu ai lapisi, ma isi mea. Pe a oo ina
amata le vasega, ia fesili atu: O le a se lagona na outou maua
ina ua ulufale mai i se potu o le vasega ua leveleve solo
faapea? Aisea? Ia fai atu i tagata o le vasega e toe faatulaga
lelei nofoa. Ia fesili atu: O le a se lagona ua e maua ina ua
tatou i ai i se fale faatulaga lelei, matagofie, ma tausia lelei?
Ia talanoaina a latou tali.
Faitau le 1 Korinito 6:19 ma fesili atu:
• Pe faapefea ona talafeagai lenei mau ma le potu gasu?
• Afai o o tatou tino o ni malumalu, pe faapefea la ona
tatou tausia?
• O le a se mea e mafai ona “gasu,” “eleelea,” pe
“lå faatulagaina lelei” o tatou tino?
• O a nisi auala ua faatatau ai le aoaoga faatino ma lenei
fuaiupu i o tatou tino?
Ia faamatala atu i tagata o le vasega e uiga i tagata o Korinito
(tagai i le talaaga faasolopito o loo i le faatomuaga o le
1 Korinito, itulau 174). Ia faamatala atu sa matua faamanuiaina
taumafaiga a Paulo i le faaliliuina o le Au Paia i Korinito mai
a latou agasala ma aumaia i latou ia Iesu Keriso. Ae ui i lea,
ina ua alu ese Paulo mai Korinito, sa ia iloa e toatele i latou na
toe liliu i o latou ala sa masani mai ai. Ia faamatala atu sa
tusia e Paulo le 1 Korinito e a’oa’ia ai le Au Paia ma uunaiina
i latou ina ia tumau ma le le mafaagaeetia i le faatuatua.
Ia faitau tagata o le vasega i le 1 Korinito 5:1–6:8 ma ia saili i le
tele o agasala sa faia e tagata Korinito, ma ia tusia se lisi o ia
agasala i luga o le laupapa. Fesili atu: O le fea o ia tofotofoga
ua tatou faafeagai i aso nei? Ia faaauau le faitauina o le
1 Korinito 6:20. Fesili atu: Pe mafai faapefea ona tatou tausia
i tatou lava ia agavaa mo le maua o le Agaga Paia a’o tatou
ola i se lalolagi agasala?
Ia faaali atu se mea e mama ma pa’epa’e (e pei o se solosolo,
se ata o se teine faaipoipo, po o se pepa mama), ma ia fesili
atu: O le a se mea e ta’u mai ia i tatou i le lanu pa’epa’e? Ia
faaali atu se faatanoa e tumu i eleele. Ia valaauina se tagata o le
vasega e faaeleelea ona lima i le eleele, ona tuuina atu lea i le
tagata o le vasega le mea mama ma le pa’epa’e na te umia.
Fesili atu i le vasega: O le a sou lagona pe a e tagai atu ua
eleelea lea mea? Ia faatusatusa lenei gaoioiga ma le Au Paia
i Korinito o e na avea ma ni tagata le mama, ma ia
faamalamalama atu i tagata o le vasega e mafai ona tula’i mai
lea lava tulaga i aso nei. Fesili atu:
• O a ituaiga o mea e faaeleelea ai i tatou?
• O le a se mea e tausisia ai lo tatou mama?
1 Korinito 5–7
Ia faamatala atu o agasala autu sa faia e le Au Paia i Korinito
o faiga feusua’i lå mama. Faitau 1 Korinito 6:19–20 ma le 7:23
ma fesili atu: