O le a le Feagaiga Fou?

tagata lea na tofiaina atu ia i latou. Fai atu iai latou e faitau
ma le faaeteete, ia taulai atu i le savali, ma mafaufau loloto
i lona taua. A maea, ona talanoaina lea o ni o latou manatu,
e faaaoga ai fesili e pei o nei:
• O a ni tulaga na tofiaina oe e te mafaufau i ai?
• O le a se mea na e aoaoina mai le faitauina o le tala mai le
manatu o lenei tagata?
• O a ni ou lagona na i ai e uiga i le Faaola?
• O ai le tagata na sili ona e manao ina ia e avea faapei
o ia i lena aso? Aisea?
Ia faaiuina i le usuina o le “Ou te Tu ma Ofo” (Viiga, nu. 107)
ma faatagaina soo se tamaitiiti o le vasega e manao e tuuina
atu a latou molimau ina ia faia loa.
Luka 24:13–35 (tagai foi Mareko 16:12–13).
E fesootai mai le Alii i Ana fanau i le tele
o auala eseese. (40–45 minute)
Ia fusi mata o nisi o tamaiti o le vasega. Faaali atu se ata o le
Faaola e tau le masani ai, ma fai atu i isi tamaiti o le vasega
e faamatala atu le ata ia i latou o loo fusi o latou mata. Fesili
atu i tamaiti na sa fusi o latou mata:
• E mafai faapefea ona e iloa lelei atu le ata i lou mafaufau?
• O a ni tulaga le mautonu e te lagonaina mai le le mafai ona
e faaaogaina ou mata?
Tuu atu i se tamaitiiti o le vasega e le’i fusia mata e faitau
leotele le Luka 24:1–16, ia faamamafaina le fuaiupu 13–16.
Fesili atu:
• O le a sou manatu o le a le uiga “ua punitia o latou mata”?
(f. 16; sa taofia i latou mai le iloaina o Ia.)
• E faapefea ona faatusatusa lenei mea na oo i ai nei alii
e toalua i tamaiti o le vasega ia sa fusi o latou mata?
Ia valaaulia ia tamaiti o le vasega o loo fusi o latou mata
e aveese loa ma faitau le Luka 24:31. Fesili atu:
• O le a le mea na iu lava na tupu i mata o nei alii e toalua?
• E te manatu e faatatau lenei mea i o latou mata faaletino po
o mata faaleagaga? Aisea?
• Aisea e taua ai i tagata uma le “tatalaina o o latou mata”
ina ia mafai ai ona latou “vaai” ia Iesu Keriso?
?
111
Tusi le ata o loo auina atu i luga o le laupapa ma fesili atu:
• E mafai faapefea ona tatalaina mata faaleagaga o tagata?
• O a ni auala o loo fesootai atu ai e le Tama Faalelagi le
upumoni i Ana fanau?
Ta’u atu i tamaiti o le vasega faapea o le Luka 24 o loo lisiina
mai ai nisi o auala o loo fesootai mai ai le Alii i Ana fanau.
Tuu atu i tamaiti o le vasega e faitauina ia fuaiupu 13–35
e vaai ai mo auala eseese, ma lisi mea latou te mauaina i luga
o le laupapa. O nei mea e mafai ona aofia foliga vaaia o le
tagata (tagai f. 13–16, 33–52), asiasiga a agelu (tagai f. 23),
o se lagona e pei e mu i totonu o o tatou loto (tagai f. 32),
malamalama ma le olioli (tagai f. 32, 41), o tusitusiga paia
(tagai f. 32, 44–45), ma lagona o le filemu (tagai f. 36; tagai
foi MFF 6:23). Fesili atu:
• O le fea o nei auala o loo faaaogaina e le Tama Faalelagi
e fesootai mai ai ia te oe?
• O faapefea ona fesoasoani na tulaga faaleagaga e oo ia te
oe e tatalaina ai ou mata faaleagaga?
Luka 24:36–48 (Mau Tauloto, Luka
24:36–39; tagai foi Mareko 16:14; Ioane
20:19–23). O Iesu Keriso le uluai tagata na toetu.
(20–25 minute)
Fesili atu i tamaiti o le vasega: O le a sou manatu o le a le savali
aupito sili ona viia ua tuuina mai? A maea ona talanoaina nisi
o a latou tali, ona aoaoina lea o i latou faapea o le toetu o Iesu
o le savali sili lea ona viia o savali uma i tagata. Ia valaaulia
i latou e faitauina ia mea o loo lisiina i lalo o le “toetu” i le
Taiala i Tusitusiga Paia e fesoasoani ai e fuafauina pe aisea ua
avea ai ma aoaoga faavae viia. Fesili atu:
• O a nisi o taimi e te mafaufau ai i le Toetu?
• O le a le vaega o le Toetu e sili ona faatosina ia te oe?
• O a ni fesili o loo ia te oe e uiga i le Toetu?
Luka 22–24
Fai atu i tamaiti o le vasega e faitau le Luka 24:36–48 ma vaai
ai po oa mea o loo aoao mai e nei fuaiupu e uiga i tagata
toetutu, e aofia ai foliga o tagata toetutu ma mea e mafai ona
latou faia. Ia molimau atu o loo soifua Iesu Keriso ma talu ai
ona o Ia o lea o le a toetutu uma ai i tatou. Faitau le 2 Nifae 2:8
ma le 3 Nifae 11:12–15, ma mafaufau e usu le “Ua Ou Iloa
Lo’u Faaola” (Viiga, nu. 73).