O le a le Feagaiga Fou?

O LE TUSI A IUTA
Tusitala: Na faaalia mai e le tusitala o Iuta o ia o se “auauna
a Iesu Keriso ma o le uso foi o Iakopo” (Iuta 1:1). O le Iuta lenei
e på’∏ lava o le uso o Iesu e tina faatasi (tagai Mataio 13:55).
E leai se faailoga tatou te iloa ai po o le a se tofiga sa ia Iuta,
ma e pei ona faaataata mai e le Tusi lava ia o Iuta sa umia se
tofiga ta’ita’i pule ma o lea ua agavaa ai e tusia tusi o fautuaga.
O e Na Tusi I Ai: E pei foi o isi Tusi Faalaua’itele,
e faalemautinoa po o ai tonu e faatatau i ai ia le tusi a Iuta.
Na faatuatusi tusitusiga a Iuta “i e o lo ua faapaiaina e le Atua
le Tama, ma leoleoina e Iesu Keriso” (Iuta 1:1).
O ni Uiga Ese: E ui o Iuta o se tasi o tusi puupuu i le
Feagaiga Fou, ae o Iuta o lo o i ai ia faamatalaga e le o
mauaina i se isi lava vaega o le Tusi Paia. Na tautala ia Iuta i
agelu “na tausia lo latou uluai tofi” (f. 6; tagai fo’i Aperaamo
3:26), i le finauga a Mikaele ma Lusifelo i le tino o Mose (f.9),
ma se valoaga a Enoka e uiga i le Afio Faalua Mai o le Faaola
(ff.14–15; tagai fo’i ia Mose 7:65–66).
Autu: Na tusi atu Iuta e uuna’ia tagata o le a faitauina lana tusi,
ina ia faamaoni i lo latou puipuia o le faatuatua i taimi o le
liliuese, ma lapataia i latou e uiga i tagata i totonu o le Ekalesia
o e ua taumafai e ta’ita’i latou i auala faasaina (tagai Iuta 1:3–4).
O le Iuta 4–9 e tai tutusa faaupuga ma le 2 Peteru 2, vagana ai
o Peteru sa valoia o le a i ai le liliuese i le lumana’i, a o Iuta
sa tautala i le faataunuuina o lena valoaga
(tagai 2 Peteru 2:1; Iuta 4).
Faatomuaga
Iuta 1
O le Iuta 1 o lo o faaaogaina ai ni faataitaiga e faapupula ai le
auala na taulimaina ai e le Atua le fouvale: (1) o le fanauga a
Isaraelu na taofia mai le nuu na folafolaina, (2) o agelu “e le’i
tausia lo latou uluai tofi” na tulia i fafo, ma (3) o i latou na
i Sotoma ma Komoro o e na teena ia lapataiga paia sa
faatama’iaina. Na lapataia e Iuta ia e na liliuese o le a i ai le aso
o le a afio mai ai le Alii “ma faataunuuina ia le faamasinoga
o i latou uma” o e amio faalematau (tagai Iuta 1:4– 8, 14–19).
Na ia folafola atu i e e faatuatua o le atinaeina o le faatuatua
e ala i le tatalo ma le alofa i le Atua o le a lavea’ia mai ai i latou
mai taunuuga o le liliuese (tagai Iuta 1:20–25).
Ia suesue ma le agaga tatalo le Iuta 1 ma manatunatu
i mataupu faavae nei a e le’i saunia au lesona.
O ni Mataupu
Faavae Taua o le Talalelei e te Sailia
O le faamalosia o lo tatou faatuatua i le Alii o Iesu Keriso
e saunia ai i tatou e fesoasoani i e ua vaivai le faatuatua
(tagai Iuta 1:20–23).
252
Fautuaga mo le Aoao Atu
Faaaoga ia aitia nei, pe faaaoga ni au lava, a o e sauni
e aoaoina le Iuta 1.
Iuta 1. E mafai ona tatou faamalosi atu
i e e vaivai i le faatuatua. (10–15 minute)
Vaevae le vasega i ni vaega se lima. Ia faitau e vaega taitasi
ia poloka mau nei ma tusi ia se otootoga ia latou lava upu:
Iuta 1:1–4; 1:5–11; 1:12–16; 1:17–19; 1:20–25.
Ia aoina e se tagata o le vasega ia ni otootoga se lima [mai le
vasega] ma faitauina mai faasologa, i le vasega. Fesili i se isi
tagata o le vasega e toe faia se otootoga mulimuli o otootoga
ua uma ona faitauina o le tusi o Iuta (tagai i le “faatomuaga”
o le Iuta i le mataupu 1).
Tuu se nofoa i tafatafa o se laulau malosi. Ia tu se tagata o le
vasega i le nofoa ae tu se isi i tafatafa o le nofoa. Fesili i le
vasega po o ai le tagata o lo o i le tulaga e faafaigofie ai ona ia
fesoasoani i le isi e o o atu i luga o le laulau. Aisea e faafaigofie
ai e le tagata i luga o le nofoa ona fesoasoani i le o loo tu i lalo.
Na iloaina e Iuta o le Au Paia e latou te manaomia le fesoasoani
o le tasi i le isi i le teena o aoaoga a e na liliuese. Faitau e le
vasega le Iuta: 1:20–21 ma mata’ituina ia fautuaga na tuuina atu
i le Au Paia faatuatua. Faitau le Iuta 1:22–23. Fesili: Aisea ua
tuuina atu ai lenei fautuaga i le faai’uga nai lo le amataga
a e le’i tuuina atu le fautuaga i le Iuta 1:20–21? Tuuina atu ia
le faamatalaga lenei a Elder Gordon B. Hinckley, a o avea ma
se tasi o le Korama a le Toasefululua:
“O le faataitaiga o o tatou olaga o le a maua ai se aafiaga
tele nai lo talaiga uma e mafai ona tatou faia. E le mafai
ona tatou sii a’e isi i luga vagana ai ua maualuga le mea
o lo o tatou tutu ai.” (Liahona, Fepuari 1976, 39–41).
Fesili i tagata o le vasega e ta’u mai ni auala faapitoa na siitia
a’e ai i latou i se tulaga maualuga atu o le ola ai i mataupu
faavae o le talalelei po o ona tulaga faatonuin.
Faamalamalama atu o le auala tatou te ola ai atonu o le
a faaosofia ia isi e teena faaosoosoga ma talia le savali o le
talalelei. Na saunoa mai ia Peresitene Hinckley:
“E le’i i ai se isi taimi muamua na sili atu ai le tauleleia
o lenei Ekalesia nai lo le taimi nei. Ua tupu lenei mea
ona o outou, uso ma tuafafine. O le taofi o tagata e uiga
ia i tatou i le tele lava o itu, e mafua mai i aafiaga patino
o tagata taitoatasi. O lo outou uiga faauo, o lo outou
popole alofa mo isi, ma faataitaiga lelei i o outou olaga
na ua mafua ai ona faaalia manatu o isi e uiga i le Au
Paia o Aso e Gata Ai” (Liahona, Ianuari 1998, 4).
Fai i tagata o le vasega e tusi ia latou tusi o talaaga so latou
uiga taua, pe ua malosi atu, ma ua mafai ona fesoasoani ia
i latou e siitia a’e ai isi i se tulaga e maualuga atu foi.