O le a le Feagaiga Fou?

Ta’u atu i le vasega e le mafai ona tatou aoao atu ia Iesu e uiga
i mafatiaga aua ua uma ona Ia silafia. Tofi se tagata e faitau le
saunoaga lea a Elder Neal A. Maxwell:
“E moni, e le mafai ona tatou aoao atu ia te Ia soo se
mea! Ae e mafai ona tatou faalogo ia te Ia. E mafai ona
tatou alolofa ia te Ia, e mafai ona tatou faamamalu ia
te Ia, e mafai ona tatou tapua’i ia te Ia! E mafai ona
tatou tausia Ana poloaiga, ma e mafai foi ona
taumamafa pe fiafia i Ana tusitusiga paia! Ioe, o i
tatou o å ua loto galo ma fouvale e le faagaloina lava
e Ia! O i tatou o Ana ‘galuega’ ma Lona ‘mamalu,’ ma
e le faalavelaveina lava o Ia! (tagai Mose 1:39.)
Liahona, Ianuari 1982, 9).
• Faitau le Ioane 19:38–42. Na faapefea ona faaalia e Iosefa
le Arimataia ma Nikotemo lo la faaaloalo i le Alii ?
• Faitau le Mataio 27:59–60. O a mea o loo ta’uina mai
e nei fuaiupu e uiga i le gaua’i atu o Iosefa le Arimataia
i le Faaola.?
• E mafai faapefea ona faaalia lo tatou gauai atu ia Iesu Keriso?
Faaiu i le usuina po o le faitauina o le “E I Ai Se Mauga Lanu
Vao” (Viiga, nu. 108).
Ioane 18:1–13. O le malamalama po o ai i tatou
ma faamoemoega o le olaga e mafai ai ona
tatou maua le lototele e onosaia ai faigata.
(30–35 minute)
A o le’i amataina le vasega, faapipii se faaata i totonu i le pito
i lalo o se atigipusa ona toe tapuni lea. Fai i le vasega o le asõ o le
a latou aoao ai e uiga i se tagata fou. Faamatala o totonu o le atigipusa
o loo i ai se mea e faafaigofie ona iloa ai le tagata lea. Valaaulia
se tagata o le vasega e tilotilo i totonu ina ia iloa ai le mea
lea. Fai i le tagata lea e ta’u i le vasega po o ai le tagata fou. Fesili:
• E faapefea ona e iloaina o oe?
• E te iloaina o ai moni lava oe?
Tusi i luga o le laupapa le saunoaga lenei a Peresitene
Thomas S. Monson:
“ E tatau lava ona tatou manatua po o ai tatou ma
ituaiga tagata o loo faamoemoe le Atua e avea ai
i tatou” (Lipoti Konafesi, Ape. 1994, 67; po o le
Liahona, Iulai 1994, 50).
Fesili i le vasega:
• O ai moni lava i tatou?
• O a ituaiga tagata o loo faamoemoe le Atua e avea ai i tatou?
• E mafai faapefea ona fesoasoani lo tatou talitonu o tatou
o atalii ma afafine moni o le Atua tatou te maua ai le
malosi e fetaia’i ai ma tofotofoga o le olaga?
137
Ia faamanatu le tala i le faalataina o Iesu i le Ioane 18:1–9.
Faitau e le vasega fuaiupu 10–13, ma fesili:
• O a mea na fetalai mai ai Iesu i nei fuaiupu e faaalia ai
na Ia silafia o ia lava ma le mea na finagalo ai le Tama
Faalelagi Na te faia?
• O le a le faailoga o loo i ai i nei fuaiupu e ta’u mai ai sa ia
Iesu le lototele e talia ai lenei faamasinoga matautia?
Ia faitau e se tagata le saunoaga lenei a Elder Russell M. Nelson:
“A o faifai pea lou feagai ma le tele o filifiliga faigata
i le olaga, ia manatua, o loo i ai se puipuiga tele pe
a e iloaina po o ai oe, aisea ua e i ai iinei, ma po o fea
foi e te agai i ai” (Lipoti Koonafesi, Oct. 1990, 97: po
o le Liahona Ianuari, 1990, 75).
I le itu tauagavale o le laupapa, tusi ai Iesu Keriso (Ioane
18:19–24, 28–37). I le itu taumatau tusi ai Peteru (Ioane
18:15–18, 25–27). Tofi le afa o le vasega e suesue ia mau o loo
puipui i tafatafa o le suafa o Iesu, a’o le isi afa e suesue ia mau
o loo i tafatafa o le igoa o Peteru. Fesili i le vaega muamua:
• O a ni faailoga na e mauaina i nei fuaiupu e ta’u mai ai na
silafia e Iesu pe o ai Ia?
• Pe na faapefea ona Ia mauaina le malosi i lea
malamalamaaga?
Fesili i le isi vaega ni fesili faapea e uiga ia Peteru. Fai nisi o
fesili nei pe fai uma foi e fai ma vaega o se talanoaga a le vasega:
• E faapefea i tali a Iesu i e na latou tuua’ia o Ia ona faaalia
ai na silafia lava e Iesu po o ai o Ia?
• Aisea na fanau mai ai Iesu?
• Aisea na pepelo ai Peteru e uiga i le la mafutaga
ma le Faaola?
• E faapefea i mea na tutupu ia Peteru ona faaalia ai atonu
na te le’i malamalama po o ai tonu lava o ia?
• O lea le mea o loo ta’u mai ia i tatou i le Luka 22:60–62
e uiga i se faalogona a Peteru ina ua mae’a ona ia faafitia
faatolu le Faaola?
• O le a sau faalogona pe afai ua e iloa ua e le ausia le mea
e te mafaia?
• E faapefea i le iloaina poo ai i tatou ona fesoasoani
i le faafitauli o le le mafai ona faataunuuina?
Ioane 18-21
Faaiu i le faitauina o le saunoaga lenei a Elder M. Russell
Ballard pe fai ni kopi ma tufatufa i le vasega.
“O le taula’i atu ma ola i mataupu faavae o le fuafuaga
a le Tama Faalelagi mo lo tatou fiafia e faavavau, o le
a mafai ai ona tuu eseese i tatou lava mai le leaga o le
lalolagi. Afai ae taulaina i tatou i le malamalamaaga
moni po o ai i tatou, pe aisea o loo tatou i ai i lenei
fogaeleele, ma poo fea e mafai ona tatou o i ai pe
a mae’a lenei olaga faaletino, e le mafai e Satani ona