O le a le Feagaiga Fou?

Ia faamatala atu ma talanoaina le faamatalaga a Elder Iosefa
Filitia Samita o loo i lalo:
“I le toetutu o le a i ai ituaiga eseese o tino; o le a le
tutusa tino uma. O le tino e maua e se tagata o le a
iloa ai lona tulaga i le olaga a sau. O le a i ai tino
faalelagi, tino faalelalolagi, ma tino telesitila, ma o nei
tino o le a eseese e pei lava o tino o loo iinei. ...O nisi
o le a latou maua tino faaselesitila o loo i ai mana uma o le
faaeaina ma le faatuputupula’ia e faavavau. O nei tino o le
a susulu e pei o le la e pei lava o le tino o lo tatou
Faaola, e pei ona faamatalaina e Ioane. O i latou
e ulufale atu i le malo faaterasitila o le a i ai ni tino
faaterasitila, ma o le a lå susulu e pei o le la, ae o le a
sili atu ona mamalu i latou nai lo tino o i latou
o e e maua le mamalu telesitila” (Doctrines of
Salvation, 2:286–87).
Ia faamatala atu e faapea e ui lava ina o le a toetutu tagata uma
ona o Iesu Keriso, o le a i ai pea le tui o le oti. Ia saili e tagata
o le vasega “le tui o le oti” e pei ona ta’ua i le 1 Korinito
15:55-56. Fesili atu: Pe mafai faapefea ona tui i tatou e le agasala?
Faitau le lapataiga a Peresitene Spencer W.Kimball, e faapea:
“Ua faapea mai Paulo, ‘o le tui o le oti o le agasala
lea,’ o lona uiga afai e oti tagata ia latou agasala, o le
a mafatia i latou i le faasalaga e pei ona faamatalaina
ma o le a latou maua se mamalu e itiiti ifo i afioaga o le
a oo mai (1 Korinito 15:56)” (in Conference Report,
Oct.1978,109; po o le Ensign Nov.1978, 72; ia taga’i foi
i le MFF 42:44–48).
Fesili atu: O le a se mea e tatau ona tatou fai e alo ese ai mai
le tui o le oti? Ia faaiu lau faamatalaga i le faitauina o le
molimau lenei a Peresitene Gordon B.Hinckley:
“O le tiga o le oti ua aveesea i le filemu o le ola
e faavavau. . . .soo se taimi lava e oo mai ai le lima
malulu o le oti, e suluia i le faanoanoa ma le pogisa
o lena itula le manumalo o le tagata o le Alii lea o Iesu
Keriso, ma o Ia le Alo o le Atua, o le ona le mana le
maausia ma le faavavau na faatoilaloina ai le oti. ...
o ia o lo tatou mapusaga, o lo tatou toomaga e toatasi,
pe a ufitia i tatou i le pogisa o le oti a’o alu a’e le
agaga ma tuua na o le tino” (in Conference Report,
Apr.1996, 92; po o le Liahona, Iulai 1996, 73).
Ia molimau atu ua tatalaina e Iesu le faitotoa e tau atu
i le mamalu selesitila mo i latou e agavaa.
191
1 Korinito 15:20–22 (Mau Tauloto). O le a
toetutu tagata uma e ala i le Togiola a Iesu
Keriso. (10–15 minute)
Ia faamaulu lou lima i se totini lima ina ia faataitai atu ai le
manatu e faapea o le agaga e maua ai le ola i le tino faaletino.
Ia aveese lou lima mai le totini lima e faataitai atu ai le manatu
e faapea e taatia le tino e leai se ola pe a leai se agaga. I le
Toetutu o le a toe faatasia le tino ma le agaga, ma o le a le toe
oti pe toe tuu eseeseina.
Ia tuuina atu i tagata o le vasega le suega puupuu lenei:
Mai tagata o loo i lalo, o ai o le a le toetu?
A. Kaino
E. Hitila
I. Iuta le Sekara
O. Lamana ma Lemuelu
1 Korinito 15–16
Ia fai atu i tagata o le vasega e faitau le 1 Korinito 15:20–22 ina
ia iloa ai le tali sa’o. Fesili atu: O le a le uiga o le fuaitau
“faapolopolo o e ua momoe”? (O Iesu Keriso o le ulua’i tagata
lava lea na toetu.)
Ia faaali atu i tagata o le vasega le ata O le tanuga o Iesu
(Mataio 27:57–60, Ioane 19:38–42) (Nu. 62180). Ia tusi lou lima
i le fugalaau ma fesili atu:
• O le a sou manatu i le pogai na tusia ai e le tusiata se
fugalaau i lenei ata e faaalia ai le oti?
• O le a le vaitaimi o le tausaga na toetu ai Iesu? (Tautotogo.)
• Pe ua faapefea ona avea lenei mea ma se faailoga taua
o le Toetutu?
Ia faaiu e ala i le faitauina o le saunoaga lenei a Peresitene
Iosefa F.Samita:
“O tagata uma lava o e ua fananau mai i le faatusa o le
Atua o le a Toetutu nai e ua oti. . . .e ala i le mana
o Iesu Keriso. E le afaina pe sa tatou faia mea lelei po
o mea leaga, pe sa tatou atamamai pe valelea, pe sa
tatou nofo pologa pe sa’oloto, o le a toe tutu a’e tagata
mai le oti” (“the Second Death,” in Brian H.Stuy, ed.,
Collected Discourses: Delivered by President Wilford
Woodruff, His Two Counselors, the Twelve Apostles, and
Others, 5 vols. [1987–92], 4:224–25).
Ia talanoaina le mana na mafai ai e Iesu ona faataunuuina le
Toetutu o e ua oti (tagai Efeso 1:17, 19–20; 1 Peteru 1:20–21). Ia
fai atu i tagata o le vasega e faamatala mai le ala ua avea ai lo
latou malamalama e uiga i le mataupu faavae o le Toetutu ma
mea e maua ai e i latou le agaga faafetai mo le Faaola.