O le a le Feagaiga Fou?

O le Tusi e Lua a Peteru
(i le Conference Report, Oke. 1986, 59; po o le
Liahona, Ian. 1987, 45).
Atonu e te manao e talanoaina ia fesili nei:
• O ai le tagata e ona ia uiga ia o loo faamatalaina mai i le
2 Peteru 1:5–8?
• O ai lea ua aoaoina i tatou ina ia tatou avea faapei o ia?
(tagai 3 Nifae 27:27).
• O le a faapefea ona tatou latalata atu i le Atua i le sailia
o nei uiga?
• Afai tatou te saili e faataitaia nei uiga, o le a faapefea ona
aafia ai a tatou filifiliga i aso taitasi?
Ia molimau atu faapea o le avea faapei o Keriso o se taumafaiga
faifaipea. Tuu atu i tamaiti o le vasega e toe faitau le 2 Peteru
1:8, e faamamafa ai le manaomia ona fuatele mai i le
malamalama ia Iesu Keriso. Fesili atu: E faapefea ona avea le
iloa atili e uiga i le Faaola ma se faamanuiaga nai lo le leiloa o se
mea? Ia faamamafa atu faapea o le iloa atili e uiga ia Iesu Keriso
o le a fesoasoani lea ia i tatou e faataitaia Ona uiga paia.
Tuu atu i tamaiti o le vasega e faitauina le faauigaina o le upu
alofa i le Taiala i Tusitusiga Paia. Atonu latou te mananao
e faailoga ia upu “auala o le fesoasoaniga po o le malosi
faalelagi” ma le “mana e mafaia ai.” Ia faamalamalama atu
faapea o le mana e suia ai ma tofusia ai i le uiga paia e maua
mai lea i lo tatou faalagolago ma le lotomaualalo i le alofa
o le Atua. Tuu atu i tamaiti o le vasega e faitauina le 2 Peteru
1:9–10 ma maitauina ai le eseesega i le va o i latou e le o ia i ia
uiga faaleatua (f. 9) ma i latou o e taumafai ma le maelega ina
ia faataitaia ia uiga (f. 10). Ta’u atu i tamaiti o le vasega e tatau
ona ‘aua ne’i faalotovaivaiina i tatou pe afai e le vave oo mai
nei uiga. Ia fetufaai atu le fautuaga lenei mai ia Peresitene
Iosefa Filitia Samita e uiga i le atoatoa:
“O upu a le Faaola i le Lauga i luga o le Mauga,,
‘O lenei, ia atoatoa ona lelei o la outou amio , e pei o lo
outou Tama oi le Lagi e atoatoa ona lelei o ia’ [Mataio
5:48], ua matuai iloga lava ona faaaogaina sese e isi pe
ua faatapulaa foi lona faaaogaina. Na silafia lelei e
Faaola e le mafai e le tagata i la le tino ona oo atu i le
sili autu o le atoatoa e pei o lona Tama Faalelagi, ae
o iinei i le olaga faaletino o le nofoaga lea e tatau ona
faataatia ai le faavae. Ona tatou faaauau ai lava lea
amioga mama ma lea amioga mama, e le gata i lenei
olaga, ae faapea foi i le faavavau, ma e mafaia lava
e soo e agaga faamaoni ona mauaina lena atoatoa”
(Answers to Gospel Questions, 4:72).
2 Peteru 1:20–21. Ina ia malamalama i tusitusiga
paia, e tatau ona tatou suesueina i latou ma le
Agaga. (10–15 minute)
Ia faaali atu i lau vasega se tusi o loo tusia i se isi gagana ese
lea e le mafai e se tamaitiiti o le vasega ona malamalama. Tuu
246
atu i se tamaitiiti e taumafai e faitau. Faaali atu i tamaiti se
seti o tusitusiga paia ma fesili atu po o le a le gagana o loo
tusiaina ai. E i ai nisi atonu o le a latou fautuaina mai faapea
o le faaEperu, faaEleni, po o le Igilisi. A mae’a ni nai fautuaga
ona faitau lea o le 2 Nifae 32:2–3 ma fesili atu:
• O le a le “gagana a agelu”?
• O le a le mana e tautatala ai ia agelu?
• O fea e mafai ona tatou faitau ai i afioga a Keriso?
Faitau le 2 Peteru 1:20–21 ma faamalamalama atu faapea e ui
lava e moni faapea o tusitusiga paia e faaliliuina mai se isi
gagana i nisi gagana, ae na mua’i faaaliina atu i perofeta e ala
i le mana o le Agaga Paia. Tuu atu i se tamaitiiti o le vasega
e faitauina le saunoaga lenei mai ia Elder Delbert L. Stapley,
o le sa avea ma sui o le Korama a le Toasefululua:
“Afai e tautatala ia perofeta i le mana o le Agaga Paia,
ona moomia lea ona faaliliuina sa’o e le Agaga Paia
ia aoaoga a tagata paia. O lea la, o i latou e le mauaina
le Agaga o le Atua e le mafai ona malamalama i mea
a le Atua” (i le Conference Report, Oke. 1966, 113;
tagai foi 1 Korinito 2:10–11, 14; 2 Nifae 25:4).
Ia talanoaina pe aisea tatou te manaomia ai le fesoasoani a le
Agaga Paia ina ia malamalama lelei ai i tusitusiga paia. Fesili atu
i tamaiti o le vasega e fetufaai atu ni mea na latou aoaoina i le
auala e valaaulia ai le Agaga i a latou suesuega o tusitusiga paia.
2 Peteru 2:1–20. O le ola i le talalelei
e fesoasoani ia i tatou e aloese mai
aoaoga ese. (40–45 minute)
S M T W TH F S
Tusi le faaupuga lenei i luga o le laupapa: Liliuese: O se liliuese
mai le upumoni. Fesili atu: Pe faatatau ea lenei upu i le taimi ua
tuanai, le taimi nei, po o le lumanai? Aisea? Ta’u atu i tamaiti
o le vasega faapea ua lapataiina i tatou e le Alii i auala e mafai ai
ona taitaieseina i tatou mai le upumoni. Fesoasoani ia i latou ia
malamalama e faaaoga e Satani ia auala lava e tasi o le taufaasese
i aso nei e pei ona i ai i taimi o Peteru. Ina ia faatinoina, ia
vaeave le vasega i ni vaega laiti ma tuu atu i ai se fasi pepa. Ia
tofiaina ia vaega taitasi e faitauina se poloka o mau se tasi pe sili
atu foi ma tusi se ata e faailoa mai ai le faaaogaina o lea taufaasese.
E le tau manaomia ona e faaaogaina uma ia poloka o mau.
• 2 Peteru 2:1–2
• 2 Peteru 2:12–13
• 2 Peteru 2:18–19
• 1 Ioane 2:9–11
• Iuta 1:4
• Iuta 1:16
• Iuta 1:19
Ia valaaulia ia vaega e faaali atu a latou ata i le vasega. Faitau
le mau e o faatasi ma ata taitasi ma faamalamalama atu ai le
lapataiga o loo tuuina mai ai.