O le a le Feagaiga Fou?

O le Talalelei e Tusa ma le Faamatalaga a Luka
faaaloalo ia i latou o e ona ni aoaoga atonu tatou te
le talitonu i ai. E ao ona tatou ioe e puipuia aia tatau
a isi o e ua itagia ona o o latou talitonuga.
“Ou te faamanatu atu ia te outou upu nei na saunoa
mai ai Iosefa Samita i le 1843:
“‘Afai sa faaalia ua ou malie ia ou oti mo se
“Mamona,” ua lava foi lo’u lototele ou te tautino atu
ai i luma o le lagi, ua faapea foi ona ou saunia ou te
oti i le puipuia o aia tatau a se Peresipeteriane, se
Papatiso, po o se tagata lelei o soo se isi lava ekalesia;
ona o lea lava mataupu e tasi o le mea e solia ai le aia
tatau o tagata o le Au Paia o Aso e Gata Ai, o le a
solia foi le aia tatau a tagata Katoliko Roma, po o soo
se isi lava ekalesia’ (History of the Church, 5:498)”
(i le Conference Report, Ape. 1995, 94–95; po o le
Liahona, Iulai 1995, 71).
Na tusia e Elder Bruce R. McConkie:
“E ui lava e le ogatasi ma le Agaga moni o Keriso, ae
o lenei ofo a Iakopo ma Ioane e le faapea e matuai
matuitui pe le loto faamagalo foi, e le faapea foi e moni
sona faaleagaga, e pei ona foliga mai ai. Latou te iloa
o le Atua o Isaraelu—o le Iesu lava lea o loo latou
tutu ai i luma—na auina mai le afi mai le lagi i le olega
a Elia ina ia faatalitonuina ai fili a le perofeta anamua.
(2 Tupu 1.) Na latou iloa foi o le Atua alofa foi lava
lea e tasi o le a susunuina e amioleaga i le afi i lona
Afio Faalua Mai. (Malaki 4:1.) O le mea e moomia ona
latou aoaoina e mo lo latou tisipenisione, i lalo o tulaga
sa i ai i lena taimi (ma e mafai ona faatusatusaina i aso
nei), o le savali o le talalelei e tatau ona agai i luma ma
le alofa, onosai, uiga lelei, ma le faapalepale. Ae peitai,
o lo latou ofo atu e suitulaga mo puapuaga na oo i ai
lo latou Matai o se faailoga lea o le tele o lo latou
faatuatua. O ai ni tagata ua liuaina i le amiotonu ma
manumalo i la latou galuega e faamoemoe e auina
mai e le Silisiliese se afi mai le lagi e puipuia ma
faamaoniaina i latou?
“E oo lava i tagata sili ona faamaoni ma maua’i o nisi
lava taimi e fesouaina ai i latou e le agaga o Satani nai
lo le Agaga o le Alii. E ui lava latou te le malamalama
i lona pogai, ae o Iakopo ma Ioane na aafia i le la
talosaga atu e se agaga mai lalo ifo nai lo se Agaga mai
luga” (Doctrinal New Testament Commentary, 1:440).
Ia uunaiina au tamaiti o le vasega e atuinaeina se
faapalepale mo isi.
Luka 9:57–62. O le ositaulaga o se mataupu
faavae taua lea o le talalelei. E tatau ona tatou
naunau e osia soo se ituaiga taulaga ina ia
88
mulimuli ai i a Keriso ma o tatou loto atoatoa.
(15–20 minute)
Faitau atu le tala moni lenei e pei ona faamatalaina ai
e Peresitene Gordon B. Hinckley, a o avea ma se tasi o le Au
Peresitene Sili:
“I le 1856 e silia ma le afe o le au paia, o nisi o i latou
o o outou tuaa, na fetaiai ma ni faigata a o latou sopoia
fanua laugatasi e agai mai [i le Vanu o Sate Leki]. Ona
o le tele o tulaga le talafeagai, na faafaigata ai ona latou
amata. Sa latou afatia i le aisa ma le malulu i mauga
maualuluga o Uaiomi. O lo latou tulaga na faigata
ona aloese mai ai se isi ma na feoti tagata i aso taitasi.
“Na maua le tala e Peresitene Iaga e tusa o lo latou
tulaga fita ae o le a amataina le sauniga o le konafesi
aoao ia Oketopa. Na ia valaauina loa i lea lava taimi
ni vaega o taavale solofanua, ave taavale, ma uta ina
ia faaolatia mai ai le Au Paia. Ina ua taunuu le vaega
muamua ia Matini ma lana vaega, na le lava ni taavale
solofanua e ave ai le au puapuagatia. Na faamalosi
atu le vaega faaola ina ia faaauau pea le malaga..
“Ina ua latou taunuu atu i le vaitafe e ta’u o
Sweetwater ia Novema aso 3, na latou vaaia ni oga
aisa o opeopea i le vaitafe. E tusa ma tulaga na oo i ai
le au malaga faapea ma lo latou vaivai, na foliga mai
ai e faigata ona sopoia le vaitafe. Na foliga mai o le a
latou sopoia le oti pe a latou sopoia lenei vaitafe aisa.
O alii sa malolosi na nonofo ifo i lalo i le eleele ua to’a
ai le aisa, e faapea foi i fafine ma tamaiti. E toatele na
le mafai ona faafeagai ma ia tulaga.
“Ma e ou te faitauina atu ia faamatalaga ia na tusia i
tala faamaumau e faapea: ‘O alii talavou e toatolu e tai
sefuluvalu tausaga le matutua, na o mai e laveai i le
malaga; na maofa i latou na i ai, i lo latou vaaia o nei
tama o latou sii ma ave tagata mamai uma ma sopoia
le vai aisa tele. Sa matua faigata tele ia tulaga ma mea
na oo i ai, ma i tausaga mulimuli ane na feoti uma
lava tama ia ona na mafua mai i le malulu o le vai aisa
na sopoia. Ina ua logo tala ia Peresitene Iaga e tusa
ma lenei tulaga lototoa, na ia tagi e pei o se tamaitiiti,
ma faapea ona tauina atu i le au paia e faapea, ‘o
galuega sa faia e na tama, o le a mautinoa ai lava le
maua e C. Allen Huntington, George W. Grant, ma
David P. Kimball o se faaolataga e faavavau i le Malo
Selesitila o le Atua, o lalolagi e leai se iuga.”’ (Solomon
F. Kimball, Improvement Era, Feb. 1914, p. 288.)” (i le
Conference Report, Oke. 1981, 59–60; po o le Liahona,
Ian. 1982, 78–79).
Fesili atu:
• O le a sou manatu i le osigataulaga a na alii talavou e toatolu?
• O le a se mea atonu na uunaiina ai i latou ina ia laveaiina
na Au Paia?