O le a le Feagaiga Fou?

Na saunoa mai ia Elder James E. Talmage:
“E ui lava e mafai e i latou uma o e sailia ma le maelega
ina ia maua, o le faatuatua o se meaalofa faalelagi. E
pei ona fetaui lona tau ma se penina tautele, o lea ua
tuuina atu ai na o i latou o e faaalia e ala i lo latou
faamaoni lo latou agavaa i ai, ma i latou o e ua folafola
le usitai i ona poloaiga. ... E leai se faamalosi e
faaaogaina i le aumaia o tagata i se malamalama o le
Atua; ae peitai, e pei ona televave ona tatou tatalaina
o tatou loto i aafiaga o le amiotonu, o le faatuatua lea
e tau atu i le ola e faavavau o le a tuuina mai e lo
tatou Tama” (The Articles of Faith, 107).
Fesili atu: O le a le mea e tatau ona tatou faia pe a uma ona
tuu mai le faatuatua? (Faaauau pea ona faafaileleina lo tatou
faatuatua e ala i le suesue, tatalo, ma le usiusitai; tagai
Mareko 9:23– 24; Roma 10:17; 2 Nifae 31:20; Alema 32:28–37;
Helamana 10:4–5.)
Na saunoa mai le Perofeta o Iosefa Samita:
“O le faatuatua e maua mai le lagonaina o le afioga a
le Atua, e ala i le molimau a auauna a le Atua; o lena
molimau e i ai pea le Agaga o valoaga ma faaaliga”
(Teachings of the Prophet Joseph Smith, 148).
Tuu atu i tamaiti o le vasega e tusi o latou lagona e uiga i le
faatuatua i luga o se fasi pepa. Ia valaaulia nisi o tamaiti o le
vasega e fetufaai mai mea na latou tusia.
Mareko 11:15–18 (tagai foi Mataio 21:12–16;
Luka 19:45–48). O le maota o le Alii o se nofoaga
e paia ma e tatau ona tausia ma le faaaloalo.
(30–45 minute)
Faaali atu i tamaiti o le vasega se ata o se malumalu, e lelei
se ata o se malumalu e sili ona latalata atu i lo outou eria,
ma fesili atu:
• O ai o outou ua asiasi atu i se malumalu o le Ekalesia?
• E faapei le savalivali ai i lotoa o le malumalu?
• O le a sou lagona pe afai e i ai ni tamai potu i totonu o lotoa
o le malumalu e faatau ai ia lavalava, meaai, ma isi oloa?
• O le a le mea e faia e fefaatauaiga i le agaga ma le faaaloalo
i le malumalu?
Faitau le Mareko 11:15–17. Ia faailoa atu o le taimi lona lua lea
na faamamaina ai e Iesu le malumalu. Tuu atu ia i latou e
faitauina le taimi muamua i le Ioane 2:13–17 ma faatusatusa i le
tala o loo i le Mareko. Atonu e te manao e fetufaai atu i tamaiti
o le vasega le saunoaga lenei mai ia Elder Bruce R. McConkie:
71
Mareko 7–16
“I le tau amatamataga o lana galuega faalauaitele, i le
taimi o le Paseka, na toatele na vaavaai atu ia Iesu i le
tuliesea lea mai le malumalu o i latou o e na faia
fefaatauaiga i le maota o lona Tama. O lenei, i le
gasologa o le vaiaso mulimuli o lana galuega i la le
tino, na ia siitia mai ai e ia lava le mea na taua e le
Alii o Ieova o loo i le Isaia (Isa. 56:7), ‘E tatau ona
ta’ua lo’u fale o se fale tatalo,’ na ia toe faaalia ai foi
lana aia faalelagi e faamamaina ai e le gata o lona fale
ae o le fale foi o lona Tama” (Doctrinal New Testament
Commentary, 1:584–85;).
Fesili atu: Aisea e taua ai le faaaloalo ma le migao i totonu
o o tatou fale paia uma? Ia fetufaai atu le saunoaga lenei mai
ia Elder Boyd K. Packer:
“Pe a tatou feiloai e aoaoina ia aoaoga faavae o le
talalelei, e tatau ona faia i se agaga o le faaaloalo.
E faatatau i le faaaloalo ma le auala e fetaui ai i faaaliga
lea ou te manao ou te tautala i ai.
“O musumusuga e faigofie ona oo mai i tulaga filemu.
O upu e pei o le filemu, malu, toafimalie, Fesoasoani,
o loo tumu i totonu o tusitusiga paia: ‘Ina soia, ma ia
outou iloa o au lava o le Atua’ (Salamo 46:10;
faaopoopo le faatusilima). Ma le folafolaga, ‘O le
a e maua foi lo’u Agaga, o le Fesoasoani lea, o le a
aoaoina oe i mataupu tau le filemu o le malo’ (MFF
36:2; faaopoopo le faatusilima). ...
“O amio le faaaloalo i totonu o o tatou falelotu e aoga
lea e fai ma faamanatu, a leai o se aoaiga. E tatau i
taitai ona aoao atu faapea o le faaaloalo e valaaulia ai
ia faaaliga” (i le Conference Report, Oke. 1991, 27–28;
po o le Liahona, Ian. 1992, 21–22).
Tuu atu i tamaiti o le vasega e faitau le Mataio 21:12–16 ma
saili ai po o le a le mea na tupu ina ua uma ina faamamaina
e Iesu le malumalu. Faaaoga le saunoaga lenei mai ia Elder
James E. Talmage mo se fesoasoani:
“O Lona toasa na mulimuli mai ai le toafilemu o le
galuega agamalu; o iina i lotoa mama o Lona maota,
na o mai ai ia e tauaso ma pipili e saili ia te Ia, ma Ia
faamalolo ia i latou. O le ita o faitaulaga sili ma
tusiupu sa faasagasaga ia te Ia; ae sa le aoga lea. Sa
latou folafolaina Lona maliu, ma faia ni taumafaiga
faifaipea ina ia maua ai o Ia, ma o iina sa nofo ai o Ia
i le vaega tonu lava sa latou faia ai le faamasinoga,
ma sa latou fefefe e fetagofi atu ia te Ia ona o tagata
lautele, . . . ‘aua sa naunau uma tagata e faalatalata
atu ia te ia.’” (Jesus the Christ, 528–29).