O le a le Feagaiga Fou?

O GALUEGA A LE AU APOSETOLO
Tusitala: O Luka na tusia ia Galuega a le au Aposetolo (tagai
i le faaulutala i le tusi a Luka i. 72). Na ia tusia ia Galuega o se
tala faasolo o lana evagelia (tagai Luka 1:1–4; Galuega 1:1). I
le evagelia a Luka na ia molimau ai i le fanau mai, le soifuaga,
le maliu ma le Toetu o le Faaola. O le tusi o Galuega e faaopoopo
i ai galuega a Aposetolo a le Alii i le folafolaina atu o le savali
o le talalelei i le lalolagi atoa. (tagai Galuega 1:1–8; tagai foi
Taiala i Tusitusiga Paia “Galuega a le Au Aposetolo” “Luka.”
O E o Loo Tusi i Ai: Na tusi Luka i se tagata e igoa ia Teofilo
atonu o se tagata taua i le malo o Roma. E ui o le Galuega, e pei
o le tusi a Luka, e foliga o loo faapitoa mo se tagata e toatasi,
o i latou uma e faitauina ma le mae’ae’a ia tusitusiga a Luka o le
a mauaina se faateleina o lo latou malamalama i le talalelei.
Talaaga Faasolopito: O mea o loo faamatalaina i le Galuega na
tutupu i totonu o se periota pe tusa ma le tolusefulu tausaga
a’o tuputupu a’e le Ekalesia ma oo atu i vaega o le lalolagi sa
pulea e le malo o Roma. O le tusi e faapitoa i le talaiga a Peteru
ma Paulo. O Luka sa avea ma soa a Paulo mo ni tausaga se tele
ma o le tele o tusitusiga i le Galuega e faatatau i le femalagaa’i
o Paulo i ana talaiga. Na faai’uina ia Galuega pe tusa o le T.A.
62 i se Tala i le talaiga a Paulo a o faafalepuipuia o ia.
Autu: O le Galuega e 1:8 o le auivi atoa lena o le tusi o Galuega
o loo faamatalaina ai ia galuega tala’i faaaposetolo i Ierusalema,
(mataupu 1–7), Iutaia ma Samaria (mataupu 8–9) ma “itu pito
i mamao o le fogaeleele” (matupu 10–28).
O Aposetolo na latou faataunuuina a latou talaiga ina ua
mae’a ona latou “mauaina le mana mai luga” (Luka 24:49),
po o se isi faaupuga o le faaeeina i ai le Agaga Paia. O se
saunoaga lenei a Peresitene Ezra Taft Benson, a o avea o ia ma
Peresitene o le Korama a le Au Aposetolo e Toasefululua:
“Afai e i ai se savali ua ou ta’u atu soo i ou uso o le
To’asefululua, o le logo atu lea o le Agaga le mea taua. O le mea
e taulia o le Agaga. Ua ou le mautinoa pe ua faafia ona ou faia
nei upu, ma ou te le vaivai ai i le faia pea—o le mea e sili ona
matua taulia o le Agaga” (tautalaga i se semina mo peresitene
o misiona, 3 Aperila. 1985, Taiala mo Faifeautalai: Aoaoga mo
Faifeautalai [1988], 73).
140
Faatomuaga
Galuega 1–2
Mo se periota e fasefulu aso, na asia ai e Keriso i lona tino
toetu ia Lona Au Soo ma talanoa ma i latou “i mea e faatatau
i le malo o le Atua” (Galuega 1:3). O uluai mataupu o le
Galuega e fesoasoani i lo tatou malamalamaaga i le malosi na
oo i olaga o ta’ita’i anamua o le Ekalesia e ala mai i le misiona
a Keriso ma faatinoga a le Agaga Paia. O nei mataupu ua
fofolaina mai ai le tala o le talaiga o le talalelei e Aposetolo
ma lo latou faatuina o le Ekalesia i Ierusalema a’o saunia e le
Alii ia avefeau e tala’i i le mau tagata ua fia faalogo.
Suesue ma le agaga tatalo le Galuega 1–2 ma manatunatu
i mataupu faavae nei a’o le’i saunia au lesona.
O ni Mataupu
Faavae o le Talalelei e te Sailia:
• E toatele ni tagata o le Ekalesia anamua na molimauina le
Alii i le tino toetu (tagai Galuega 1;1–3; Tagai foi i le
1 Korinito 15:5–8)
• O le a folafolaina atu le talalelei i “itu uma o le lalolagi”
(Galuega 1:8) e ala atu i le mana o le Agaga (tagai Galuega
1:4–8; 2:14–47; tagai foi i le Mamona 9:22; MFF 1:4).
• I le toe Afio Faalua Mai, o le a toe afio mai ai Iesu i le auala
lava e tasi pei ona ia tuua le lalolagi (tagai Galuega 1:9–11;
MFF 45:44–52).
• O Aposetolo o e ua faauuina e avea ma molimau i le paia
ma le mamalu o Iesu Keriso. O avanoa i le Korama a le
Toasefululua e faatumuina pei ona faatonu mai e le Alii
(tagai Galuega 1:15–26; tagai foi i le Galuega 4:33).
• O le meaalofa o le tautala i gagana o le meaalofa a le Agaga
ma e fesoasoani i galuega faafaifeautalai (tagai Galuega
2:1–12; tagai foi MFF 46:24–26).
Fautuaga mo le Aoao Atu
Filifili mai i aitia nei pe faaaogaina ni au lava, a o e saunia
lesona mo le Galuega 1–2.
Galuega 1–10. I le suesueina o le olaga o le
Aposetolo o Peteru, o le a tatou mautinoa ai pe
faapefea ona faatonutonuina e le Alii ia gaoioiga
a le Ekalesia e ala atu ia Peteru. (20–25 minute)
O nisi o le vasega latou te manatuaina Peteru o lå na faafitia
faatolu le Faaola, ae galo ai le tele o mea silisili na faia [e Peteru].