O le a le Feagaiga Fou?

Mataio 1:1–17 (tagai foi Luka 3:23–38). O le
iloaina o o tatou gafa ma le mea na tatou omai
ai e taua tele. (10–15 minute)
Ia valaaulia ni nai tamaiti o le vasega e o mai i le laupapa ma
otooto mai o latou gafa. Ia vaai po o ai e mafai ona tele ni
augatupulaga na te lisiina mai. Pe talosaga atu foi i ni nai
tamaiti o le vasega e faamatala atu se mea uiga ese i se tasi
o loo i le talafaasolopito o lo latou aiga. (Talu ai ona o lenei
lesona o le a faia i le amataga o le tausaga, afai e te le’i maua
le avanoa e faailoa atu ai ia tagata o le vasega, atonu o se
auala lelei lava lenei e faia ai. Ia valaaulia uma au tamaiti o le
vasega e faamatala atu o latou igoa ma faamatala faapuupuu
atu se tasi o o latou augatuaa.) Faamatala atu se tala puupuu
mai lou lava talafaasolopito lea e faaalia ai le matagofie
e mafai ona oo i ai le sailia o talafaasolopito o aiga.
Ia faamalamalama atu na amataina e Mataio lana molimau
e ala lea i le tusia i lalo o le gafa o Iesu Keriso. Fai atu i
tamaiti o le vasega e faitau vave le Mataio 1:1–17 e saili ai ia
igoa latou te iloaina i le gafa o le Faaola (mo se faataitaiga,
Aperaamo, Isaako, Iakopo, Ruta). Fesili atu:
• O ai na sailia i ai e Mataio le gafa o le Faaola?
• O ai tagata e toalua ia o loo i le gafa o le Faaola o loo taulai
i ai ia Mataio?
• O a ituaiga taitai sa i ai ia Tavita ma Aperaamo? (O se tasi
na avea ma se tupu, o le isi o se perofeta.)
• Aisea e taua ai le avea o Iesu Keriso ma suli e le gata mai
se taitai faalemalo ae o se taitai faalelotu o Isaraelu?
Fai atu i tamaiti o le vasega e faitau le Faaaliga 19:16 ma
mafaufau pe faapefea ona mafai ona faatatauina ia igoa o loo
faaaoga i lenei fuaiupu e faamatalaina ai le Mesia e le gata
o Ia o se taitai faalemalo ae o se taitai faalelotu.
Ua maua e tamaiti le fafine lea sa ta’ua i le Mataio 1:5 ma
le Ruta 1:4.
• O fea le nuu e sau ai lenei augatuaa o Iesu?
• O le a lona atunuu?
Faamatala atu i tamaiti o le vasega faapea o Iesu Keriso e i ai
ni ona augatuaa o e sa lototoa faapea ma isi na gauai atu i
faaosoosoga. Ia mafaufau i le tuuina atu o fesili nei:
• O le a se taua o le fanau mai i totonu o se aiga ua
augatupulagã o i ai i totonu o le Ekalesia?
• O a ni tulaga lelei o loo i ai iina i le i ai o ni
augatuaa amiotonu?
• O a ni aafiaga o ni mea sese a o tatou augatuaa i lo tatou
malosiaga e faia le mea sa’o?
Mataio 1:18–23. O Iesu Keriso o le alo paia
o le Tama Faalelagi ma Maria. O Maria na
ia maua mai ai Lona soifuaga faaletino, lea na
faatagaina ai ona Ia maliu. Mai Lona Tama
Faalelagi na Ia maua mai ai le ola pea ma le
mana e toetu ai. (10–15 minute)
S M T W TH F S
21
Tusi ia fuaitau nei, e aunoa ma ni mau e faatatau i ai, i luga
o le laupapa:
Anapogi mo aso e fasefulu (Esoto 34:28)
Faamaloloina e mama’i (2 Tupu 5:10–14)
Faateleina meaai (1 Tupu 17:10–16)
Savali i luga o le vai (Mataio 14:25–29)
Faatuina e ua oti (3 Nifae 19:4)
Sa faamuina ma fasiotia
ona o le upumoni (Mosaea 17:13, 20)
Fai atu i tamaiti o le vasega po o le fea vavega o loo lisiina i luga
o le laupapa e patino i le Faaola. Fesoasoani i tamaiti o le vasega
e taliina le fesili mo mea taitasi e ala lea i le faaaliina atu ia
i latou o se ata o se perofeta o loo faia lena vavega po o le oo
foi i lena tulaga pe faitau atu i ai ia mau o loo tusia atu i luga.
Fesili atu: Afai na faia e isi nei foi vavega, na faapefea ona ese
mai ai ia Iesu? Faitau le Mosaea 3:7 ma le Alema 34:8–10 e saili
ai po o le a le mea na faia e le Faaola e le’i mafaia e se tasi ona
fai. Faitau le Mataio 1:18–23 ma le Luka 1:32, 35 ma saili ai po
o le a le mea na Ia maua ai le malosiaga e faia ai le Togiola.
Ina ia fesoasoani i tamaiti e vaai faalemafaufau i lenei mataupu
faavae, ia tusi le ata lenei. Fesoasoani i tamaiti o le vasega ia
malamalama o Iesu o le alo moni lava o le Atua, ma o lona
malosiaga e faataunuuina ai le Togiola ma aumaia ai le Toetu
o ni faamaoniga ia o lona avea ma alo paia.
Atua le Tama
Ola pea
(pulea le oti)
Iesu Keriso
Mataio 1–2
Maria
Faaletino
(oo atu ai i le oti)
Mataio 1:18–25. O ni uiga patino e avea ai ma ni
matua lelei. (10–20 minute)
Fai atu i tamaiti o le vasega se toalua e faamatala mai se uiga
latou te fiafia ai i o latou matua. Ia valaaulia se tama po o se
tina o se tamaitiiti o le vasega e sau i le vasega ma tautala atu
mo le tolu i le lima minute ma faamatala atu o latou lagona ina
ua fanau mai se la tamaitiiti, faamatala atu pe faape’∏ foliga o le
tamaitiiti a o pepe, ma faailoa atu lo la alolofa mo le tamaitiiti.
(Afai foi e maua, ia faaaoga se telefoni e valaau atu ai i nisi
matua ina ia faia foi le mea lava lea e tasi. Pe fai atu foi i nisi
matua e tusi mai pe pu’eina foi i se laau pu’eleo-po o le vitio,
ona fetufaai atu lea o tali a matua i le vasega.)
Ia valaaulia tamaiti o le vasega e lisi atu uiga o se matua lelei.
Vaevae le vasega i ni vaega se lua. Fai atu i le isi afa e faitauina
le Mataio 1:18–25 e sailia ai uiga lelei o Iosefa i le avea ai ma
se tane ma se tama. Ia valaaulia le isi afa e faitauina le Luka
1:28–30, 38, 46–55 e sailia ai uiga lelei o Maria.
Faitau le Roma 8:16–17 ma saili ai lo tatou sootaga ma lo
tatou Tama o i le Lagi a o taitaiina ai i tatou e Lona Agaga.