O le a le Feagaiga Fou?

O le Talalelei e Tusa ma le Faamatalaga a Mataio
• E tusa ai ma nei fuaiupu, o le a le mea o loo faalagolago i ai
le tausiga o i tatou e le Alii?
• O le a sou lagona i lou iloaina lea o le a sa’o ma faamaoni
le Alii?
• E mafai faapefea e le malamalama i lenei mataupu faavae
ona aafia ai le auala tatou te taulimaina ai isi tagata?
Mataio 5:14–16 (Mau Tauloto tagai foi Luka
8:16; 11:33). E tatau ona tatou mulimuli i le
malamalama o Keriso ma ia faailoa atu lena
faataitaiga ina ia faaali atu ai i isi le auala e o
mai ai ia Keriso. (10–15 minute)
Tapå uma moli o loo i totonu o le potu ae ki se moliuila. Fai
atu i tamaiti o le vasega ina ia latou manatunatu e pei lava o
loo latou i ai i totonu o se ana um∏ lava ma e na o le pau le
auala e saili ai lo latou auala i fafo o le malamalama lea o lau
moliuila. Ia valaaulia tamaiti o le vasega e faitau le Mataio
5:14–16 a o e uuina le moliuila i luga o le tusi.
• E faapefea ona faatusatusa le malamalama o le moliuila
i totonu o le ana i le malamalama o loo i ai i nei fuaiupu?
• E mafai faapefea e a tatou faataitaiga ona aafia ai isi e pei
ona taitaiina e se moliuila i latou o loo i le pouliuli?
Faaaoga fesili nei e fesoasoani ai i tamaiti aoga ia malamalama
o Iesu Keriso o le pogai lea o le malamalama lea e tatau ona
tatou mulimuli atu i ai:
• Faitau le Moronae 7:16–17. O le a le mea lea o loo fananau
mai ma tagata lea latou te maua ai se lagona o le sa’o ma
le sese?
• E tusa ai ma le Mataio 5:14–16, o le a le malamalama lea e
oo mai i olaga o tagata amiotonu ma aafia ai isi mo le lelei?
• Faitau le Mataupu Faavae ma Feagaiga 88:5–13. O ai le
pogai o le malamalama?
• Faitau le 3 Nifae 15:12. O ai Na te fetufaai atu i ai
lena malamalama?
Ta’u atu i tamaiti o le vasega, afai tatou te maua le malamalama,
ua ia te i tatou le tiutetauave o le faasusuluina atu lea i isi. Ae
tatau ona ‘aua ne’i galo ia i tatou le e ana le malamalama lea e
ao ona tatou faasusulu atu i le lalolagi. Na faamalamalama mai
e le Faaola, “Faauta, o a’u o le malamalama tou te sisii i luga”
(3 Nifae 18:24). Fesili atu: E faapefea ona aafia isi i a tatou faataitaiga?
Faitau le Alema 39:11 ma vaai ai pe na faapefea ona
aafia isi i faataitaiga a Korianetona. Ia valaaulia tamaiti o le
vasega e fetufaai atu ni mea na tutupu i tagata na oo i ai ni
aafiaga lelei po o ni aafiaga leaga ona o faataitaiga a isi. Fesili
atu: E tusa ai ma le Mataio 5:16, afai e vaai mai isi i a tatou
galuega lelei, o ai e tatau ona latou naunau e mulimuli atu i ai?
Mataio 5:21–48 (tagai foi Luka 6:29–36). Na
faataunuuina e Iesu Keriso le tulafono a Mose
30
ma toefuataiina le atoatoaga o le talalelei, ma
aumaia le tulafono maualuga. (10–15 minute)
Aumai ni poloka taalo a tamaiti i le vasega. Tusi i luga o le
laupapa le Ua faataunuuina e Keriso le tulafono a Mose ma aumaia
se tulafono maualuga. Ia valaaulia se tamaitiiti o le vasega e
faaaoga ia poloka taalo e fausia ai se mea e foliga i le faaupuga
o loo i luga o le laupapa ona faamalamalama atu lea pe faapefea
ona faatatau i le faamatalaga. (Mo se faataitaiga e mafai e se
tamaitiiti ona fausia se faavae e faatusa i ai le tulafono a Mose
ae o le isi vaega uma o le fale e faatusa i ai le tulafono maualuga
a Keriso.) Faitau faatasi ma tamaiti o le vasega le Mataio 5:21– 48
ma saili ai ia faataitaiga o le faaopoopoina atu e Keriso o
tulafono fou i tulafono na Ia faavaeina e ala mai ia Mose. Tusi
i luga o le laupapa mea na e mauaina (faaaoga le siata o loo
auuina atu faatasi e tagatagai i ai).
O le Tulafono Tuai a Mose O le Tulafono Fou a Keriso
Aua e te fasioti tagata
(tagai Esoto 20:13)
Aua e te mulilua
(tagai Esoto 20:14)
Aua ne’i faatete’aina se
ulugalii e aunoa ma se tusi alei
(tagai Teuteronome 24:1–2)
Aua ne’i solia ni tautoga na
faia i le suafa o le Alii
(tagai Numera 30:2)
Faamasinoga—sui le mata i le
mata (tagai Levitiko 24:20)
Alofa i lou tuaoi
(tagai Levitiko 19:18)
Aua e te ita (tagai Mataio 5:22)
Aua ne’i i ai ni ou manatu
manaonao (tagai Mataio 5:28)
Aua ne’i tete’a se’i vagana
ua mulilua (see Mataio 5:32)
Aua ne’i faia ni tautoga;
ua lava lau upu
(tagai Mataio 5:34–37)
Alofa—liliu le isi alafau
(tagai Mataio 5:39–42)
Alofa i lou fili
(tagai Mataio 5:44–47)
Fesili atu i tamaiti o le vasega: E fia ni tulafono a Mose o loo
tatou talitonu pea i ai ma faaaogaina? Faitau le Mataio 5:48
ma fesili atu: E faapefea ona faatatau le tulafono fou lea na
faatuina e Keriso i le avea ma se tagata atoatoa?
Mataio 6:1–23. E le tatau ona tatou mitamita
i a tatou galuega. (15–20 minute)
Feula se paluni mo le vasega e aunoa ma le nonoaina. Ta’u atu
i tamaiti o le vasega e te manao e faaali atu ia i latou le ‘ea o loo
i totonu o le paluni. Faaalu le ‘ea i fafo. Fesili atu: O le a le aoga
o se paluni pe a leai se ‘ea i totonu?
Ta’u atu i tamaiti nisi o mea e sili atu ona taofiofia ia i tatou
ae aua ne’i fetufaaiina atu i isi. Ia valaaulia tamaiti o le vasega
e faitauina le Mataio 6:1–4 e uiga i mea alofa, fuaiupu 5–7
e uiga i le tatalo, ma le fuaiupu 16–18 e uiga i le anapogi.
Ia talanoaina fesili nei:
• E faapefea ona avea le faaalia o uiga amiotonu e pei o le
faaaluina i fafo o le ‘ea o se paluni?
• E faapefea ona aafia lo tatou foai atu i e matitiva, tatalo, po
o le anapogi i lo tatou faalialiavale?