O le a le Feagaiga Fou?

Ia faamalamalama atu faapea o le Ekalesia i le taimi o Peteru
sa feagai ma le liliuese. Sa sauaina le Au Paia e le gata ai tagata
e le o ni Kerisiano ae faapea foi i nisi lava tagata i totonu o le
Ekalesia o ua na latou tuua le upumoni ma teenaina ia taitai
o le Ekalesia. O nei tagata liliuese na matuai sili ona matautia
i tagata fou o e e mu’amu’a a latou molimau. E le faapea la ua
aunoa i tatou ma nei foi ituaiga fili i aso nei. Ia fetufaai atu le
saunoaga lenei a Peresitene Gordon B. Hinckley:
“E pei lava ona mautinoaina o le galuega lenei a le Alii,
o le a faapea ona i ai foi ia faafeagai. O le a i ai i latou,
atonu e le toatele, o e o le a i ai ni a latou faaupuga
taufaasese ma fuafuaga atamamai o le
a faasalalauina ai le masalosalo ma saili e ta’ufaatauvaaina
le faavae na faavaeina ai lenei galuega. O le
a na so sina vaitaimi lava e lauiloa ai i latou. O le a na
o sina vaitaimi e faamaonia ai i latou e le au masalosalo
ma manatunatuga ma faitioga. Ae o le a galoma atu
lava ma o le a faagaloina e pei ona sa latou i ai i le
taimi ua tuanai” (i le Conference Report, Ape. 1994,
76; po o le Liahona, Iulai 1994, 60).
Fesoasoani i au tamaiti o le vasega ia malamalama e mafai ona
tatou aoaoina ina ia tetee atu i le liliuese e ala lea i le faitauina
o mea na oo i ai le Au Paia i taimi o Peteru. Tusi mau nei i luga
o le laupapa:
• 1 Ioane 2:4–5
• 1 Ioane 2:15
• 1 Ioane 3:9–10 (tagai foi FIS, 1 Ioane 3:9)
• 1 Ioane 4:7–10
• Iuta 1:20
Ia tofi ni tamaiti eseese e faitau leotele se tasi o poloka o mau
mai le laupapa, e vaai ai po o le a le mea o loo aoao mai ai
e uiga i le aloese mai le liliuese. A maea ona latou faitauina le
fautuaga, ona tuu atu lea ia i latou e o mai i luga o le laupapa
ma tusi i lalo mea na latou mauaina e soo atu i le mau sa latou
faitauina. Ia talanoaina pe mafai faapefea e le ola ai i le talalelei
ona faamalosia se tagata e tetee atu i le faaseseina. Faitau atu
le fautuaga a Elder Marvin J. Ashton:
“I o tatou aso nei ua toatele naua i latou o e ua luluina
ia fatu o le felotoai ma le feaina’i. Faatasi ai ma
upumoni ma tuuaiga sese, ua latou matuai galulue ai
lava e taitaiina atu tagata o le Ekalesia a Iesu Keriso i le
liliuese. ... O i latou o e ua matuai mausali lo latou
tautinoga i le ola ai i le talalelei a Iesu Keriso o le a le
faafenumiaiina, lofituina ai, pe taitaiseseina ai” (i le
Conference Report, Oke. 1983, 89; po o le Liahona, Ian.
1984, 63; tagai foi Mosaea 23:14).
Ia molimau atu o le ola ai i le talalelei e fesoasoani ia i tatou ia
iloa ma aloese mai aoaoga ma faiga taufaasese.
247
2 Peteru 2:20–22. Afai tatou te iloa e moni le
talalelei ma toe liliuese mai a tatou molimau, ua
sili atu ona leaga i tatou nai lo lo tatou leiloaina
o le upumoni. (15–20 minute)
Aumai se ipu pesini o loo i ai ni palapala ma ni tamai ipu ‘ai se
lua o loo i ai ni keke, falaoa, po o nisi meaai lea e mafai ona ‘ai
i lima. Ia valaaulia ni tamaiti o le vasega se toalua e o mai i luma
o le vasega. Tuu atu i se tasi o i laua e fai ni polo i le palapala.
Ia saunia se auala e fufulu ai o la lima. Ona tuu atu lea i se tasi
o i laua e fai se isi polo i le palapala. Ia tuu atu se ipu mea’ai
ia i laua uma ma valaaulia e ‘ai loa. Fesili atu: O le fea tamaitiiti
o le vasega o loo mafai ona lelei le tulaga e ‘ai ai? Aisea?
Filifili se tamaitiiti o le vasega e faitau le 2 Peteru 2:20–22. Ia
valaulia isi tamaiti o le vasega e faalogo a o faitau tamaiti o le
vasega ma sii o latou lima pe a latou vaai atu loa e fesootai
ma le lesona faatino. Fesili atu:
• O le a le mea e mafai ona tatou faatusatusaina i ai le
tamaitiiti o loo eleelea ona lima?
• O le a le mea e mafai ona tatou faatusaina i ai le tamaitiiti
o loo mama ona lima?
• Aisea e sili atu ai ona tatou leaga i le toe foi atu i le agasala
pe a ua uma ona salamo mai ai?
Ia faamamafa atu faapea na lauga atu ia Peteru i tagata o le
Ekalesia o e na latou iloa le talalelei. Tuu atu i tamaiti o le vasega
e faitau lemu le Alema 24:30 ma le Mataupu Faavae ma Feagaiga
82:3. Ia valaaulia i latou e faamalamalama atu pe faapefea ona
avea nai fuaiupu ma faamalosi i le aoaoga a Peteru. Ia fetufaai
atu le lapataiga a Peresitene Spencer W. Kimball:
“Pe a uma ona mauaina o sauniga tatau ai mo le
faaolaina e ia i le papatisoga, meaalofa o le Agaga Paia,
sauniga o le malumalu ma faamauga faalemalumalusa
—e tatau ai i se tasi ona tausia e ia o feagaiga uma na
osia ai. E tatau ona tumau o ia i le faatuatua. E tusa
lava pe o le a le lelei o galuega na auauna atu ai
epikiopo po o le peresitene o le siteki, po o se isi tagata
ae afai o le a toe sese mai ai o ia i se taimi mulimuli
ane, ma le toe mafai ona ai o ia i le amiotonu ‘seia oo i
le gataaga,’ o lona uiga e leai se aoga o galuega lelei
uma na ia faia. O le mea moni lava, o se tasi o le ua
auauna atu ae tei ua toe liliuese mai ai e mafai ona
faatusaina o ia i le vaega lea, e pei ona taua e Peteru,
‘ua toefoi le uli i lona lava puaiga.’ (Tagai 2 Peteru
2:22.)“ (O le Vavega o le Faamagalo Atu, 121).
Ia faaiu i le talanoaina o fesili nei:
2 Peteru 1–3
• Talu ai ona e sili atu le le faalogo i le talalelei nai lo le
faalogo i ai ona toe foi lea i a tatou agasala, aisea la tatou te
tuu atu ai i lea tulaga matautia?
• O le a le mea ua ofoina mai e le talalelei lea e aoga ai le
tauaveina o lea tulaga matautia?