O le a le Feagaiga Fou?

O le Talalelei e Tusa ma le Faamatalaga a Mareko
Faaali atu i tamaiti o le vasega ia ata o loo auina atu faatasi
(o se ata atoa o loo i le faaopoopoga, i. 299). Fesili atu:
• O le a se mea e tutusa ai nei ata?
• E faapefea ona pei le faamamaina o le malumalu o le
faamaloloina o le tino i ma’i faaletino?
• E faapefea ona pei o le faamaloloina o o tatou ma’i
faaleagaga? (tagai 1 Korinito 3:16–17; 6:19).
Faitau faatasi ma au tamaiti o le vasega le Moronae 10:32–33
ma uunaia i latou ina ia “o mai ia Keriso” ma ole atu ia te Ia
ina ia faamamaina i latou e pei ona Ia faamamaina le
malumalu i Ierusalema.
Mareko 12:41–44 (tagai foi Luka 21:1–4). Ina ia
avea faapei o Keriso, e tatau ona tatou aoaoina
ia ositaulaga. (20–25 minute)
Fai atu i au tamaiti o le vasega e mafaufau faapea o lo latou
aso fanau lenei ma o nisi e toalua o a latou uo ua tofu ma
meaalofa ua tuuina atu. Na tuu atu e le tasi ia te oe le $20 ae
o le isi na tuuina atu se meaalofa e le atoa se $2 o lona tau.
• O le fea meaalofa o le a sili ona faagaeetia ai oe?
• Pe i ai ea se eseesega pe afai o le tagata na tuuina atu ia te
oe le $20 e mauoloa ma e leai se osigataulaga na alu ai?
• Pe i ai ea se eseesega pe afai o le tagata na tuuina atu ia te
oe se meaalofa $2 e matuai mativa lava ma ua misia lana
meaai o le aoauli na faasaosaoina mo le tele o vaiaso ina ia
mafai ona faatauina ai se meaalofa?
• O le fea uo na sili ona tele mea na ia tuuina atu?
Faitau le Mareko 12:41–44. Ia faailoa atu faapea o le tupe lea
e ta’ua i le mau lenei o le “tupe iti” o le tupe pito i laitiiti lava
lea sa faaaogaina i lea vaitaimi. Fesili atu:
• E faapefea ona pei nei fuaiupu o le tala i uo e toalua?
• O ai lea na fetalai Iesu na sili mea na ia lafo, o i latou ea
e “toatele o e mauoa” po o le fafine mativa ua oti lana tane?
Ia fetufaai atu le saunoaga lenei mai ia Elder James E. Talmage:
72
“I faamaumauga o loo tusia e agelu, e fuafuaina e tusa
ai ma le faafuainumera a le lagi, o mea e tusia e fuafua
i le taua nai lo le aofaiga ma o aoga e fuafuaina i le
gafatia ma le faamoemoega. O e mauoa na tele mea
na tuuina atu ae sili atu mea na teuina; ae o le
meaalofa a le fafine ua oti lana tane na ave uma lava.
E le o le laitiiti o lana taulaga na talia faapitoa ai, ae o
le agaga o le taulaga ma le faamaoni o le naunautaiga
sa ia tuuina atu ai. I tusi a le au tausi tusi faalelagi o
le foai a le fafine ua oti lana tane sa tusia o se
meaalofa na tuuina mai ma le matamau, e sili atu
lona taua nai lo meaalofa a tupu. ‘Aua sa i ai le
mafaufau, na taliaina e tusa ai ma le mea ua maua e
le tagata, ae le tusa ai ma mea na te le’i maua’ [2
Korinito 8:12]” (Jesus the Christ, 561–62).
Ia talanoaina faatasi ma au tamaiti o le vasega pe mafai faapefea
ona faaaogaina le savali o le tala i le tupe iti a le fafine ua oti
lana tane i meaalofa tatou te tuuina atu i le Alii i aso nei. Ina
ia fesoasoani i au tamaiti o le vasega ia malamalama i le taua
o le ositaulaga, ia talanoaina fesili nei:
• E mafai lava e le Alii ona faataunuuina Ona faamoemoega
e aunoa ma ni tupe ia tatou te tuuina atu i taulaga. Aisea
ua Ia moomia ai ona tatou ositaulaga ina ia fesoasoani ai
i le fausiaina o le malo?
• E faapefea ona fesoasoani lau osigataulaga i le malo?
• O le a se mea a lau osigataulaga e faia mo oe?
• O le a le mea a le osigataulaga e faia i le faatuatua i le Alii?
Ia faaiuina i le saunoaga lenei mai Lectures on Faith (Lauga i le
Faatuatua), na tuufaatasia i lalo o le taitaiga a le Perofeta o
Iosefa Samita:
“O se tapuaiga latou te le faatulafonoina le taulagaina
o mea uma ua le lava le mana ua i ai e faatupu ai le
faatuatua tatau ai mo le ola ma le faaolataga; aua talu
mai le soifuaga muamua o le tagata, o le faatuatua
e tatau ai mo le fiafia i le olaga ma le faaolataga, e le
mafai lava ona maua e aunoa ma le taulagaina o mea
uma faaletino. O le ositaulaga lenei, ma e na o le pau
lava lenei, ua faauuina e le Atua ina ia tatau ai i tagata
ona olioli i le ola e faavavau” (Lectures on Faith, 69).
Mareko 13 (tagai foi Mataio 24; Luka 12:37–48;
17:20–37; 21:5–36). Na aoaoina e Iesu Ona soo
e uiga i aso mulimuli ma Lona Afio Faalua Mai.
(5–10 minute)
O le vaega lenei o le tala a Mareko o loo matuai auiliiliina lona
tusiaina i totonu o le Mataio 24 aemaise lava i le Faaliliuga