O le a le Feagaiga Fou?

O le Tusi Muamua a le Aposetolo o Paulo i Korinito
1 Korinito 15:29 (Mau Tauloto) E mafai ona
tatou fesoasoani atu ia i latou o e ua oti
ina ia maua le faaolataga e ala i le papatisoina
mo i latou. (10–15 minute)
Ia fesili atu i tagata o le vasega e ta’u mai se sauniga o le
Ekalesia e leai se isi lava ekalesia o faia ae peitai o loo ta’u
manino mai lava e le Tusi Paia. Ia faitau e i latou le 1 Korinito
15:29 mo le tali. Fesili atu:
• O le a se mea e ta’u mai i lenei fuaiupu ia i tatou e uiga
i le Ekalesia a Iesu Keriso i le taimi o Paulo?
• Aisea tatou te faia ai papatisoga mo e ua oti?
Ia faitau e tagata o le vasega mau o loo i lalo ma saili mo tali
i le fesili mulimuli: Ioane 3:5; 1 Peteru 3:18–20; 4:6; Mataupu
Faavae ma Feagaiga 124:28–31. A maea ona faitauina mau,
atonu e te manao e tuuina atu faamatalaga o loo i lalo. Sa
saunoa mai perofeta o Iosefa Samita:
“O tagata uma ua papatisoina ma ua avea ma tagata
o le malo ua ia te ia le aia e papatiso ai mo i latou
o e ua mavae atu; ma o le taimi lava e usiusita’i ai
a latou uo i le tulafono o le Talalelei iinei, o i latou ia
o e e galulue mo i latou, o loo i ai auauna a le Alii
iina e faasaolotoina i latou” (Teachings of the Prophet
Joseph Smith, 367).
Sa saunoa mai Elder Iosefa Filitia Samita e faapea:
“O le faaolataga mo e ua oti sa malamalama i ai
tagata i ona po o le Ekalesia Kerisiano anamua, ma sa
faia ni papatisoga mo e ua oti se’ia oo mai i le T.A.
379, o le taimi lea na vavao ai e le Aufono a Karefasi
le toe faia o lenei sauniga faapea ma le ‘faapotopotoga
paia’ mo e ua oti” (Doctrines of Salvation,2:163).
Fesili atu:
• O fea e fai ai nei sauniga paia o le papatisoga?
• O le a le mea e tatau ona tatou faia ina ia tatou agavaa
ai mo le ulu atu i le malumalu?
192
• Pe faapefea ona saunia e i tatou i tatou lava?
• O le a le mea e tatau ona fai e i latou o loo i le lalolagi
o Agaga ina ia aoga ai mo i latou le sui papatisoga?
Afai o i ai i lau vasega ni tagata ua ulu i le malumalu mo le
papatisoina o e ua oti, ia valaauina i latou e faamatala atu le
lagona sa latou maua e uiga i lenei mea.
1 Korinito 15:40–42 (Mau Tauloto). O le a
tatou maua se tasi o mamalu e tolu e tusa
ai ma a tatou galuega i lenei olaga. (10–15 minute)
Ia mafaufau tagata o le vasega e faapea e i ai se uo ua fesili
mai ia i latou pe sao uma atu i le lagi po o seoli tagata. Ia
valaau atu i tagata o le vasega ina ia tusia se tali i lenei fesili
ma ia tuuina atu pogai mo a latou tali. Ona fesili atu lea mo ni
tagata e ofo mai e faitau a latou tali.
Faitau le 1 Korinito 15:40–42 (E aofia ai ma le Faaliliuga
a Iosefa Samita o le fuaiupu 40) ma ia fai atu i tagata o le
vasega e ta’u mai vaega o mamalu e tolu. Ia tusia ni koluma
se tolu i luga o le laupapa ma ia tusia i koluma taitasi ulutala
nei: Selesitila, Teresitila, ma le Telesitila. Ia tusia le mau
Mataupu Faavae ma Feagaiga 76:50–70 i lalo o le Selesitila,
76:71–80 i lalo o le Teresitila, ma le 76:81–90 i lalo o le
Telesitila. Ia faitau e tagata o le vasega nei mau ma saili mo
tagata o e o le a o atu i malo taitasi o le mamalu. Ia valaauina
i latou e auaua’i e o atu i luga o le laupapa e tusi mea na latou
maua. Ia latou vaseina igoa o nei tagata ia latou tusitusiga
paia pe afai latou te manaomia.
Ia mafaufau i le faaali atu o ni moli eseese se tolu, e tofu le
moli ma le matauila e eseese le malolosi (e pei o le fasefulu,
onosefulu, po o le selau uati). Ia faapogisa le potu, ma ia
faamumu auaua’i moli taitasi, ma ia fai atu i tagata o le
vasega e tagai i le eseesega o le mumu. Ia faamalamalama atu
na faataitai lelei atu e Paulo le eseesega o le malosi ma le
olioli o loo i ai i malo taitasi. Ia molimau atu afai o le a tatou
osia ma le faamaoni ma tausia a tatou feagaiga, o le a maua
e i tatou le fiafia silisili i le malo selesitila.