O le a le Feagaiga Fou?

O le Faaaliga a Ioane lå Paia
Faaaliga 14:8–13. O le au faatuatua o loo
mulimuli ia Iesu Keriso o le a i ai se aso e malolo
mai ai ia latou galuega ma o le a manatuaina
pea a latou galuega amiotonu. (10–15 minute)
Tusi le upu malolo i luga o le laupapa ma fesili i ni tagata o le
vasega se to’atasi pe to’alua fo’i e faamatalaina mea latou te
faia mo se malologa pe a taunuu mai i le fale i le tuua o le aoga.
Fesili: O a upu o le a e faaaogaina e faamatala ai pe o le a sou
lagona i lena malologa?
Faitau e tagata o le vasega le Faaaliga 14:8–13 ma makaina
taimi uma e faaaoga ai le upu malolo. Fesili:
• E faafia ona ta’u le upu malolo? (Faalua; tagai ff. 11, 13)
• E faapefea ona faatusa le malolo a le amioleaga i le malolo
mo le Au Paia?
• O le a se mea e te naunau e fai ina ia maua ai le malologa
po o le filemu o le a mauaina e le Au Paia?
Valaaulia ia tagata o le vasega e faitau le Alema 34:34–35
ma le Mosaea 5:15. Fesili:
• O le a le mea e te faia e “faamauina” ai oe i le tiapolo?
• O le a le mea e te faia e “faamauina” ai oe i le Alii?
Tautino atu o le a tatou mauaina le taui e faavavau e faalagolago
i filifiliga tatou te faia. Tuu se lu’i i tagata o le vasega e faia ia
filifiliga e i’u ai latou te maua ai le malologa mai a latou galuega.
Faitau e se tagata o le vasega ia le faamatalaga lenei
a Peresitene Joseph F. Smith:
“O perofeta anamua sa saunoa i le ‘ulufale atu i le
malologa o le Atua: o le a le uiga? I lou mafaufau,
o le uiga o le ulufale atu i le malamalama ma le alofa
o le Atua, ma le i ai o le faatuatua i lona faamoemoe
ma lana fuafuaga e tatou te iloa ai e sa’o i tatou, ma
e tatou te lå o sailia se isi mea….O le tagata ua oo i le
tulaga lena o le faatuatua i le Atua, ma ua aveesea
uma le masalosaloga ma le fefe mai ia te ia, ua ia
ulufale atu i le ‘malologa o le Atua,. . .mai le tagi aue
o loo alu a’e iinei po o iina” (Gospel Doctrine.58).
Faatomuaga
Faaaliga 15–16
O le Faaaliga 15–16 o loo faaalia ai ia ni mea o le a tutupu
mulimuli a e le’i faamutaina le malo o le tiapolo. I le Mataupu
15, na vaai ai e Ioane ia le Au Paia i le mamalu selesitila o loo
vivii atu i le Atua mo Lana faamasinoga amiotonu, faatasi ai
ma agelu e fitu ua sauni e liligi mai i le fogaeleele o “mala e
fitu e faaiu ai” (f. 1). O le Faaaliga 16 o loo tusia ai ia faama’i,
taua, ma i si mea mata’utia, atoa ai ma perofeta pepelo ua faia
valoaga ma faaauau le aoaoina o mataupu faavae sese e taitai
266
seseina ai tagata o le lalolagi (tagai ff. 13–14). E ui i le tele
o faigata ma faatama’iga, ae toatele lava e le “salamo i latou
i a latou amio” (f. 11). Ma i le faai’uga, na folafolaina atu ai
e se leo selesitila e faapea, “Ua uma ona fai” (f. 17).
Ia suesue ma le agaga tatalo le Faaaliga 15–16 ma manatunatu
i mataupu faavae nei a e le’i saunia au lesona.
O Nisi Mataupu
Faavae Taua o le Talalelei e Saili Iai
• O le Au Paia e tausia a latou feagaiga ma mataituina le afio
mai o le Alii o le a faamanuiaina ma puipuia a o liligiina mai
e le Atua Lana faamasinoga i luga o e amioleaga. (tagai
Faaaliga 16; tagai fo’i 1 Nifae 22:14–19, 28; MFF 106:4–5;
Iosefa Samita—Mataio 1:37, 46–50).
Fautuaga mo le Aoao Atu
Filifili mai i aitia nei pe faaaogaina ni au lava, a o e saunia
lesona a o e sauni e aoaoina le Faaaliga 15–16.
Faaaliga 16. O le Au Paia e tausia a latou
feagaiga ma mataituina le afio mai o le Alii
o le a faamanuiaina ma puipuia a o liligi mai
e le Atua Lana faamasinoga i luga o e amioleaga.
(25–30 minute)
Fai atu i tagata o le vasega e mafaufau faapea ua i ai se faama’i
ua pesi i le lalolagi e leai sona togafitiga ma ua feoti ai ia le tasi
mai le tolu o tagata. Manatunatu o lenei faama’i o loo aafia ai
atunuu uma i le taimi lava e tasi ma e tai miliona i latou ua feoti
mai i le faama’i i le vaiaso. Fesili: Afai e i ai se auala e mafai ona
faasaoina mai ai oe mai i lenei faama’i ma mauaina le fiafia i
faamanuiaga a le Atua, faamata e te fia iloa po o lea lena auala?
Fesili i tagata o le vasega e mafaufau i le fesili a o aoaoina
le Faaaliga 16.
Faamalamalama atu i le Faaaliga 15, na toe vaai ai Ioane ia
Satani ua faaeaina ma o loo viia le Atua i le malo selesitila
(“sami tioata,” f. 2; tagai fo’i MFF 77:1). Na ia toe vaai fo’i i nisi
agelu e toafitu, o loo tofu ma uuina se ipu o loo o i ai le faama’i.
Ona faatonuina ai lea e se leo mata’utia ia agelu e, “O ia ina
liligi ifo le ipu o le toasa o le Atua i le lalolagi” (Faaaliga 16:1).
Tusi ni ata o ni ipu se fitu i luga o le laupapa ma faanumera mai
le 1 e oo i le 7 po o le tusia fo’i o numera i luga o le laupapa.
Faitau e tagata o le vasega ia le Faaaliga 16:2–4, 8–12, 16–21
ma fautua atu po o le a le mea o loo faasino tonu i ai ia nei
mala taitasi. Tusi a latou fautuaga i lalo ifo o le ipu po o le
numera. Faamalamalama atu e tuu mai e le Atua ia mafatiaga
i tagata ona o a latou agasala ina ia latou maua ai le molimau
e tatau ona latou salamo. Fesili:
• O le a le tala a Ioane e faailoa mai ai pe na salamo ia tagata
pe leai? (tagai ff.9, 11).
• Faamata o le a le tulaga e i ai lou olaga pe ana faapea
o lo o e ola i lea vaitaimi?